اللؤلؤ والمرجان فى تحضير عشق الجان

الجزء الرابع عشر (هجين)

_رحب يا ماهر بنائله ذات الشعور المأئله .
خوفت نائله دى جنيه مش ساهله حاولت استدعى اى حد :
_احضر يا خشيب
احضر يا خان يا خان ..
-قلتلك انهم محتجزين زيك كده
اول مره الحظ ميكونش حليفك يا ماهر .
اشار عباس لنائله عليا .، لقيتها من مكانها بتمد شعرها وكأنه عضو منها ناحيتى
وانا حاسس كأن افعى اناكوندا ضخمه بتهجم عليا .
غطيت وشى من الخوف لأول مره من فتره كبيره اخاف .
بس فى جزء من الثانيه مرت ذكرى قديمه قدامى.
***
قرب داغر وكان فى دم بينزل من ايده اثر جرح بأله حاده ..
_ احم ..اسف على دخولى المسرحى ده بس مقدرتش افوت فرصه انى اقطع كلامك انت قلت مفيش جن يقدر يدخل ، بس نسيت ان فى نصف جن هنا ...داغر الهجين .
-جاى هنا ليه يا داغر ..
_جاى اخد بتارى ، دمى فى كل ركن فى البيت دلوقتى وانت عارف ده معناه ايه يا شيخ صح ؟؟
***
***
_كده حمايه البيت فسدت يا ماهر ..
***
اى سوائل خارجه من الجسم بتفسد التعاويذ !!!!
قمت حطيت صباعى عند اللسان المزمار فى بوقى ومستفرغ ع الارض .
وفى نفس الوقت خلاص شعر نايله هيجى عليا.
غمضت عنيا ....وسمعت صوت خشيب وخان والخدام ..
فتحت عنيا لقيت نائله عامله شعرها زى مجسات الاخطبوط وماسكاهم بيهم وشعرها بيتطاير وشكل ناعم وطويل للغايه ولكنه بيحملهم ..
كانت بتعتصرهم وشوفت الغيلان بتتحرق وهما بيصرخو بصوت عالى..
قمت وقلت :
لهشطش
مشهش
قطوش
كهيوش.
اسمعو واطيعو ...احضرو .
تجمدت نائله والساحر وتوقفت الحركه.. كانت فى اوراق بتتطاير لقيتها ثبتت فى الجو .
الزمن وقف .
وظهرو بأجسادهم العظيمه الى بتتحصل على الرعب الخالص .
كان الزمن متوقف حرفيا انا وهما بس الى حاسين بالى بيحصل .
قلت :
_ لهشطش تحاور مع نائله .
_قطهوش حرر الخدام .
_كهيوش رجع الزمن .
رجعت كل حاجه تحرك بس الخدام فكو من قيد الشعر والى اتحول لرماد بسبب عصرها رجع يتكون من تانى .
الساحر كان رجع فى الركن وسجد على ركبه ليهم .
وصمت وتراجع تماما .
وقالت نائله بصوت عجوز مريضه مخيف :
- العفاريت !
-ماذا تفعلون هنا .
تجاهل قطهوش سؤالها وقال:
_ فى صفنا يا نائله ام ضدنا ..
بصت نائله للساحر وهو يخر امامهم وقالت:
_انسحب من كلا الفريقين .
-متى اخر مره التقينا يا نائله ..
_مذ اكل النمل الابيض عصى سليمان النبى ولم نعد مسخرين له .
- حسنا ان لم تكونى فى صفنا لا تقتربى انتى تعرفيننى .
_اعرفك ولست خائفه...ولكنها ليست حربى ....هى حرب ذاك الصعلوك .
وشاورت بعنيها على الساحر وهو ساجد ع الارض .
-انصرفى اذا ..
بصت ل لهشطش نظره تحدى وابتسمت وشعرها بيتطاير وبتسحبها الكهربا من الاسلاك من كل ناحيه بالتدريج لحد ما اختفت .
تقدمت ناحيه عباس ووطيت ناحيته وقلت :
تعرفنى ازاى بقا انا ماهر الى لما اتحكم عليه بتجريده من خدامه بسبب قتل مارد قام قاتل القاضى نفسه ؛ انا ماهر الى تزاوج من الجن وانجب داغر ، انا ماهر الى اتحدا المرده والمنبوذين واتعرضو للاعدام بسببه ماهر الى بيحوذ على خنجر النبى سليمان ماهر الى تم تلقيبه بالذى لا يقهر ، ماهر الى مسخر ليه اربعه من العفاريت ....ماهر الى صرف جنيتك وخلاك تخر ساجد ..
انا ماهر الى هيحاسبك على كل حد اذيته...انا عملك الاسود يا عباس وهكون جحيمك فى الدنيا الى هيودى بيك لجحيم الاخره ...
_انا انا خريت عشان .....عش.
