The Serial Killer's Diary [BOOK 1]

Chapter 18: The Vacation

"Saan naman sa Pangasinan?" tanong din ni Solen.

"Sa rest house nina Rocco." masayang sagot ni Cassandra na sinamahan niya pa ito ng smiley emoticon.

Kita sa Skype screen ni Cassandra na halos sabay mag-type sina Cedie, Tom at Matthew.

"Seryoso, rest house ba kamo?" tanong ni Tom.

"Pag-aari ba nina Rocco yun?" tanong din Matthew.

"Naks, mayaman pala si Rocco," tugon ni Cedie.

Cassandra is typing.....

" I think so. Siya yung nagsuggest at nag-offer sa akin eh," wika ni Cassandra sa Skype.

"Okay ba sa inyo kung sa Pangasinan tayo instead sa Baguio?" tanong ni Cassandra sa grupo.

"Okay lang sa akin. Masaya nga, sasama sa atin si Rocco," sagot ni Solen

"Take note guys, sagot ni Rocco ang foods natin, this means, wala tayo gagastusin sa pag-stay at pagkain natin," dugtong na wika ni Cassandra sa Skype.

"Eh dun na tayo!!!" sambit ni Matthew na sinamahan ng maraming emoticons sa Skype.

"Matthew!!! Buwisit ka, huwag ka mag-flood ka ng maraming emoticons," inis na wika ni Solen sa Skype.

Napansin ni James na tila iba ang ginagawa ng kanyang kasamahan.

"Guys, please mag-work muna tayo." wika nito sa kinaroroonan nina Rocco.

Napatingin si Rocco kay James dahilan tiningnan ni Cassandra si James

"James, este Sir James, nag-pm ako sa Skype ninyo," nakangiting wika ni Cassandra.

Nag-nod si James at pagkuway umupo siya sa kanyang station.

Napakunot noo si Rocco dahil ngingiti-ngiti si Cassandra sa kanyang station.

"Para kang baliw," bulong ni Rocco kay Cassandra. Magkatabi kasi sila ng station.

"May grupo kasi kami sa Skype eh," wika ni Cassandra. "Add pala kita," dugtong pa nito.

"No need,"tanggi ni Rocco kay Cassandra. "Just inform me if they want sa Pangasinan tayo sa thanksgiving day."

"Yup, gusto nila. Wait, James is typing.." wika ni Cassandra ng makita niyang nagtytype si James.

"Buwisit ka!" rinig ni Rocco ang inis na wika ni Cassandra.

"Hoy, bakit?" curious na tanong na natatawa pa ito kay Cassandra.

"Look, heto lang ang sinabi." inis na inis pa rin si Cassandra.

"K," basa ni Rocco.

"K lang?" tanong nito kay Cassandra.

"Yeah, sa dami na pinag-usapan, "K" lang ang sasabihin. Nakakaloka siya," maarteng wika ni Cassandra.

"Busy siguro yung tao," tugon ni Rocco, sabay tingin sa kinauupuan ni James.

===================================================

"Ang tagal nina James at Tom," inis na wika ni Solen. Sila na kasi yung hinihintay sa grupo. Sa SM Ayala sila magkikita at ang usapan nila ay 1PM. Dumating na ang araw na pinakakahintay nila, ang Thanksgiving Day. Ito yung holiday sa US kung saan bakasyon nila dahil US account ang kanilang department. Ang mga ilan nilang officemates ay may kanyang-kanya din lakad. May ilan sa kanila na pupunta sa Boracay, Baguio, Vigan , at ibat-ibang pang mga lugar sa Pilipinas. Sa kanila, sa Pangasinan ang destinasyon nila.

"Kailangan ko pa maggasolina," tugon ni Cedie habang naglalaro siya ng Ipod.

"Share -share ba o sagot mo na lang?" birong tanong ni Cassandra kay Cedie.