ماد: ريم ماما في المستشفى وحالتها سيئة جداً..بصدمه: شنووووووووووووووو؟؟؟....جرت الغرفه وبقت تفتش في عبايتها،، وقعت الكبايه و انكسرت.. غاس صحي بخلقه...بتعب ممزوج بنعاس: ريم في شنو،،، ومتوتره كدا لي؟؟..تلبس طرحتها: ماما... ماما في المستشفى..زح البطانيه منو: ماشي معاك..مسكت الباب: لا خليك انت لسه ما بقت كويس وانا بركب اي شي...لبس شبشبو: لا حامشي،، ما بخليك براك...في غصون ساعه هم وصلو المستشفى،، جرت عليهم ولقتهم كلهم متوترين وخايفين..مسكت كتف ماد: في شنو.. هيي هيي حصل ليها شنو؟؟؟؟..حك عيونو: دخلت غرفتها لقيتها واقعه جمب الحمام،، والدكاتره قالو عندها كانسر في الدم وحالتها متأخره شديد...قعدت في الأرض: لا حول ولا قوة الا بالله،، يرب ميحصل ليها شي ما بقدر اتخيل فراقها يالله،، يرب ما تحرمني منها يرب تكون كويسه..بقت تبكي وماد بحاول يهدي فيها نامت في حضنو...الساعه ١٠م .بخوف وتوتر: ماما انتي كنتي عارفه صح؟..اخدت نفس: اي اي كنت عارفه بس ما حبيت اوتركم واشغل بالكم وانتو الفيكم مكفيكم...ماد: على فكره انتي العملتي دا غلط شوفي حالتك وصلت لي وين،، كنتي مهمله نفسك صح؟؟؟..ايمان: آخر فتره بس..هاد: لازم تسافري..عاينت ليو: لا ما حاسافر..ريم: ماما دا ما شي يلعبو فيهو.. أشرت عليهم وهم جو قعدو جمبها ختت يدها في خد هاد: ما.. ما عايزه اسافر،،، عايزه اقضي آخر ايامي معاكم...زح يدها: انتي لي بتقولي كدا،، أن شاء الله بتتعالجي..مسحت على شعرو: أن شاء الله،، نادو لي غاس لو في..ريم: طيب بنادي...جاء وقعد جمبها: حتكوني كويسه.. عاينت ليهم: ممكن تخلونا برانا...ان شاء الله.... طلعو وهي صلحت قعدتها: غاس انا عايزاك تخلي بالك من ريم... انا عايزاها تحس في زول معاها يسندها بعد موت ابوها.. غاس انت م بتعرف قدر شنو هي عايزه زول جمبها وانا ملاحظه ليها...هي ما بتحب تتكلم بتكتم جواها... عايزاك تهتم بيها تحافظ عليها ما تكسرها.... غاس حاول رجعها ريم القديمه البتتكلم وماف زول بقدر يسكتها،، ريم الطول الوقت بتضحك... هي بقت ما تحكي لي زي الاول معارفه هي خايفه مني ولا خايفه على... اوعدني ما حتكسرها..مسك طرف الملايه لانو حسي نفسو دايخ: بوعدك يا خالتي بوعدك...حست بيو: انت كويس..قام واتجه ع الباب: كويس اي كويس.. طلع برا وطوالي قعد جمب ريم..بقلق: انت كويس؟..تكل راسو ع الحيطه: اي كويس..مسكتو من يدو: وهو انا بسالك لشنو،، نحنا في المستشفى ارح نفحص ليك تاني...من غير ما يتناقش معاها ومشو للاخصائي..د: نقص في الدم وفاقد سوائل،، وشكلو ببلع حبوب منومه ووقفها فتره عشان كدا راسو بلف،، خلي بالك من صحتو وما يرجع للحبوب تاني..الدكتور طلع وهي عاينت ليو: وتقول لي انت كويس،، وانت لي ما بتقدر تنوم ان شاء الله..قعد في السرير: معارف من عمر ١٤ سنه مبقدر انوم كويس،، بس ببقى احسن بعد اخد العلاج..مسكت مقبض الباب: ماشه اجيب الأدوية...مشت الصيدليه وصرفت العلاج...صباح اليوم التاني هم كلهم مجتمعين في البيت...