اللؤلؤ والمرجان فى تحضير عشق الجان

الجزء الخامس عشر (ع ث ش ذ ظ خ )

{وَإِذْ قَالَ رَبُّكَ لِلْمَلائِكَةِ إِنِّي جَاعِلٌ فِي الأَرْضِ خَلِيفَةً قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لا تَعْلَمُونَ}
[العفاريت مكنوش بينفذو اومر حد غير سليمان ووزيره اصف بن برخيا ...واصف بن برخيا كان نصفه بشرى ونصفه جنى]
اظن انت عارف نوع الدماء الى بتسرى فى جسمك]
[وبيراودنى حلم يقظه غريب .
شايف فيه راجل اسود البشره بيسلم على دومنيك وبيعور صباعه وبيختم على عقد ما]
[اسمك بقو بيخوفو بيه العيال عندنا]
[داغر كان عايز ينقذك]
[حتى الولد الى اعجبت بيه]
[سهيله عايزه تكسرنى وتاخده]
[حتى ماهر يا بابا]
[المثل المغربى بيقول( اللسان ما فيه عضم) اصبر]
[رحب يا ماهر بنائله ذات الشعور المأئله]
[اى سوائل خارجه من الجسم بتفسد التعاويذ ]
[بيتحرى ورا الساحر عباس لانه حاسس بالبلاء]
[اسمه داغر]
[بيست فرينش]
_الف مبروك ....واتخطبت لمين اسمه ايه سعيد الحظ الى اخد ست البنات .
-اسمه داغر .
اتنفضت من مكانى والاسم عصف ذهنى وقلت :
_داغر ..داغر الهجين .
-اه تقريبا اسمه داغر الهجان ..
قفلت معاها ومسكت دماغى بحاول اتمالك نفسى من الصدمه...
صفاء .....عباس .....داغر
داغر .....صفاء .....عباس
اسمائهم بتتردد بصوت عالى فى دماغى .
عباس من جنوب افريقيا وكان عايش فى المغرب ..
ايه علاقه ده ايه جابه فى دماغى ااااااه.
بخبط بأيدى كل حاجه قدامى ، ايدى !
صباعى الاوسط فى ايدى فيه حاجه غريبه مكتوب عليه الحروف دى :
ع ث ش ذ ظ خ ..
عنيا بتسهى وبتغمض تدريجيا حاسس انى عايز انام ، رغبه بتلح عليا انى انام .
بجرى ع المرايه وانا بتهالك بكلم قرينى :
_رام ايه الى بيحصل را......
وبتر عبارتى اغمائى وانفصالى عن العالم الخارجى ..
ظلام دامس لا ينفذ منه امل ...لا ينفذ منه نور ولا نار مستعره لتحرقنى.
شايف لون ابيض ؟ مش نور لا .
ظلام اكتسى باللون الابيض .
شوفت قدامى مجموعه احلام غريبه فيها انا كائن هلامى بيطفو (روح)
وقدامى جسدى البشرى على سرير فى المستشفى .
بيتم تغذيته بالرايل وبالمحاليل ..
وكل شويه ممرضه تيجى تقلبه ذات اليمين وذات الشمال ..
وتفرغ الاكياس بتاعت القسطره البوليه .
مجموعه احلام بيتكرر فيها نفس الشئ .
كأنى فى سبات زى اهل الكهف ؟! اهل الكهف...
فجأه صوت اخترق خيالاتى :
- سيد ماهر؟ سيد ماهر
رجعت واقف فى الضلمه :
_مين ....حد هنا غيرى ..
-انا خان يا سيدى خادمك المطيع .
_كنت فين يا خان بدون اذنى .
-كنت اتحرى خلف الشيخ عباس يا سيدى وجئتك بما لم تحط به علم .
_اتكلم .
