كلهم قاعدين جمبها ومنتظرين انها تصحى....بعد اكتر من ساعه حتى صحت...ريم: دفنتو؟؟؟!.هاد: اي..بتبكي: طيب يعني تاني ما حاقدر اشوفو،، ولا اتكلم معاو،، ولا احكي ليو عن يومي كان كيف،، طيب لي هو مشي وخلانا لشنو مشي يا هاد..هاد: ريم اهدي..حضنتو: اهدي كيف يا هاد وانا تاني ما حاشوفو،، ولا اسمع صوتو ولا ابوس راسو ولا اتكلم معاو اهدي كيف يهاد...هاد: حنشوفو في مكان احسن من هنا..ريم: طيب متين؟؟؟؟!!!. ماد: ريم انتي شافعه عشان تسألي اسأله زي دي؟؟؟؟؟... ما ردت عليو ومشت اتوضت وبقت تقرأ قران،،، بعد ساعه حتى طلعو من المستشفي....جرت على غرفه ابوهاا وقفلتها عليها وبقت تبكي....._____________نسرين جات وهي بتلوك في اللبانه ولابسه لبس شاذ،، ما كان في ناس كتار غير الأقارب بس،، ختت يدينها في نصها: عايزه حقي من الإرث..غاس: دا ما وقتو..نسرين: لا، عشان انا حاسافر بكره....جراها وطلع بيها شقتهاا..غاس: ما حتمشي اي مكان ولا حتسافري.. وحتترزعي هنا بس ومصروفك بصلك بدايه كل شهر..هاجت: لا يا حبيبي انا تديني ما بتدي امك وحقي يصلني كامل وما عايزه بالشهر شغاله عندك انا..ضحك: صحي ذكرتيني،، تفضي الشقه دي لانو حتتاجر،، وانتي من بكره حتنزلي السوق تشوفي شنو الناقص من البيت،، والنضافه والطبيخ عليك...نسرين: فكني يا ود ال**، في سابع أحلامك اشتغل خدامه ليك ولي امك...مسكها من شعرها: ما هو لو ما عملتي القلتو ليك حتترمي في الشارع ولا حتاخدي ولا ملين حمره، فاعملي القلتو ليك وانتي ساكته... طلع قبل ما هي ترد،، قعدت في الأرض وبقت تبكي...._____________مرا أسبوعين على البكاء، وماف اي زول مشي جامعتو أو شغلو..مارتن: حتكونو كدا لمتين يا اولاد.. لمن ماف زول رد ليها واصلت: على فكره هو في مكان احسن من هنا،، لو هو كان عايش مستحيل يرضى انكم توقفو الجامعه عشانو،، ما قلت ليكم انسو وما قلت ليكم ما تحزنو،، لكن دا قدرو وفي النهايه كلنا حنموت..ريم: معاك حق يا مارتن،،، اصلن كنت مقرره اني انزل دوامم كبيره...هاد: انتي متأكده انك حتقدري تنزلي؟؟؟؟!.ريم: اي بقدر بقيت احسنن..هاد: طيب..مارتن: خلاص ارح الاكل... كانو كلهم قاعدين في الصفره الا ماد الكان قاعد فوق وماسك ورقه في يدو ومصدوم من المكتوب فيهاا..بكلم نفسو: يربي هو لي عمل كداا،، لو ريم عرفت بجنن جنونها،، لكن من حقها تعرف،، يربي غاس عارف ولالا،، لازم امشي اكلمو...نزل بسرعه وهو ماسك الورقه ف يدو..مارتن: تعال اكل..ماد: ما عايز..مارتن: طيب ماشي وين هسي؟؟؟!.ماد: لغاس ما بتاخر... مشي وبقي ساكت وبعاين ليو...غاس: ماد فشنو قول،، ليك نص ساعه ساكت...بتوتر: انت عارف شي عن الكلام دا... شال منو الورقه وبقي بقرا فيها وملامح وشو كلها اتغيرت لعضب وصدمه..غاس: لا،، بس يعني الكلام دا بلجدد؟؟!.