Unicode
~~~~~~~
ဟိုတယ်မှာ တစ်ညအေးဆေးနားပြီး မနက်ရောက် တော့ ဇွဲကပင်တောင်ပေါ် တက်ဖြစ်ကြသည်။
တောင်တက်ဖို့အတွက် လိုအပ်သည်များကို အသေးစိတ်ကအစ လွှမ်းအတွက် တိမ်စိုင် ဂရုတစိုက် လုပ်ပေးသည်။
လွှမ်းအတွက် တောင်တက်ဖိနပ်ကို တိမ်စိုင် ကိုယ်တိုင် ကိုယ်ကျ စီးပေးသည်။
လွှမ်းမှာ အားနာလွန်းလို့ မျက်နှာ တောင်ပူမိသည်။
" အစ်ကို့ကိုလည်း စီးပေးမယ်လေ '' ဆိုတော့ တိမ်စိုင် က အစစအရာရာ လွှမ်းထက်အရင်ပြီးနှင့်နေပြီးဖြစ်သည်။
" အစ်ကိုတို့ မနက်စာ စားပြီး တစ်ခါထဲ တန်းသွားမယ်နော် ၊ နေ မမြင့်ခင်တက်မှ ကလေးလေး မပင်ပန်းမှာ ''
" ဟုတ်ကဲ့ အစ်ကို...''
လွှမ်းတို့ ဟိုတယ်မှာပင် မနက်စာစားပြီး ဇွဲကပင်တောင်ပေါ် တက်ဖို့ ထွက်လာခဲ့ကြတော့သည်။
တောင်တက်သမား စတိုင်ဖမ်းထားသော လွှမ်းကို ကြည့်ပြီး တိမ်စိုင် မှာ ချစ်မဝနိုင်ဖြစ်လျှက်။
" လွှမ်းလေး ပေးပေး လွယ်အိပ်ကို ကိုယ်လွယ်ပေးမယ် ''
" ရတယ်...ရတယ် အစ်ကို...''
" အစ်ကို့ကို ပေးပါ ကလေးရာ...အားမနာနဲ့ ...အစ်ကို ကလေးအစားလွယ်ပေးမယ်....''
တိမ်စိုင် က မလုရုံတမယ် လွှမ်း ဆီက လွယ်အိပ်ကိုအတင်းယူနေတာမို့.....
"ဟာ....အစ်ကို ကလည်း ကျွန်တော် ဒီ လွယ်အိပ်ကို စတိုင်လုပ်ပြီး လွယ်မှာ... မပေးဘူး...မပေးဘူး....''
" ဪ ကလေးက
အဲလိုလား....ဟ....ဟ...ဟ....''
တိမ်စိုင် က လွှမ်းပင်ပန်းမှာစိုး၍ လွယ်အိပ်ကို လွယ်ပေးမည်ဟုတောင်းယူသည်။ ကလေးက စတိုင်ထုတ်ပြီး လွယ်ချင်တယ် ဆိုတာ သိလိုက်ရတော့ တိမ်စိုင် ရယ်လိုက်မိသည်။ ဒါကို ကလေးက ရှက်သွားပုံရသည်။ အရင်သွားနှင့် လိုက်သည်။
" ဟာ...လွှမ်းလေး.... ကိုယ့်ကိုစောင့်ဦးလေကွာ....''
တိမ်စိုင် လွှမ်းကို အမှီလိုက်ရတော့သည်။
YOU ARE READING
မျက်ဝန်းလွှာ (Completed)
Romanceသေဆုံးသွားတဲ့ ကိုယ့်နှလုံးသား ကို ရှင်သန်စေခဲ့တဲ့ မင်းမျက်ဝန်း လှလှလေးတွေကို ကိုယ်ချစ်တယ် လွှမ်း..... ဒါပေမယ့် အဲဒီမျက်ဝန်းကို မြင်တိုင်း ကိုယ့်သတ္တိတွေ မဲ့ကုန်တယ် ကိုယ်မင်းကို ရင်မဆိုင် ရဲသေးဘူး လွှမ်း ရာ...... ...