- بالمغرب فى الطريق إلى جبل توبقال، وعلى ارتفاع يصل إلى حوالي 2500 متر عن سطح البحر، توجد أعلى محكمة للفصل في قضايا الجن والانس (محكمه شمهورش )
_بس دى فى عالم الجن !
- وفى ارض الواقع كمان يا سيدى ...كانت الناس تتسلق الجبل عشان تتعالج عنده ويحكم على الجن الى متلبس المشتكى للقاضى او يحكم على البشرى .
وكان فى ساحر بيلقبوه بالشيخ عباس بيعمل فى المحكمه دى تحت خدمه شمهورش ...
اصابه الهم والغم لما انت قمت بقتله وعقد عقد بالدم مع ابنه شمهورش دومينيك ، انه ياخد كتاب كان مسؤوليه بنو الاحمر كلهم.
عقد العقد معاها على انه يحصل على الكتاب ده الى هو غير موجود بحوذه غيرهم مقابل انه يقتلك .
وتتالى المفجأت .
_يضحو بأهم كنوزهم فى مقابل قتلى انا!
-الكتاب ده هيحرر قوه كبيره وتقريبا عندها القدره انها تهزم العفاريت ..انت تمتلك قوى هائله ومش سهل تتهزم ...عباس محتاج هجين يتزاوج ويخلف رضيع عشان يحرر بالرضيع ده القوه دى .
رديت بسرعه :
_داغر اتخطب لصفاء ! لسه بدرى احنا ممكن نلحق كل حاجه ونحرق الكتاب الى بحوذته .
-مش من السهل تحرق كتاب (العزيف) يا سيد ماهر .
_انرميكون ! الكتاب المغلف بجسد الموتى.
-ده مش كتاب سحر يا سيدى ...ده شئ اسوأ .
_مش مهم ممكن نلحق كل حاجه مش هخلى صفاء تتجوز ماهر.
-سيد ماهر متسألتش عن ماهيه الحروف الى فى ايدك دى .. ع ث ش ذ ظ خ..
ده طلسم النوم انت نايم بقالك ٩شهور ، داغر اتجوز صفاء بالفعل وهى فى التاسع المولود على وشك انه يتولد .
_ ازاى ؟
-انت الوحيد الى تقدر تحرر نفسك يا سيد ماهر انا عشان اخترق الطلسم ده عرضت نفسى للفناء انت الوحيد الى تقدر تحرر نفسك ..دومنيك رغبتها بالانتقام خلتها تعمل شئ شنيع .
اااااااااااه *وصرخ خان بصوت عالى *
وكان جسمه بيتحرق .
_خان لااا انت بيحصلك ايه .
حاولت اقرب منه لكنه كان بينازع وبيخرج كل طاقته وهو واقف تحول جسمه لرماد تدريجيا وقبل وشه الى صار من رماد ما يصير تراب .
قال :
-انت الوحيد الى تقدر تحرر نفسك ..
ااااه خااان 💔
احضر يا :
لهشطش
مشهش
قطوش
كهيوش.
المكان بيهتز لكن مش قادرين ينفذو ويجولى .
انا الوحيد الى اقدر احرر نفسى ...الطلسم على صباعى الاوسط...لازم يتشال عشان اصحا .
بحاول ارفع ايدى الى فيها الطلسم مش قادر، حاولت انزل اقرب لصباعى .
صعب صعب ..
سمعت صوت صريخ صفاء بتقول :
_الحقنى يا مااااهر الحقنى ..
انا لازم اصحى رفعت ايدى
وفى بالى شكلى على سرير المستشفى وبرفع ايدى ببطأ قربت صباعى من بوقى .
عضيت الجزء الى من قدام ..
اللعاب مش راضى يأثر ع الطلسم .
عضيت بكل غل وانا بفكر فى صفاء وبعيط.
وحاسس ان جلدى بيتقطع .
دموعى نزلت وجسمى بيترعش وانا بحاول اقطعه ..بعد ما فى جزء اتشال عضيت عليه بضرسى وسحبت راسى مره واحده ..