بشربو في الشاي..من دون مقدمات: انا عايز ارجع فرنسا..ختت الكبايه: لي يعني،، وفجأة قررت كدا..هاد: انا شايف كدا احسن،، وبعدين عايز اكمل الجامعه هناك معايز اقرا هنا..ايمان: بس ياا..قاطعها: حكون مرتاح هناك يا أمي... ماد: وحتخليني برأي؟ضربو في يدو: وانت شافع؟..حك راسو: ما قصه شافع،، بس..قاطعو: ماد هي كلها تلاته سنين واجي..قام واتجه على السلم: شايفها بسيطه صاح،، خلاص طير في أي داهية...عاين لي بغيظ وطلع.. ريم: حتمشي بلجد؟..هاد: اي..عاينت في عيونو: انت بتهرب من شنو يهاد..اتجاهل نظراتها: ما من شي،، طيارتي الساعه ١ ظهر..ايمان: وكمان حجزت يهاد،، ولو سافرت تاني ما ترجع ما ترجع مره وحده يهااد..عض شفتو السفلي: امي انتي بتقولي في شنو،، عارفه من الاول الجامعه دي مكنت عايزها ولا بحبها فقلت ارجع هناك احسن..قبلت ع الجهه المعاكسة: مش شايف كدا احسن سافر طيب بس رجلك ما تعتب البيت دا..مارتن: يا ايمان خلي الولد براحتو وما فيها شي يعني...بقت تبكي: هو عارف اني ما بقدر اخلي يسافر براو،، وعارف اني ما بحب فراقو.. بيعمل كدا لي... وهو عارف قدر شنو انو انا ما بحب اشوف ماد من غير ما اشوف هاد.. عايزاني بعد يسافر اشوف واحد بس لا مبقدر...ختي يدو في كتفها: لو بقت ع السفر خليتو خلاص بس المهم ما تبكي..مسحت دموعها: يعني ما حتسافر؟..ابتسم: اي.. يلا خلاص متبكي...مشت غرفتها وهو طلع غرفتو.._____________في نفس الوقت نسمه... قاعده قدام ابوها بتوتر وبتهز في رجلها..سطان: نسمه ليك ساعه قاعده قولي في شنو؟؟.شبكت اصابعها: انت لي م قلت لحد فينا.. انك.. انك متزوج وعندك عيال..ظهر عليو التوتر وجبهتو اتملت عرق: من.. من وين عرفتي،، امك عرفتك؟؟؟؟!.كوركت فيو: يبه انت كسرتنا،، لي ما تقلنا عندك زوجه وعيال،، لي تخبي عنا طول هالسنين لي يبه،، مو مهم عرفت من وين.. المهم اني عرفت،، يبه انت م عندك قلب ما تحس،، يمه حتكون منهاره الحين،، يبه طلقها...بصوت عالي: نسمه وطي صوتك دا انا ابوك.. ما بطلقها حتسوي شنو يعني؟؟.غمضت عيونها بغيظ: طيب لا تطلقها بس انا مو قاعده في هذا البيت..سلطان: حتمشي وين يعني؟ضحكت: لناس ريم ويمه بتجي الليله نشوف كيف بتتعامل معها...شالت قروش وطلعت من البيت وهي بتبكي،، اتصلت على ريم بس ما بترد وع جمان برضو.. اتصلت على ماد: ماد..ماد: انتي كويسه..نسمه: اييي كويسه،، بس ريم موجودة في البيت.. ماد: اي + صوتك مالو؟ حاصل عليك شنو يا نسمه؟عاينت للساعه: لمن اجي بحكي لكم...وقفت قدام البيت مسافه حتى دخلت..نسمه: السلام عليكم..مارتن: وعليكم السلام،، اتفضلي يا بتي..نسمه: ريم في غرفتها؟؟!مارتن: اي اطلعي ليها...دخلت وحضنتها من غير نفس..ربعت رجولها: مالك؟ في مشكله في البيت...حكت ليها اي شي وحكت ليها موضوع نور و انو هو لقيط..قعدت جمبها: طيب لي ما ختيتي لي اعزار لي ما سمعتي،، والشرع حلل اربعه يا نسمه،، اي صح هو غلط لمن ما وراكم بس ختي اعزار أمكن عندو مبرر لكل الحصل دا نسمه اسمعي..