مرت الايام بسرعه... لحدي ما فضل يومين لعرس هاد وماد... كانو كل يوم في السوق ماشين وجايين... البيت كلو كان فرحان ومبسوط... إلا ريم فرحتها كانت ناقصه زول..... بقت تقعد في غرفتها اغلب الوقت ودايما ماسكه يا صوره امها وابوها... جسمها بقى نحيل... بقت مهزوزه من جوا....من يجي الليل هي بتقفل غرفتها عليها وبتقعد تبكي على غباءها الوصلها لهنا... لدرجه انها بقت تشوف كل الناس الحولها غاس.... صوت ضحكتو بجي على مسمعها دايماً... بتتخيل انو بتكلم معاها.. ودا كلو بكون من نسج خيالها.... بقت تقيف قدام المرايه وتتكلم بنفس طريقتو... كانت عايشه حياتها على أساس انو غاس معاها لكن هو اصلاً ما موجود جمبها.... وهي ما عايزه تطلع من الدائرة الرسمتها لي نفسها براها....كل الناس الحولها بحاولو يطلعوها من المود حقها لكن هي لا حياه لمن تنادي عايشه في عالم براها... هي واهمه نفسها انو الشي البحصل في حياتها كدا كلو حقيقه وما خيال... بقت عايشه بجسد بس اما روحها وعقلها مع غاس...كانت بتحاول تبقى مبسوطه وفرحانه عشان ما تحسس إخوانها بشي..... هم كانو عارفين الهي ماره وحاسه بيو بس ما قادرين يعملو شي عشان هي بتطمنهم انها كويسه وما فيها أي شي.. وفكره الطلاق القالو عليها أهلها ما راكبه ليها رأسها بتقعد تقنع في نفسها انو بينهم مشاكل وبتتحل بس ما بتادي للطلاق... صباح يوم جديد... صحت باشعه الشمس الطاقه في وشها... حكت عيونها وشالت هدومها ودخلت الحمام... استحمت وطلعت صلت....نزلت تحت وهي بتغني وقفت قدام ماد ومسكت يدو وبقت ترقص بفرح....ابتسم باستغراب: غربيه .قعدت: مالك؟ماد: انتي المالك؟ كويسه انتي؟ريم: كويسه كويسه بس متشوقه لي عرسكم .ماد: ريم انا خايف عليك متأكده انك كويسه؟ريم: اي كويسة + المهم انا بكره حامشي الجامعه اسحب أوراقي .باستغراب: لي؟سكتت مسافه لأنها ما لقت جواب مقنع ،، حتى قالت وهي بتعاين للارض: عايزه أحول من الجامعه ،، عارفه انو دي كويسة بس إجازاتهم كتيره شديد ونص السنه بتضيع في الإجازات دي وانا عايزه اتخرج سريع .ماد: طيب بمشي معاك .ردت بسرعه: لالا ماف داعي بمشي برأي .هاد جاء وقعد في رجل الكرسي وختي يدو في كتف ماد: اها يا حلو بقيت كيف؟ ريم: حسستوني اني كنت عيانه ،، كويسة انا . هاد: طيب الحمد لله .ريم: كنت عايزه اقول ليك انو انا عايزه امشي أبيت مع سهى في بيت خالتها واصلا معاها نسمه هناك عادي امشي؟ .ماد: وانتي من متين بتستأذني ما قعد تطلعي ساي .هاد: اي امشي امشي .قامت بفرح.... طلعت وغيرت هدومها وشالت الشنطه وتلفونها..ريم: اديني مفتاح العربية .أداها المفتاح وهي طلعت... بقت سايقه وبتغني بي فرح... عاينت بالمرايه الاماميه المعلقه فوق ديك... شافت غاس وهو راقد في كتف لميس.. بقت سايقه بتوتر...قبلت وراها لقت ماف زول ضرب يدها بالدركسون بغضب وبقت سايقه...وصلت بيت خاله سهى ونزلت بسرعه... دخلت بدون تدق الباب...بفرح: وهييييييييييييييييي ريييييييم وربي وربي اشتقت ليك شدييييييييييييد .حضنتها: وانا كتير يا روحي ،، هاا كيف عروستنا؟ .قعدت وهي بتمسح العرق من جبينها: هسي طالعه من الدخان وحالتي بالبلا... ياخي كرهوني بالمديده وحاجات كتيره منعوني اني أكلها . ضحكت بصوت عالي: انتي حياتك كلها ما اكلتيها تجي تاكليها هسي .