قاطعته :
_عايز تقول انك خريت عشان عظمه حضورهم وانى مش الشخص المناسب الى يستحق يتحصل عليهم .
-احيانا الكذب بيبقا غطاء مناسب عشان ندارى بيه خوفنا يا عباس ...
-المره دى مجرد تحذير ...ومعلومه انت متعرفنيش كفايه .
بعدين طلبت من العفاريت ينقلونى ورجعت البيت ورجعت حياتى الطبيعيه ، رجعت احاول اتكلم مع صفاء ورجعت لمداعبات سهيله المتكرره ليا واهتمامها الزايد الى ابتديت الين ليه .
صفاء كانت بتتجاهلنى بطريقه غريبه ..؛ شغلت دماغى شويه وكلمت مى تقول لصفاء ان معاد الدرس اتغير وتكذب عليها وتخليها تيجى بدرى عشان اعرف اتكلم معاه .
وجرت الامور كما خطط لها لقيت صفاء مستنيه من برا .
_صفاء جايه بدرى ليه ؟
ردت عليا بزهق :
_قالولى معاد الدرس اتلغى جيت والاستاذ قالى لسه ومفيش حاجه اتغيرت رغم ان مى قالت ان الدرس دلوقتى..
-اااااه اصل الاستاذ قال احتمال يتغير وهى فهمت انه اكيد .
تأفأفت وسكتت .
-صفاء انا محتاج اعرف ايه وداكى للساحر الى اسمه عباس ده صدقينى انا عايز اعرف عشان قلقان عليكى صفاء انا بخاف عليكى اكتر ما بخاف على نفسى انتى متعرفيش انتى ايه بالنسبالى ..
نظرتلى نظره خاويه مش عارف مغزاها .
_وفر الكلام ده لسهيله يا ماهر متشكره لشعورك .
وقامت تمشى :
_استنى رايحه فين وايه علاقه سهيله بكلامنا .
-مروحه مش عايزه احضر الدرس وشكلى مش هحضر تانى اصلا ....اما سهيله فتبقى تسألها .
ومشيت مشيت وراها بعصبيه وشدتها من ايدها : _بتمشى ليه وانا بكلمك خدى هنا .
-لو سمحت سيب ايدى .
_لا شغل المسلسلات التركى ده مش وقته وانتى مش ديما وانا مش عمر ابليكجى .
-ليه يعنى .
_الفرق ان هما حلوين.
-انا مبهزرش معاك متلمسش ايدى ايعد.
_يوووه يا صفاء اسمعينى يا صفاااء .
شدت ايدها ومشت وكانت بتعيط :
_صفااء انا بحبك .
قلتها بعد رحيلها وكان عندى احساس انى مش هشوفها تانى .
وبالفعل محضرتش دروس ومشوفتهاش بعد كده .
بدون سبب ، علاقه بدأت بشكل غريب وانتهت بشكل غريب .
مش عارف حبتنى ليه ومش عارف كرهتنى ليه .
وبعدت ايام وليالى ...عملتلى بلوك من كل مواقع التواصل الاجتماعى .
وفى وقت خلوه استدعيت خان طالبا حضوره ولكنه مستجابش .
فاستدعيت خشيب .
_خان مختفى فين يا خشيب .
- معرفش يا سيد ماهر بس الظاهر انه موضوع مهم لانه ميقدرش يتأخر عنك .
_الموضوع ده بخصوص ايه متأكد انك عارف .
-فى الحقيقه هو بيتحرى ورا الساحر عباس لانه حاسس بالبلاء الى هيجى من وراه .
_انصرف يا خشيب انصرف .
كانت مى منزله ستورى ع الواتس فيها صورتها هى وصفاء ومى لابسه دريس احمر ديق مجسمها وصفاء لابسه فستان ازرق واسع وجزء من شعرها باين ومكتوب ع الصوره (الف مبروك يا صو يا حبيبتى ) ..
بسرعه كنت اتصلت على مى .
وردت :
_الو يا مى ايه الصوره الى منزلاها ع الواتس دى .
-اها دى صفاء اتخطبت بس بتسأل ليه وانت يفرق معاك ما معاك ست سهيله .
_ايه علاقه سهيله اذا كنت مبستلطفهاش اصلا ايه دخلها بيا .
- ببساطه يا اخويا سهيله كانت قايله لصفاء انك بتحبها .
انا احب سهيله ! ده يبرر تصرفات صفاء كل ده عشان غيرانه عليا قد كده انا غبى ؟؟
بلعت ريقى وعنيا بتترغرغ وقلت بصوت مبحوح :
_الف مبروك ....واتخطبت لمين اسمه ايه سعيد الحظ الى اخد ست البنات .
-اسمه داغر .
اتنفضت من مكانى والاسم عصف ذهنى وقلت :
_داغر ..داغر الهجين .
-اه تقريبا اسمه داغر الهجان ..