غطت وشها بيديها: ما ابي اتفاهم معو ولا ابي اسمعو،، هو كسرها وخبي الموضوع كل هالنسين لشو،، خايف على مشاعرها مثلا...ريم: اسمعي لو لمره وحده بس يا نسمه ما تكابري..نسمه: طيب طيب..ريم: خليني انادي ماد..وقفتها: اقلك انتي لش قاعده هنا مو مفروض تكونين في بيت زوجك..ريم: ماما تعبانه عشان كدا...نادت ماد ونزلت تحت... قعد جمبها وهي بدت تحكي ليو..ماد: نسمه ما حقول ليك كلام كتير... بس انتي اسمعي وخلي امك تسمعو... وبعدين الشرع حلل اربعه يا نسمه ما تنسى...ترفع عيونها وتنزلها: انا خرجت من البيت في لحظه غضب،، بس ما اتوقع يمه تسمعو + ما تناظرني كذا.. قعد قصادها: هاا وكدا كيف؟.ضربتو في كتفو: ماد بالله عليك لا تناظرني كذا..ضحك: خلاص طيب ما بعاين ليك...نسمه: هاا انت كيف و كيف مع الجامعه؟..ماد: كويس كويس،، عند امتحان بعد اسبوع..نسمه: بالتوفيق يرب،، اقلك نور وين؟؟..قامت وهو مسكها من يدها: خليك من نور تعالى دايرا اقول ليك شي..قعدت قصادو: هاا قول..ماد: بدور استشيرك في شي..نمسه: ماد قول..ماد: بخصوص واحد صحبي..نسمه: حتقول ولا اقوم..ابتسم: طيب طيب حقول... هو بحب صحبت اختو وكدا المهم و وهو ما عارف اذا بتحبو ولالا وانتي ك بت يعني وريني البت بتحب في الولد شنو؟ هو بين متأكد انو هي بتحبو وبين لا.. نسمه: كيه،، هو يدللها،، ويهتم بأدق التفاصيل يلي تخصها،، يحاول بقدر الإمكان يفرحها ويراضيها حتى لو كانت هي الغلطانه،، يجيب ليها هدايا وورد،، يتهابل معاها،، يحسسها انو مو شايف بنت غيرها،، يحسسها انها تاج راسو ونور عيونو،، ويورحو أماكن كثيرة مع بعض يقضو وقت أكثر،، ما يختبر غيرتها،، وتاني ما اعرف شي.. + ويا ترا صحبت اختو موجودة معهم بالبيت؟؟؟؟!.ماد: طيب حقول ليو،، وانا العرفني شنو؟ابتسمت: يعني مو عارف صحبت اختو معو في البيت ولالا..قام ومشى على الباب: اقول ليك معارف..طلع وهي بقت تضحك نست موضوع ابوها واي شي رقدت في الكنبه وبقت سرحانه...____________فتحت باب الشقه،، دخلت ولقتهم قاعدين بقرو مع بعض سلمت عليهم ودخلت الغرفه..من باب الغرفه: غاس اخدت الحبوب...غاس: لا لسه مواعيدو..جات ووقفت قدامو: كيف ما مواعيدو الساعه وحده جات..عاين للميس ورجع عاين للشيت: ما هسي طيب...مشت جابت الحبوب والمويه..تخت الحبوب في يدو: الشرح ملحوق يلا..لميس: اي يا غاس...بلع الحبوب وواصل شرح،، عملت ليو شوربه خضار وغطتها ومشت غيرت ملابسها.. رفعت شعرها فوق وطلعت ودت ليو الشوربه..عاين ليها: ريم انا ما شافع..ريم: بس بالنسبه لي شافع يا غاس،، حركاتك دي حقت شفع مف زول كبير بعمل كدا ويلا اشرب ومعايزه نقاش كتير..شال الصنيه: طيب...مشي المطبخ وبقي بياكل..ختت القلم: علاقتكم بقت كويسه..مسكت الشيت وبقت تفتح فيو: ايي..لميس: بس انتو ما بتحبو بعض مكملين لي؟ختت الشيت: ما ضروري نكون بنحب بعض عشان نكمل،، فهمتيني؟..بمساخه: اي فهمت،، حتكوني قاعده هنا هندا جاء..ريم: مش بيتي اقعد في المكان الأنا عايزاو وبعدين انا ماسكه تلفوني ما حاشغلكم..