سهي: دي خالتي دي .ضحكت: حمد الله اني ما عملت ولا شي من الكلام دا ،، المهم نسمه وين؟ .سهي: قاعده فوق .قامت: طيب انا طالعه ليها .طلعت فوق... لقتها راقده على بطنها وبتضحك .ريم: يا جميل .قامت وبقت ساكته وبتعاين ليها ،، حست بنفسها وبقت تصرخ: رييييييييييييييييييييييييم اشتقتلك كثير يا زق .ضحكت وحضنتها: وانا كمان ،، كنتي بتضحكي مع ماد صاح؟.نسمه: لا .شالت منها التلفون: شوف يا ماد انت ما صاح تتصل عليها وانا حشيل منها التلفون دا .ماد: لا يا ريم بطلي..قفلت قبل تسمع باقي الكلام... قفلت التلفون خالص وجدعتو في الدولاب... قعدت قصاداها وبقت تعاين ليها وهي كانت مبتسمه بخجل . ضربتها في رجلها: لي تناظريني كذا .قلعت الطرحه: بعاين ليك وانتي بتتبسمي زي ام العروس.. المهم كم شهر كدا وحتزهجو من وشوش بعض .نسمه: لي تقولي كذا ،، اكيد ما رح ازهج منو ،، انا ما صدقت انو حيكون معي بنفس البيت والغرفه .ريم: ما علينا ،، شفت غاس ولميس في المقعد الورا للعربيه وكان خاتي راسو في كتفها وهي مبتسمه بحب .ختت رأسها بين يدينها: يا الله يا ريم ،، انتي بتتوهمي وانتي شايفه حاجات نحنا ما نشوفها ما اعرف اش فيك انتي شكلك مريضه .غمضت عيونها بانزعاج: انا ما مريضه انا متأكده اني شفتهم .نسمه: طيب زي ما انتي بتقولي انك شفتيهم نحنا لي ما نقدر نشوفهم لي انتي بس البتشوفي .رقدت في السرير: ما عارفه بس انا ما مريضه يا نسمه ما مريضه انا .نسمه: على الأقل امشي الطبيب شوفي اش فيك .ريم: طيب يا نسمه حامشي بس ما هسي ..نسمه: المهم انك وافقتي تروحي .ابتسمت ليها وقبلت على الحيطة وبقت ترسم فيها بي سبابتها... في غصون دقايق نامت..._____________كان راقد في المستشفى...امو قاعده جمبو وماسكه يدو... بقي بفتح في عيونو براحه..عاين ليها: امي انا بسوي هنا شنو؟سحر: انت وقعت في البيت وجبناك هنا .باستغراب: عندي شنو يعني .سكتت مسافه لأنها ما عرفت تصارحو كيف .غاس: امي قولي عندي شنو ..عاينت للأرض: بتتعاطي مخدرات .بعدم تصديق: ش.. شنو؟ هه ،، أنا و اتعاطي مخدرات؟سحر: ما عارفه يا ولدي الدكتور قال كدا . فكي الدرب: لالا مستحيل اكون بتعاطي يعني انا ما عارف نفسي .سحر: يا غاس أمكن من اصحابك المصاحبهم يدل .غاس: انتي بتعرفي اصحابي وانا ما عندي غير محمد وسمعه و وائل انا ما مصحاب ناس غيرهم ،، بس قعد امشي لي ست القهوه الف...سكت مسافه وختي راسو بين يدينو وهو بتذكر لما الشاب جاو وقال ليو تعال معاي اشرب قهوه هي الحتزيح عنك هموم الدنيا... غمض عيونو بغيظ وألم... مسح وشو بيدينو..غاس: نمشي البيت؟سحر: بس انت ما كويس .غاس: انا كويس يا أمي أنا كويس ..مشو البيت.. هو قفل باب الغرفه عليو طوالي... كان قاعد في الأرض وماسك راسو لانو كان حاسي بصداع حيقتلو... فتح الدرج وطلع مسكن وبلعو.. ورقد في السرير وغمض عيونو... جاء في مخيلتو ريم كانت لابسه فستان اسود وما لابسه طرحه... كانت مبتسمه وبتعاين ليو وقالت: امك سبب اي شي حاصل ليك هسي يا غاس .فتح عيونو بخلعه.. بلع ريقو ومشى الحمام غسل وشو وجاء رقد نام ...