ماد: لو في شهود معناها اي..ضغط على اسنانو: طيب لي ما كلموني لي بعملو كداا...ماد: حتى ريم ما عارفه، وانا عرفت هسي دا..غاس: اها والعمل شنو..ماد: تتزوجو لانو دي الوصيه..غاس: مستحيل طبعا،، اضيع جامعتي ومستقبلي في كلام فارق..ماد: حتى هي بتقري على ما اعتقد،، ومف زول بمنعكم القرايه بس تتزوجو..غاس: هاا هم لي عايزين يزوجونا..ماد: كاتب انو انت الحتقدر تحافظ عليها وما حتكسرها وحتكون في امان معاك..غاس: طيب بس ضروري هسي؟؟؟!.ماد: اي.غاس: افففففففف.... ماد طلع منو،، م عارف هل يقول لي ريم ولالا..دخل وهو متوتر الكل كان ساكت كالعاده وبعاين ليو..ماد: عايز اقول ليكم شي..هاد: اهاا.ريم: قول..عمر وجمان: هاا قول..بتوتر: ابوي قال إنو...انو ريم وغاس يتزوجو... الكل انصدم من الشي دا وما صدقهو وراهم الورقه الكان مكتوب فيها...." إذا توفني الله في سفري هذا،، فإني ازوج ابنتي ريم لابنك غاس على سنه الله ورسوله..."وكتب في نهايه الورقه دي وصتي إذا مت وياريت تتنفذ...صرخت: استحاله ابوي يعمل كدا،، والغرض من داا شنو،،، لشنو يزوجني لزول ما مسلم لشنو...ماد: ما عارف بس دي وصتو...بحده: ما حاتزوج زول ما مسلم ولا حافكر زاتو،، وبعدين لشنو يعني يعمل كدا يا ماد مقادره أصدق...هااد: في شهود..ماد: اي.هاد: بس لشنو يعمل كدا ماف سبب مقنع للان..ماد: انتو بتسالوني لشنو كنت قاعد معاو انا،، بس لقيت الورقه دي في جيب القميص حقي وما عارف هو عمل كدا لشنو...ايمان: إذا هو قال كدا معناها عارف مصلحتها وين..ريم: امي كيف يعني عارف مصلحتي وين؟؟؟؟؟؟ مصلحتي في انو اتزوج زول ما مسلم...عمر: يجماعه كدي اهدو حبه،، مكتوب فيها شنو غير الكلام دا يا ماد...ماد: انو لازم يتزوجو، لانو حيشيلها في عيونو وما حيكسرها...هاد: ابوي دا بعلم بالغيب ولا شنو،، وهو العرفو شنو مستحيل يكسرها..قال وهو طالع فوق: قلت ليكم انا ما كنت قاعد معاو،، ونفذو وصيتو دي بس..ريم: استحاله استحاله اعمل كداا... طلع فوق وبقت تبكي وتقول لنفسها: لي يا ابوي بتوصي بشي صعب زي دا،، وانت قررت بدون ما تاخد راي لي بترميني رميه زي دي لي يا ابوي يااااااااااااااااخ.....بقى تبكي بحرقه جات داخله امها وشايله في يدها كاس عصير: ريم قومي اشربي..ريم: ما عايزه يا أمي...هو عمل كدا لشنو؟؟؟!.ايمان: اشربي اول حتى نتكلم...شربتو حتى قالت: اها هسي انا اعمل شنو في المصيبه دي!!!!.ايمان: والله انا زاتي ما عارفه يا ريم،، بس أمكن هو عارف مصلحتك وين يا ريم...ريم: مصلحتي في انو يزوجني راجل غير مسلم..ايمان: اعملي زي ما هو وصى يا ريم..ريم: خلاص طيب بس عندي شروط انا...ايمان: لمن يجي غاس وامو بعدين اشرطي زي ما عايزه...قعدت في الأرض وبقت تبكي بقهر،، دخلت عليها جمان وبقت تهدي فيهاا..