اللؤلؤ والمرجان فى تحضير عشق الجان

الحادى عشر (عوده الملحمه)

بعد فتره *...
نفس استدارت العين ورموشها المرسومه بأدين ملائكيه بشرتها الى ناصعه زى بياض الثلج لولا ان الرسمه بالرصاص ..
انفها الصغنن ، شفايفها الى بيشبهو ورده متفتحه مع شروق الشمس والندى مديها لمعه بقطراته عليها ..
بس فجأه بتصرخ وجسمها بيتحرق
الحقنى يا ماهر الحقنى .
لأااااااه .
شهقت :هاااااأ
صحيت من نومى ع رنه الفون من نفس الحلم الى بيراودنى من ساعه الحادثه الى كانت السبب فى فقدان ذاكرتى .
الدكتور قالى ان الدم مكانش واصل لمخى وده اثر على ذاكرتى وكويس انه مأثرش على اجهزتى الحيويه ، وولد اسمه داغر هو الى نقلى الدم .
فونى كان بيرن برقم مش متسجل .
سبته ومردتش مبحبش ارد على ارقام غريبه لانها بتطلع حد اعرفه دايما ..
بس الفون رن اكتر من مره فرديت :
_ألو
-مهوووور ..
_احم مين معايا .
-انا سهيله يا مهور عامل ايه .
_سهيله مين ؟
-احم اه نسيت انا زميلتك لو فاكرنى.
_اممم ازيك يا سهيله انتى معايا فى درس النهارده.
-اه ماما اقنعت بابا ورجعت اخد وملقتكش بتيجى فاستغربت .
-انت سمعت ايه الى حصل يا ماهر عشان اتمنع من انى اروح المدرسه.
_مش فاكر اى حاجه الصراحه ....
*ضحكت* -اه سورى يا مهور نسيت.
_ههه انتى كمان عامله حادثه.
ضحكت بصوت خفيف كمجامله .
-لأه بس الحادثه خلتك عسل ومش قفوش زى الاول ..
_اممممم تسلمى يا ...
-ههه سهيله انت نسيت .
_اه متأسف يا انسه سهيله .
-قولها حاف .
__ههه حاضر سلام .
قومت غسلت وشى عشان افوق وانا بفتكر احداث الحلم.
ببص فى المرايه وبشوف ملامحى ،بعد ما غسلت وشى .
لقيت عنيا بتحمر وبتنشق طولياً
بدعك عينيا عشان افوق .
فجأه لقيت انعكاسى بيخرج م المرايه وجاى عليا .
فنطيت لورا على ضهرى.
وبصرخ وانا حاطط ايدى على وشى: اعوذ بالله من الخبث والخبائث اعوذ بالله من الخبث والخبائث .
وسمعت صوت بيقول بسرعه : بابا.
فضل صدرى بيرتفع وينخفض وانا حاسس براسى منمله .
استعذت بالله وقومت ببص للمرايه .
ملقتش حاجه كل حاجه طبيعيه.
قومت غيرت وجهزت عشان اروح الدرس.
وامى قالتلى ان فى واحد صاحبى مستنينى .
كان قاعد فى الصالون قام سلم عليا وفكرنى بنفسه :
_انا اسامه صاحبك يا ماهر فاكرنى .
-مش عارف بس انت مألوف بالنسبالى مش حاسك غريب عنى .
خدنى بالحضن وقالى :
_ليك وحشه يا ماهر. .يلا بينا اتأخرنا ع الدرس .
خرجت وركب اسامه الموتسيكل بتاعه وقالى اركب وراه .
وصلنا الدرس ودخلنا ....كان بيعرفنى بالناس.
سلمت ع الاستاذ ،واسامه قالى :
_ده مصطفى صاحبنا *وسلمت عليه*. واتكسف يعرفنى ع البنات .
فبنت اتكلمت :
_انا سهيله يا ماهر كلمتك النهارده الصبح.
- اه فاكرك .
وعرفتنى هى بالتلات بنات التانين :
_ودى يا سيدى مى ودى صفاء اممممم ودى مكنتش معانا فى الاول دى ملك جت مكان صفاء لما كانت بتغيب .
ردت صفاء :
-كنت تعبانه مكنتش بغيب وماهر نفسه الى جاب دكتور يعرفه .
هرشت فى دماغى عشان مش فاكر حاجه خالص م الى بتقوله .
قعدت والمدرس عمل مراجعه بسيطه ليهم ومعرفوش يجاوبو وجاوبت انا .
استغربو وانا نفسى استغربت انى بعرف اجاوب ومعظمهم مكانوش يعرفو حاجه .