اااااااااه ..صحيت فى المستشفى وصباعى بينزف واللحم والعضم باينين فيه .
ندهت وانا بتوجع :
لهشطش
مشهش
قطوش
كهيوش.
سمعت صوتهم :
-احنا هنا يا سيد ومقدرناش ننفذ لعقلك.
قمت وانا بتوجع ومفيش حد فى بالى غير صفاء وداغر .
وقفت ع الارض وانا لابس روب المستشفى وجسمى عريان تحته والاجهزه على جسمى .
والدم مالى هدومى من صباعى .
_انقلونى عند عباس.
لقيت الاثاث بيهتز وبيتجمعو عليا وحاسس انى جوا اعصار وفى ثوانى لقيت نفسى قدام بيت عباس ..
القريه شكلها فاضى جدا وغير مأهوله بالسكان .
بالاضافه لان المكان مفيهوش جن اطلاقا القريه كلها خاليه من الجن ..مفيش عمار مكان !
دخلت البيت مش سامع حد فى اوض البيت .
اتحركت ناحيه الحوش بتاع البيت ..
المكان كله نجوم سدادسيه بلون الدم ..
قررت ابعد بس ببص لقيت صفاء ومعاها داغر والشيخ واقفين فى اخر المكان وصفاء بتعيط :
_لا يا داغر لا ده مش معاد ولادتى انتا عايز تعمل فيا ايه حرام عليك ، حرااااام .
مقدرتش استحمل جريت عليهم بس لقيت النجوم السداسيه الى حواليا دواير.
بيطلع منها سلاسل من معدن حاولت اتفاداها لكن سلسله ربطتنى من ايدى اليمين وسلسه من ايدى الشمال وسلسله من رجلى الشمال ومن اليمين وفى دايره كبيره جدا جواها نجمه لقيتها محاوطانى هى وباقى النجوم من بره وحركتى اتقيدت .
بصلى عباس وقال وهو بيضحك :
_كنت عارف ...كنت عارف انك هتقع فى الفخ .
ناديت بغل وانا بحاول اسحب جسمى :
لهشطش
مشهش
قطوش
كهيوش.
خرجو واقفين حواليا ولقيت السلاسل بتجمع كل واحد منهم وتعصره .
وضحك عباس :
_دى نفس السلاسل الى عاقب بيها سيدنا سليمان الجنى ظام وقيده بيها .
وكمل بنبره جاده ..
_نفس السلاسل يا ماهر ..المرادى التعويذه نفسها من سوائل الجسم ..
واتقدم بطريقه مسرحيه وهو ماسك كتاب ضخم من جلد الموتى الجاف الملئ بالشعر والعفن .
وقال :
_رحب بأبنك وحبيبتك ...احم ...اقصد مراته ام ابنه ..
وصرخت صفاء :
-انا اسفه يا ماهر انا غبيه غبيه ...مى قالتلى وواجهت سهيله انا غبيه وضيعتك من ايدى انا السبب انا السبب ..سامحنى يا ماهر .
دمعت عنيا ونزلت على ركبى وقلبى مكسور وحاسس انه تقيل جدا جوايا:
-انا الى اسف يا صفاء ..اسف انى حبيتك .
قاطعنى عباس وقال :
_اوووووه مشهد درامى مؤثر ..
_عيط يا داغر بص ابوك مزلول ازاى ..
ضحك داغر وسمعته بيتكلم لاول مره:
-طول عمره كده بيستسلم لعواطفه وضعيف ..حساس اكتر من البنات ..
قلت لداغر :
_ارجوك يا داغر ارجوك سييها وهعملك الى انت عايزه ..
ضحك داغر ونده قال : يا عااابس ..حضر العده ..
جه عابس ومعاه طبق كبير من الخشب ماسكه بأيديه الاتنين وجواه حجات كتير معرفش ماهيتها.