تبكي بحرقه: لشنو هو يعمل كداا يا جماان.... كان حاسي بشنو لمن كتب كداا..جمان: خلاص اهدي يا ريم،، اكيد هو عمل كدا لسبب بس نحنا ما عارفين هو شنو...مستحت دموعها ورقدت نامتت.....صباح اليوم التاني صحت بتكاسل،، دخلت استحمت واتوضت وصلت،، بقت تدعي لابوهاا...نزلت تحت لقت غاس وامو قاعدين..ريم: صباح الخير،، ماما انا طالعه الجامعه...ايمان: صباح النور،، اشربي الشاي،، وتعالى اقعد مع غاس وامو ديل...ريم: ما عندي زمن انا اتاخرت...مارتن: ريم اسمعي الكلام واقعدي،، وجمان زاتها ما ماشه...ريم: افففففففف خلاص قعدتت،، ها عايزين تتكلمو في شنو..غاس: اعتقد انك عارفه..ريم: لا والله ما عارفه، اي موضوع بالتحديد..سحر: يا ايمان نحنا ما عارفين هم دايرين يزوجهم لشنو،، بس اذا وصو كدا لازم ننفذ...ايمان: اي... ريم: بس عندي شروط...مارتن: دايره تتعلم حركات البنات دي..ضحكت: يعني انا ما بت،، المهم يكون عقد بس وما نعزم ناس كتار وبعد الزواج ما يلمسني وما يتحكم فيني واي زول مع نفسو،، و الزواج دا ما يأثر على قرايتنا وجامعتنا،، وفي الجامعه زي الما بنعرف بعض،، عشان ما يقعد يعمل حركات الرجال دي... ويلا انا اتاخرت... طلعت بسرعه وهو طلع وراها...مسكها من يدها،، عاينت ليو باستغراب: خير في شي..غاس: قالو لي أوصلك الجامعه...ريم: لا شكرا بمشي برأي..غاس: ما ميت عشان اوصلك انا بس امك طلبت مني كدا...بصوت واطي: امي د غايتو....ركبت ورا،، وطلعت الشيت وبقت تقراا... وصلو وهو دخل طوالي لاصاحبو،،،حكي ليهم اي شي...سمعه: بلللللللللللللل دا شنو دا!!!!!.ساره: لا يعني هم جادين في الكلام دا؟؟؟!.اكرم: حاسين بشنو هم؟؟؟!.محمد: البت حلوه؟؟؟!.غاس: محمد انت متخلف؟؟؟وائل: خليك من محمد هسي،، هم جادين،،، يعني حتتزوج؟؟؟؟؟!غاس: و يهظرو لشنو..لميس: فجأه كدااا....غاس: حتى انا استغربت...سمعه: مفروض نحنا وساره نشد حيلنا،، ولا مكدا يساره😉.ساره: معارفه🙈. غاس: انا في شنو انت في شنو يا سمعه...ساره: انت ما عايز تتزوجها يعني؟؟؟!غاس: اكيد طبعا ما عايز،، اقول ليك دي وصيتهم...لميس: وهي بتقرا وين وكدا...غاس: معانا هناا + دي البت اللقيتها في الكفتريا...محمد: بختك يا مااان..لميس: محمد اتلهي..غاس: انا ماشي المكتبه يلاا...ساره: ماشي المكتبه ولا ماشي لمرتك يزول😉. حمر ليها: لسه ما بقت مرتي...ضحك: منفسك تعرفها علينا...ضربو في كتفو: وهو نحنا ما بنتكلم مع بعض لمن اجي اعرفها عليكم... قعدو يضحكو فيو،، ابتسم ليهم ومشى...____________نسمه: نور يلا نروح لناس ريم...نور: خلي ابوك يجي...نسمه: انا اعرف بيتهم يلا نور بلزز..نور: البسي طيب.... لبست واتحركو طوالي،،، وهم داخلين لقو مااد طالع...مااد: اوو نور كيفك؟؟؟!.نور: بخير الحمد لله وانت..مااد: تمام..نور: كيف صرت؟؟؟!.