جا ونزل لي مستواها: واو ناسيه عندك امتحانات صح،، ريم ما ملاحظه لنفسك انك اهملتي قرايتك...ريم: لا خالص..غاس: خلص قومي اقري..ريم: في حاجات ما مستوعباها..أشر عليهم: نفسي اعرف انتو بتعملو شنو في المحاضره؟.ريم: خلص منها واشرح لي..غاس: طيب....بعدد ساعه لميس مشت،، هو دخل الغرفه ع اساسا يلقاها قاعده بتقرا لقاها فاتحه التلفزيون وبتاكل في فشار...وقف قدام التلفزيون: قومي يلا..ريم: وين؟غاس: اشرح ليك..بتاشر ليو بيدها: زح يا نشوف حصل ليهم شنو...غاس: حتقومي ولا اقومك بطريقتي...ريم: غاس زح يخخ..قفل التلفزيون وبقي ماشي عليها طلعت فوق السرير وهو طلع وبقي ماشي عليها..بخوف: غاس ابعد.غاس: عايز اشرح ليك..زحت يدو: يود عيب زح مني...جرت على برا وهو مشي رواها بخطوات متسارعة،، بقت ماشه بسرعه والسجاده عترتها وقبل تقع هو مسكها من وسطها...بتوتر: فكني..هف في وشها: اخليك تقعي وبعدين شعرك حلو وهو فاكي..طلع ليها المشبك من شعرها وبقي قريب للأرض...بقى بتنفس في رقبتها: دا كلو شعر..لزتو: قل هو الله أحد،، يا حافظ يا حفيظ..ضحك ضحكه مستفزه: عان الفرحانه دي كمان..ريم: نننننننننننننننننننننننن..مسكها من يدها: خلينا من دا ارح نشرح ليك..بقت تلف حولو: معايزه خلي بكره..غاس: بس..قاطعتو: غاس بلزز يخ..قعد ونكش شعرو: طيب...ريم: بكره حتمشي الجامعه؟..غاس: اي لازم عندي محاضرات مهمه...ابتسمت: طيب يغاس..رفع حاجبو: لي عايزه حاجه..ريم: لالا معايزه شي..لمس يدها: متأكده..ريم: اي و.. اناا زهجانه..غاس: نمرق؟..ريم: كيه امشي البس...لبست جيب شورت اسود وتشيرت اصفر وجكت جينز وطرحه سودا وطلعت...ريم: حنمشي وين؟؟.شغل اغنيه لوردي: بتحبي البحر؟..توطي الصوت: اكيد طبعاا..غاس: طيب...مشو البحر وكان هادي شديد وما فيو ناس كتيره،، مشو أعلى حته في الجبل الجمب البحر وقعدو...ريم: بسالك سؤال..غاس: ها قولي..التفت بجسمها: انت لي ما مؤمن بوجود الله عايزه اعرف...ظهرت في وشو ملامح غريبه: طيب لو هو في وينو لي ما بنشوفو،، اديني حاجه تثبت انو في؟..مسحت على جبينها: لحكمه بعلمها هو يا غاس، هو الخلق السماء والأرض والبحار والجبال دي يا غاس،، هو الخلقنا نحنا وهو البموتنا والبعذبنا الاقدار في يدو هو وحده،، هو ملك العرش العظيم. بعد منها حبه: لي ماف الله اتنين لي في واحد بس لي،، هي ما خلى حد يشاركو،، لي ماف الله اتنين..ريم: طيب اذا في حاكمين بحكمو البلد،، تتوقع البلد حتمشي لقدام،، تتوقع البلد ما حيكون فيها فوضى.. غاس: طيب لي ما بظهر لي ما بنشوفو،، لي ما عندو اولاد..ريم: قلت ليك وهو واحد أحد،، وما عندو صاحبه واولاد،، هو قاعد في السماء السابعه وبعاين ليك هو عارف اي شي بحصل في الدينا دي،، شايف النمله في عز الليل،، هو شايف جوا جسمنا في شنو هو عارف كل صغيره وكبيره عنك.. احكي ليك عن الرسول؟..غاس: اهاا.