وقال عباس :
_كنت فاكر ان العفاريت اقوى انواع الجن.
فى الاقوى منهم ومش من الجن ، الاقوام الى اتخلقت قبل البشر وقبل الجن اقوى منهم وربنا عاقبهم عشان سفكو الدماء زى ما عاقب الجن على سفك الدماء .
دلوقتى هيتحررو قدام عنيك .
صرخت وخدامى كلهم بيخرجو بالمئات والسلاسل التقطتهم كلهم واتربطو وبقيت انا لابس هدوم المستشفى والدم بيسيل منى وبعيط وحواليا العفاريت والخدام متكبلين زيي .
حط عباس الكتاب قدامه وعابس اداله فى ايده خنجر سليمان ! الى نسيته يوم ما قطعت شراينى فى بيت الشيخ .
بصلى عباس وابتسم قرب من صفاء .
وقالتله :
_انت بتعمل ايه ؟ عايز ايه.. ابعد عنى لأ ...ماهر ماهر انجدنى .
راح مسك هدومها عند بطنها بأيديه الاتنين وسحبها وراحت اتقطعت وكشف بطنها .
_سيبها يا ابن .... سيبنا هطلع ..امك لو مسبتهاش .
قال كلام غير مفهوم ومسك الخنجر بأيديه الاتنين ونزل على بطنها ..
صرخت بكل قوتها ..وقام ساحب الخنجر شق بطنها نصين وما زالت بتصرخ بكل ما اوتيت من قوه ....
خلع داغر هدومه وبقا عارى وووقف قدام الطبق الخشب .
وسمعت صوت عياااط طفل رضيع سحبه عباس من جوا بطن صفاء .
وانا قاعد بصرخ وخدامى معايا والعفاريت ومحدش منهم قادر يتحرر .
شال عباس الطفل ورماه فى الطبق والطفل بيصرخ .
مسك عباس رماد اسود ورشه على الطفل وقال لداغر يرفع ايديه ويبص للسماء .
وقال عباس " والشمس والقمر والرياح العاتيه والطين اللاذب والظلام الحالك والحى والهالك احضرو ايها السابقون السابقون السابقون فليحضر كل من الحن والبن والخن والسن والدن وكل الاقوام السابقه ..والبرق والرعد والشرق والغرب احضرو يا معشر المخلوقات "
واتحركت الغيوم وبقا لون السما احمر زى الدم ونزلت ساعقه من السماء على الطبق والطفل بيتحرق وبيزيد فى صراخه .
وعباس بعلو صوته "احضرررررررو"
انفتحت بوابه قدام داغر من اللامكان وخرجت منها ايد ضخمه لمخلوق غريب .
مجسات اخطبوط مكان البوق وراسه عباره عن اربع قرون عملاقه ودقن طالع منها قرن..
وخرج خلفه عملاقه على شكل افعى لكن جسمها تخين ولها ايدين واقدام طويله ووجه حشرى ...وخلفها جسد عملاق يمشى على اربع وجسده امتهالك ولا يملك اى عيون بل اعمى تماما . وتبعه ذوات أجنحة وكلامهم قرقعة.
وما له أبدان كالأسود ورؤوس كالطير ولهم شعور وأذناب وكلامهم دوي.
ما له وجهان واحد من قبله والآخر من خلفه وأرجل كثيرة.
خرج ما يشبه نصف الإنسان بيد ورجل وكلامه مثل صياح الغرانيق.
واخر بوجهه كالآدمي وظهره كالسلحفاة وفي رأسه قرن وكلامه مثال عوي الكلاب.
وبعده ما له شعر أبيض وذنب كالبقر.
دفع عباس داغر من قدام الطبق وقال :
_ابعد القوى العظيمه دى هتكون من نصيبى وقال " انا سيدكم عباس خادم ساب للق...اع ..
وبتر كلامه قبضه ايد عملاق ضخم من الحن ..واصدر صوت مرعب ..