صحي متأخر... دخل الحمام واستحمي ونظف اسنانو... طلع برا لقى امو وبلقيس قاعدين وخاتين صنيه الشاي قدامهم... قعد وبقي بعاين ليهم .سحر: ما تشرب يا ولدي .غاس: لا انا ما عايز طالع المطار ..بلقيس: عينوك خلاص؟غاس: في كم حاجات ماشي اعملها لسه لسه بدري على التعيين .شال بسكويته ومرق... وقف قدام العربيه مسافه حتى ركب وبقي سايق... مشى المطار خلص الحاجات العليو ومشى شارع لي ست القهوة قعد وشرب كبايتين...رجع البيت بنفس الحاله الطلع بيها... دخل غرفتو وفتح دولاب ريم...نفس الهدوم الخلتها قبل شهر ما حرك منها اي شي... بقي بعاين فيو.. لمح ورقه من بين الهدوم... شالها وقعد في السرير..مكتوب فيها: اخخخخخ يا الله انت اديتني عيله حلوه وبحبوني وبنفهم بعض واصحابي في نفس الوقت..... نفسي ما ينقص منهم زول ويومي يكون قبل يومهم... ومارتن حبوبتي الجميله ما بتحب انو نناديها بحبوبه عشان عامله نفسها صغيره وكدا... كلهم وقفو معاي في أوقاتي الصعبه في حين اني كنت محتاجه زول واحد بس اليقيف معاي ويسندني.. احساس انو هو ما فارق معاو اي شي ما عارف كيف انا من جوا بتكسر ويتألم...و دايماً انا الفي نظرو غلط وهو الصاح... ما عارفه مشكلتو شديد.. ما بحب يشوفني فرحانه ابدا دايماً بنرفزني وبعكر لي مزاجي....ورغم كل دا وكل المشاكل الفي حياتنا والبكون سببها هو إلا أني بحبو وبحبو شديد كمان...رغم انو اغلب الوقت بنتشاكل الا اني يومي ما بكون حلو الا اتكلم معاو... من اسمع صوتو بحس بفرح ولو وزعو على العالم كلو ما حيكفي... بس لو يعرف مقدر الحب دا ما كان زعلني في يوم..ضحك وقال: خلاص البينا انتهى بقى ما بفرق.. لو كان شفتها من زمان الوضع كان حيختلف...ابتسم بضيق وطلع البلكونه... وكان متمني انو ما يشوفها بس عيونو وقعت في عيونها اتوتر وقبل على الجهه التانيه....ضرب الحيطه بغضب ودخل جوا... ارتمي في السرير وبقي بغني لحدي ما نام...صحي في نص الليل وبقي بقح بصوت عالي.. ختي يدو في خشمو وعاين ليها لقى دم... قام بسرعة وغسل وشو وعاين لنفسو في المرايه لقى انفو برضو نازف.. غسل وشو وطلع لقى امو واقفه بخوف جمب الباب... قعد في السرير وبقي بحك سجمو... قعدت جمبو وحضنتو..ببكي: امي انا اشتقت ليها ما قادر اتحمل كل دا ،، هي لي مشت وخلتي وحتى لما شفتها وسالتها ما ادتني جواب مقنع ،، لي كل الناس بتمشي وتخليني العيب فيني ولا فيهم يا أمي..مسحت على شعرو وبقت سكت... نام في حضنها وهي صلحت لي رقدتو حتى طلعت برا..بقت حايمه بتوتر... بقت تفكر في بكره حتعمل شنو... اقتنعت بفكرتها ومشت رقدت نامت...صحت الصباح بدري... مشت المطبخ عملت شاي وختتو في الصفره ومسكت تلفونها وعاينت لي الساعه وختتو في الطربيزه ومرقت...نزلت تحت واتجهت على بيت ريم... دقت الباب فتح ليها ماد وبقي مستغرب من زيارتها وجيتها في الوقت المبكر دا..ماد: اتفضلي يا خالتي .بقت تعاين للبيت: مبروك ليكم ..ماد: الله يبارك فيك .سحر: ريم وين يا ولدي .ماد: في غرفتها اناديها ليك؟سحر: لالا انا بطلع ليها..طلعت ليها وفتحت الباب من غير تدقو... لقتها قاعده في المصلايه ورافعه يدينها وبتدعي... قعدت في الكرسي وبقت منتظرتها لحدي ما تخلص..قامت وطبقت المصلايه وقلعت العبايه .قعد في طرف السرير: خير؟