قبلت ع البحر: كان احسن الناس،، كان عبد شكور... نزل عليو الوحي في ليله القدر،، وأول كلمه قالها اقرا فقال ليو ما انا بقاري تاني قال ليو اقرا فقال ما انا بقاري.. كان أول مره يشوف حاجه بالشكل دا نور وعندو اكتر من ستمائة جناح،، خاف وركض لي خديجه رضي الله عنه.. وحكي ليها،، فهي عرفت انو حيكون رسول لانو دا نفس الناقوس الجا لموسى عليه السلام..سكتت هو عاين ليها: اها تمي..ريم: كان صادق وأمين واي زول في الجاهليه والإسلام بلقبو بكدا،، الله رزقو حب خديجة وكان بحبو بعض شديد.. ما كان بعتلي ع خلق الله.. بعد موت خديجه هو حزن شديد،، وحسي الدنيا ضاقت بيو بس الله كان قريب منو... و أول من أسلم بيو وصدقو صاحبو ابو بكر الصديق..عاين ليها فعيونها: هاا..ريم: غير انو صاحبو هو ابو زوجتو عائشة،، الرسول اتعذب كتير في حياتو،، الكفار حاربو وحاولو يوقفو عن نشر الدعوة الإسلامية بس هو كان بحارب عشان ينشرها،، كان اعبد الناس،، متادب مع الله،، كان اكتر الناس صبراوتسامحا...وانت عارف هو شفيعنا يوم القيامة..غاس: كيف؟ريم: يوم القيامة كلنا بنكون واقفين قدام الله بنفس الطول والحجم والعمر والشمس فوقنا،، والواحد بكون خايف من المنظر فبمشي لكل الرسل بس ولا واحد بشفع ليك عند الله غير محمد صلى الله عليه وسلم ،، وهو البكون واقف في الناحيه التانيه من الصراط المستقيم...غاس: ودا شنو..ريم: الصراط هو شي ارفع من الخيط و اسن من الموس.. فهو بكون بشجع فيك انك تمر وبدعي انو ماف زول من امتو يقع في نار جهنم،، المؤمن بحق بعدي بسرعه، والبقطع في صلاتو حيمر بس بصعوبه حبه.. أما الكافر الما مؤمن بالله ابدا ف حيقع في نار جهنم... اتعمدت تقول ليو كدا...غاس: طيب يلا قومي اتاخرنا..قامت: يلا...في العربيه كانو ساكتين لحدي ما وصلو البيت..غاس: انا ماشي لسمعه انتي ادخلي وخلي بالك من نفسك..ريم: طيب،،، وانت كمان.. دخلت ولقت امو قاعده ما ادتها وش ومشت غيرت ملابسها ورقدت..وقفت جمب الباب: غاس وين؟.ريم: مشي لسمعه..سحر: طيب.. قفلت الباب ومشت،، بقت تفكر في غاس وهو لي كدا.. جاء داخل في اكل.. ريم: فجأة؟؟.غاس: لقيتو ماف،، دا اكل.. حسيت بيك جعانه عشان كدا قلت اجيب ليك...ابتسمت وربعت رجولها: شكراا.. ما رد ليها ودخل استحمي... كان طالع.. بتمضغ: تعال اكل..غاس: ما تتكلمي وانتي بتاكلي،، أنا أكلت...خلصت اكل ومشت تشرب مويه سمعت غاس بتكلم مع امو...بعصبيه: امي انا ما حاطلقها هي امانه في رقبتي...سحر: شوف انت حتطلقها وتتزوج لميس مفهوم..ضغط على اسنانو: امي، أنا ما بطلقها،، ومن دون البنات اخترتي لميس..وقفت قدامو: مالها عيبها لي،، حلوه ورايقه ومهذبه وبت ناس،، وبعدين هي بتحترمني ما زي الزفته القاعده دي،، وانت بتحبها يا غاس انا عارفه صح؟؟غاس: احبها شنو يا أمي،، نحنا أصحاب بس .سحر: لا هو ظاهر في عيونك انك بتحبها..غاس: طيب يا أمي اي بحبها في شي تاني..بفرح: اتزوجها طيب..ضحك: امي انتي صدقتي كمان انا بمشي فيك...هاجت: انت قايلني شنو عشان تمشيني غاس البت دي ما مناسبه ليك وخلاص..مسك مقبض الباب: انتي ما بتحددي الشي دا...