وطول الدرس كنت برد حتى ع الحجات الى معرفهاش .
المدرس استغرب بس عدى الموضوع .
وقالى :
_برافو يا ماهر .
اتدخلت البنت الى اسمها سهيله :
-ايه ده مش مفروض ان هو فاقد الذاكره .
رد عليها الاستاذ وشبك ايديه فى بعض وسند كوعه ع الطرابيزه قدامه :
_فى حجات بتتنسى وحجات ساعات مبتتنسيش وممكن الانسان يكتسب حاجه جديده زى زياده نسبه ذكائه مثلا ده فى شاب استرالى بعد ما اتعرض لحادثه خف لقى نفسه متعلم اللغه الصينيه كده بدون مبرر وهو معندوش خلفيه عنها ....وشاب غيره الحادثه خلته بيشوف كل حاجه قدامه على هيئه اشكال هندسيه على الرغم من انه بعيد كل البعد عن المجال ده ..
وقام قلش مره واحده :
_زى اللمبى لما خبطه اتوبيس سياحى بقا بيتكلم انجليزى كده .
لقيت البنات بتضحك على هزاره السمج ده وانا واسامه ومصطفى مبلمين .
رجع للدرس وشويه وخلصنا وخرجنا بره .
ندهتنى صفاء :
_ماهر ممكن دقيقه.
-أؤمرى يا انسه صفاء .
قالت بخجل وهى حاضنه الاسكتش والملزمه على صدرها :
_عامل ايه يا ماهر .
-الحمدلله .
_مش فاكر ايه الى حصل يوم ما خرجت من بيتنا بتجرى ،لان يومها لما حصلك الحادث .
مش عارف هى بتقول ايه بالظبط .
بس للحظه تخيلتها بشكل مرعب ...وبصتلها بخوف .
وبصوت اشبه بالزئير قالت اسمى .
واتخضيت ورجعت لورا .
والصوت انخفض ورجع طبيعى :
_ماهر انت معايا صح ..
-اه اه كنتى بتقولى ايه ..
سهيله كانت جايه ناحيتى فصفاء قالتلى بقرف سلام .
_مهووووووور .
-هو احنا كنا واخدين ع بعض اوى لدرجه الدلع ده .
_اه طبعا وانت كنت بتقولى يا سوسو .
-انا !
_طبعاً ده احنا كنا بيست فرينش .
-ايه يختى ؟
_بيست فرينش ،يعنى صديكى المفدل . -انتى بتقولى ايه ؟
_اووووف مش مهم ...ايه رأيك فى الطقم الى انا لابساه ده صحيح .
بصيت لهدومها الديقه والبنطلون الى لازق فى وراكها وبلعت ريقى وقلت :
_حلو .
ضحكت ضحكه خليعه وقالتلى سلام نبقا نتكلم واتس .
نادانى اسامه قالى :
_يا رتنى انا الى كنت تعبان يا اخى عشان يسألو فيا كده.
_ ها يلا بينا عشان اوصلك البيت وانا ومصطفى نروح البلايستيشن.
-طب مينفعش اجى معاكو .
اسامه بصلى بأستغراب ونده مصطفى :
_رغم انك عمرك ما عملتها وبتقولنا ان احنا بنضيع وقت بس اشطا تعالى ...بس بنبهك هو فى البلد الى جمبنا مش هنا ...تمام يا زميلى .
-تمام يا أسامه .
ركبت وراه ورحنا دخلنا جوه ولعبت معاهم ،مصطفى قال اسامه براحه عليه اول مره يلعب .
خدت برشلونه وهو خد الريال وبدأنا نلعب .
كأول مره العب استغربو ، غلبت اسامه 5/0 وهو مش ملاحق عليا ...مش عارف العيب فيه ولا العيب فى الريال ..،اصلهم مبقوش قد كده من بعد كرستيانو ما سابهم.
ضحكت وطلعت اشم هو برا ..كانت البلد مألوفه ليا وحاسس انى جيت هنا قبل كده .
اتمشيت وحاسس انى عارف انا رايح فين من بعيد على يمينى سمعت صوت ست بارد حسسنى بلسعه برد :
_ مأ ...مأ ....ماهر ..
تجاهلته وفضلت ماشى لحد ما وصلت لبيت طينى بابه خشب زقيته ودخلت.