اتفعص عباس وبقا عباره عن بقايا ..
رجع داغر ببطئ وبيقول :
_الحن والبن مخلوقات غير عاقله زى الجن !
رجع ووقف على نجمه سداسيه وسحبته سلسله واتربط جمبى .
واصدرت المخلوقات الغريبه دى اصوات عاليه رجت المكان وبقى الخدام يسمعو الصوت ويفلفصو مش قادرين .
عهد جديد بيغير فيه الحن والبن على البشر .
كان وضعى مزرى ايدى بتنزف وانا قاعد على ركبى بلبس المستشفى .وعنيا وانفى نازل منهم دم من كتر العياط ..
بس رغم ده ببص للاشكال المرعبه دى وببتسم .
بصلى داغر وقالى :
_فرحان ليه احنا هنموت .
بصتله بنفس الابتسامه وببرود:
-انت الى هتموت ..
صرخت المخلوقات دى بصوت عالى خلت البيت الى احنا فيه بتتساقط من الحجاره والسما كأن اعمدتها بتتهز وشايفها بترتعش .
فجأه انشقت السماء وظهر منها نور ابيض عظيم وقوى .
ولقيت السلاسل بتتسحب من عليا انا والخدام .
كنت عارف ده نور ايه فقلت بصوت عالى: استخبوووووو.
وخرجت سواعق من مكان ما انشقت وبيخرج منها اجساد بيضا عظيمه ليها اجنحه فوق ال ٥٠٠ جناح .
كانو يمسكون السوط .
ونزلو بعتادهم هجمو على الحن والبن .
وكانو بيفرو هاربين مش قادرين يهاجمو .
ووسط المعركه دى اخدت خنجر سليمان.
وندهت :
_داااغر .
التفت ليا وبص للخنجر .
رحت جارى عليه وراشق الخنجر فى جمبه .
_ده عشان بتتجوز البنت الى بحبها.
وسحبت الخنجر مره تانيه ودفنته فى صدره ..
_وده عشان ابنك وحفيدى الى قتلته يا نجس .
وزقيته ع الارض وبقيت فوقه اطعن ودمه بيغرق جسمى ورحت قاطع راسه وانفجرت نافوره من الدم غرقتنى .
_قلتلك انت الى هتموت.
ولقيت الحرب هدأت ..
وفى صوت خطوات ورايا .
وقفت والدم بيسيل من عليا ولفيت لقيت الجسم الابيض ذو الاجنحه الكثيره قدامى وجسمه منور ومش قادر اشوفه من قوه نوره .
وسمعت صوته العذب بيقول :
_سفكت الدماء يا ابن ادم .
تهتهت وحسيت انى مش قادر ابلع ريقى وقلت :
_انتا انت مين .
قال وهو يعطينى ظهره وريشه بيلمع :
_ملاك ...
-استنى !
وطار وتبعته اجنحته وباقى الملائكه .
ومفيش اى اثر للحن والبن والسن والدن والخن .
كلهم اختفو حتى خدامى فرو هاربين .
حقهم يخافو الملائكه مش اول مره تنزل الارض نزلت قبل كده للحن والبن وبعدها للجن وبعدها بسبب تحرير المخلوقات الشنيعه دى .
سمعت صفاء بتنادى وايدها مرفوعه جريت عليها بسرعه .
_صفاء انتى عايشه .
شهقت وعنيها باصه لفوق مش جايه فى عينى ..
-كان نفسى اقولك انى بحبك ، كان نفسى اكونلك كان ....
وقطعت نفس خالص .
حضنتها وبكيت ودمى اختلط بدمها واختلط بدم داغر.
الكل مات مش فاضل غيرى
انا.
انا ومن بعدى الطوفان .....
.

تمت...

السلسله المشتقه من القصه سلسله (المنبوذ) وهتعتبر تكمله للقصه دى