مشي شرب مويه ودخل غرفتو رقد في السرير وبقي سرحان...ريم بتعمل في رز،، كبت الزيت والمويه وملح حتى انتظرتها تسخن... سحر دخلت المطبخ لمن ريم قبلت ع حوض الغسيل ولقت المويه مسخنه ف كشحتها في نفسها وبتقت تصرخ غاس جا ع صراخها..بخوف: وقعت كيف فيك،، غاس وديها المستش...قاطعتها وبقت تصرخ: وليك عين تتكلمي ما دا كلو بسببك رميتيها فيني قاصده..ما ردت عليها وفضلت تقعد في البيت وهو مشي المستشفي...د: حمد الله حروق بسيطه،، اصرف ليها المراهم دي..غاس: طيب،، بتقدر تطلع؟..د: اي بتقدر تطلع...بقى سايق بسرعه،، وهي عاينت ليو وقالت في نفسها: لازم تكرهها يغاس...وصلو البيت ودخلها غرفتها ومشى غرفتو..مسكها من يدها بقوه: اي صح هي تعاملها معاك ما كويس بس دا ما بعني انك تعملي كدا،، ريم انتي ابقى معاها كويسه عشان هي تحبك ماممكن ياخ،، ما تقربي منها تاني ولا تساليها ولا حتى تتكلمي معاها خليها في حالها..عاينت في عيونو وقالت بثقه: انا ما عملت شي وما عارفه الحله وقعت كيف،، ومن ناحيه اني اتعامل معها كويس انا بتعامل معاها عادي هي البتكرهني، وانا ما قعد اسألها من شي ولا عندي معاها كلام،، وانا ما عملت شي..شداها عليو: وهي تكذب لي ماف سبب يخليها تكذب،، وغير كدا الحله تقع براها كيف راكبها شيطان؟..فكت يدها بقوه: اول شي اوعك تلمسني تاني،، وانا ما حاببر ليك شي لاني عارفه اني ما سويت شي..دخلت الحمام ومسكت يدها وبقت تبكي...اتكلت ع الباب: عملت شنو انا عشان هي تكرهني بالطريقه دي،، وتكذب فيني عملت ليها شنو انا...بعد اكتر من نص ساعة غسلت وشها وطلعت..لقتو ماف،، غيرت ملابسها وشالت تلفونها وطلعت...خاتي يدو في دقنو: ماشه وين؟؟.ما عاينت ليو: لجمان..غاس: ارجعي مكانك ماف طلعه..قبلت عليو: انا عايزه امشي لكنن..قام وصرخ فيها: قلت ليك ماف طلعه يعني ماااااف ما بتفهمي انتي...لزتو ودخلت غرفتها وبقت تبكي تاني... هو بقى متوتر ومعارف يصدق امو ولا يصدق مرتو فضل محتار كدا لحدي ما اخدتو نومه..فضلت راقده في السرير لحدي ما المغرب اذن ومشت اتوضت وصلت...دخلت وقعدت في السرير: مشتاقه ليك ياخ..قعدت في المصلايه: وانا كمان،، وينك انتي؟؟..بلقيس: كنت عند ناس خالتي،، مالك كنتي بتبكي..قامت وقلعت العبايه: لالا..بلقيس: ما تكذبي،، كنتي بتبكي صح...حكتها ليها اي شي وقعدت تبكي،، بقت تهدي فيها: هي عملت كدا عشان تخلي يكرهك انا عارفه،، هي بتحب غاس زي عيونها ومبتقدر تشوفو مع بت تانيه بتحس بالغيره اي نعم هي امو..مسحت دموعها: ولميس دي ما بت تانيه..بلقيس: هي عشان بتحبها يا ريم،، وهي هسي كيف...ريم: معارفه.. انا عايزه احكي لأمي..ختت يدها في كتفها: مشاكلك انتي وراجلك ما مفروض تحكيها لزول حتى لي أمك وانا برضو ما تحكي لي شي يحصل بينك وبين غاس حلو مشاكلكم براكم وانا بنادي يتفاهم معاك..بسرعه: لا خلي ما تنادي بس هاك البطانيه دي غطى عشان برا برد..ابتسمت ليها: طيب يروحي...رقدت وبقت سرحانه،، حضنت المخده ورقدت نااامت....
يتبع....