لقيت راجل لابس جلباب وعمه على دماغه وماسك سبحه وفى بخور جمبه والع بيلقن ولد فى المرحله الاعداديه تقريبا وبيقولو:
_حصلتلك حاله تلبس من جنيه اسمها مريم من قبيله النفر ودول من الجن الى سمعو القرأن من سيدنا محمد (صلى الله عليه وسلم ) ..،وتلبستك ايضا جنيه نصرانيه بينها وبين مريم عداوه ومنافسه وهى من قبيله دغش ودى متفرعه من بنو الاحمر ..
فجأه المكان اتغير والواد هدومه اتغيرت لكن نفس الجلسه وبيتكلمو هو والشيخ بس الولد صوته خشن وقوى زياده عن اللزوم :
_أخرج من جسمه وهاخد عليك عهد بعدم ايذائه مره تانيه والا هأذيك ..
فقال الشيخ ( بحق سليمان وبحق العهود السليمانيه وبحق رب سليمان اترك هذا الجسد )
اتعصب وكانت عروقه بتتحرك تحت طبقه جلده الخارجيه ..
_(ولسليمان الريح غدوها شهر ورواحها شهر واسلنا له عين القطر)
_ اخرج يا داغر .
مش خارج ...
_ (ومن الجن من يعمل بين يديه بأذن ربه)
صرخ وكل حاجه بتتهز والنار بتعلا قدام الشيخ ..
_ (ومن يزغ منهم عن امرنا نذقه من عذاب السعير)
صرخ بصوت عالى.
قلتلك مش هتأثر معايا الحجات دى انا مختلف عنهم ..
_(وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ ).
تشنج واترميى على جنبى .
وفضل يتقيأ اشياء لونها اسود واترمى.
بصلى الشيخ وهو بيقول :
_داغر ده يبقا ابنك من مريم ..
اتغير المكان تانى والصبح بقا ليل والولد رجع قدام الشيخ .
وقال الشيخ :
_تعرف قصه ليلى والذئب يا م**ر.
ووقع حد شبه الشيخ من الدولاب للى فى الطرقه .
والشيخ التانى عنيه اتلونت بالاحمر واشار بصباعه نحو الولد.
فجأه المشهد اختلف ولقيت الولد فوق شبيه الشيخ وعنيه مقلوعه من وشه وجسمه بيتحول لرماد .
_انت فى عداء مع ال نفر كلهم دلوقتى ...
مرت اخر كلمه بصريخ وجو مقبض .
وفجأه لقيت صوت بيقول غمض عنيك.. غمضت .
ولقتنى واقف ورا قضبان من العظام .
الحكم الاول : مريم بنت ال نفر تنبذ وتصبح مارد لتمردها وعصيانها ...
الحكم الثانى : بالنسبه للبشرى الذى تسبب بقتل مارد نسبه لأل نفر ، ممنوع على ال نفر الطاهرين مسه ، بل يترك لمردتهم والمنبوذين ليقتلوه .
ولقيت خنجر بيطلع من بطن الشيخ والظلال بتحاوطه ، وظهر الى واقف فى ضهره...
واترسمت قدامى مجموعه مشاهد بشكل هيلوغرامى.
***
_ انتى مين (قالتها النداهه بصوت عميق)
لقت الست بتنزل وبتقرب وبتقول :
_ اسمى هو سخمت ، او كما تقول عنى الجدات المرأه التى تخطف الاولاد وتقتلهم فى بؤره العيال ....يسموننى "امنا الغوله" ...اعرفتينى! ..
****
_مبحبش حد يقولى ابو رجل مسلوخه ***
_انا خسرت كتير بسببك يا ماهر حبى ليك خسرنى اهلى وعشيرتى وبنى جلدتى واتسبب فى نبذى.
وفجأه كل حاجه اختفت وصمت المكان كأن مكنش فيه حاجه .
حسيت بالارض بتتهز تحت رجليا ،خرجت م البيت .
لقيت منظر مهوول جيش جبار .
وجوه بشعه ومشعره وألسنه زى لسان التعابين مشقوقه ،وعيون مشقوقه طولياً.
والجيش على مد البصر متعرفش نهايته وكلهم ماسكين اسلحه وعتاد غريبه .
وبيطير فوقهم شئ على عرش..
فجأه ارتفع صوت صريخ عالى صمم الاذان .
ببص لقيت جسد بشرى بيطفو فى الهوا وعنيه سودا .
وخلفه اربع اجسام مرعبه ووجودهم ارعب الموجودين جميعا.
وهجمو على الجيش وخلصو عليه فى دقايق ..
وقال الولد بعد ما انخفض :
_انقلونى لمحكمه الجن .
وفجأه مع اختفائه حسيت بحاجه بتلمسنى وبتهزنى بعنف ..