سحر: كيفك يا بتي .ريم: تمام .سحر: انا اسفه يا ريم على كل الحصل .ضحكت: اسفه؟ اسفك حيفيد بشنو؟سحر: انا ما جيت اضيع ليك وقتك بس عايزاك ترجعي لي غاس انتي ما شايفه حالتو كيف من خليتو بعض ،، بقى بقفل على نفسو الغرفه وأغلب الوقت بقعد براو ،، الاكل بقى ما ياكل زي الناس ،، وعيونو ما بتضوق النوم ،، بعد انتي مشيتي حياتو اتكركبت لدرجه انو بقى يتعاطى يا ريم ،، أنا حصلح كل شي بس ارجعي ليو يا ريم هو ما قادر بدونك وانا عارفه حتى انتي ما قادره بدونو .قامت: شوفي يا سحر الحاله الوصل ليها ولدك دي بسببك انتي ،، انتي الخليتيني ابعد عنو في حين انك عارفه انو هو بحبني ،، انتي السبب في خراب وكركبه حياتو يا سحر لأنك وحده انانيه و بتشوفي الأمور بطريقتك انتي ،، انتي السبب في انو يكون مدمن ،، وانتي ما بتمشيني على كيفك مره ابعدي عنو يا ريم ومره تقولي لي ارجعي لي يا ريم ،، أنا ما لعبه في يدك يا مدام ،، وانتي عارفه كويس انو الحاله الوصل ليها ولدك بسببك انتي واي خراب في حياتو بسببك انتي لأنك كنتي الأم الغلط ليو ما كنتي حنونه معاو همك شغلك ومصلحتك بس ،، شايفه انو حيكون سعيد بالبت الانتي بتختاريها ليو في حين انك كلك غلط في غلط ،، انتي للان ما قادره تفهمي يا سحر ولا حتقدري تفهميهو لانو ماف زول قدر يفهم تصرفاتو العصبيه والجنونيه دي غيري انا ،، ودا ما محور موضوعنا هسي المهم انا ما حارجع .وقفت قصاداها وبقت تبكي: انا ما طلبت منك شي غالي يا ريم بس عايزاك ترجعي ليو لانو هو من غيرك ضايع ومكسور .ابتسمت: هو ما قال ليك انو نحنا مطلقين لينا شهر .بصدمه: شنو؟ريم: ايوا.. وعليك الله اطلعي برا خليني انوم لاني تعبانه شديد ،، اقفلي الباب معاك .مسحت دموعها وطلعت.. ريم قفلت الباب واتكلت عليو وبقت تبكي: بقيت مدمن يا غاس ،، معقوله وصل بيك اليأس للدرجه دي..مسحت دموعها وطلعت شنطه السفر وختت هدموها كلها واي شي بخصها... قفلت الشنطه وختتها تحت السرير..نزلت تحت والبيت كان مليان ناس ابتسمت ومشت على ماد: مين الليله عرسو؟ .ضحك: الجميل دا طبعا .مسكتو من يدو: دا انت حتشوف ليالي سودا ..رح يدو: عليك الله قدي مني .ضحكت ومشت على المطبخ وبقت واقفه وبتشرب فيو.._ دي مش طلقوها شوف بالله كانو ما مطلقه لا ظاهر عليها البكاء ولا اي شي ._ بتكون حمدت الله انو أطلقت البنات الزمن دا بتعاين لعب ._ طالعه زي امها.. ريم غمضت عيونها بغيظ ومشت عليهم وقالت بعصبيه: وشوفي يا السموك اهلك انتي جيتي هنا تحترمي نفسك وما تهيني الناس في قعر بيتهم ،، وما ليك دخل بحاجات الناس بالله اتهلي بنفسك وخليك في حالك واختشي على عمرك دا ما ممكن تكونو بالطريقه دي .طلعت فوق ونفسها قايم.. غمضت عيونها وبقت تبكي...مرت ساعات اليوم بسرعه لحدي ما جاء بعد المغرب وكل الفي البيت بدأ يلبس العرس الا هي كانت راقده في السرير وقاقله عليها الغرفه...لما حست انو البيت بقى فاضي طلعت الشنطه من تحت السرير ومشت الحمام غيرت هدومها وطلعت.... مشت المطبخ عملت قهوه وشربتها وشالت قروش وطلعت... (معقوله ماف زول بحس بانو هي ماف) .مشت المطار وقلبها في يدها....قعدت ساعتين في المطار حتى ندهو على رحلتها وهي مشت بخطوات متسارعه....
يتبع.....