مااد: احسن الحمد لله،، بس ريم حتتزوج...نور: شنو؟؟؟ ومين سعيد الحظ هاذا..ماد: غاس..نور: كيف تتزوج شخص مو مسلم...ماد: ما عارف بس ابوي وصى بكدا،، المهم انا ماشي السوبر ماركت وجاي..نور: طيب،، هاد موجود..ماد: اي قاعد في غرفتو... نور خشي ليو ونسمه بقت تعاين لماد: وانا مف حد بسأل علي؟؟!..حضنها: اسف مشفتك،، وبعدين انتي حته صغيره كدا..نسمه: مصغيره بس انت عملاق..ضحك: بالله عندك لجنه في الراء اول مره اعرف🤣.نسمه: نننننننننن..مسكها من يدها: المهم ارح معاي... ركبو العربيه ومشو السوبر ماركت،، من سوء حظها وهم داخلين لقو مروان جمب الباب..عايز يحضنها بس ماد ختي يدو بينها وبينو...مروان: منو انت؟؟؟؟!ماد: ما مهم منو انا،، المهم ما تقرب منهااا...مسك يدها: نسمه اقلك منو هو؟؟؟!.سكتت وما ردت..ماد: فك يدها..مروان: انا اتكلم معها هي،،، منو هذا؟؟؟ماد: اقول ليك فك يدهاا... وقع فيو ضرب بقت تصرخ لحدي ما الناس جو حجزوهم من بعض...مروان: ما رح خليك يا نسمه..ماد: غور من هنا الله ينعلك...مروان: برجع ينسمه وبتشوفي... بقت ترجف زي الكبو فيها مويه..بخوف: ما رح خليني انا اعرفو،، ما رح يعدي هالقصه على خير اعرفو انا...حضنها: ما بقدر يقرب منك خلاص اهدي اوعدك ما يقرب منك...نسمه: بس بس هو رح ياذيك صدقني،، ما ابي ادخلك في مشاكلي..ماد: يا ستي انا بحب المشاكل انتي مالك..بتبكي: بس هالمشاكل ممكن تنتهي بالموت،، أنا أعرف مروان...ماد: يا ستي انا عايز اموت بسببك..ضحكت من بين دموعها: صج؟؟!.ماد: اي، يلا ارح... اشترو حاجاتهم وطلعو...._____________في جامعه الخرطوم الساعه 3:00غاس كان بفتش في ريم عشان يمشو البيت،، لف الجامعه دي كلها بس ما لاقاها..اتصل على امو: امي امشي شوفي ريم دي في البيت...سحر: انا في بيتهم وهي ما جاات..غاس: كيف يعني ما جات..سحر: كدا..غاس: خلاص طيب... قفل الخط،، وطلع برا الجامعه لاقاها واقفه مع ولدد جمب الظلط..غاس: انا افتش عليك الجامعه كلها وفي الاخير تطلعي هناا، ارح قدامي...ريم: وفي زول قال ليك تفتشني شافعه انا،، ما ماشه معاك..غاس: امك القالت لي اجيبك معاي،، ارح قدامي قبل افش غضبي فيك.... من نبره صوتو عرفتو معصب شديد،، طوالي مشت قدامو فتح باب العربيه القدام،، قفلتو وركبت ورا...غاس: الظاهر اني حابقي سواقك..ريم: هه بس دا واجبك،، مش حابقي مرتك..غاس: ما تعيشي الدور....ريم: طيب،، حامشي معاك كل يوم؟؟؟!عاين ليها بالمرايه: تتخيلي.....سكتت وقبلت على الشباك،، وصلها لقدام البيت حتى مشي بيتو...حضنت نسمه: حبيبي المشتاقه ليو..نسمه: وانا بعد،، قالو بدك تتزوجين..ريم: اي..نسمه: مدام غاس جسار..ضحكت: بلا مدام معاك،، ارح فوق..نسمه: يلا، بدي احكي لك شي..طلعو فوق ونسمه رقدت ف السرير... ريم: هاا قولي.. حكت ليها لمن لقو مروان...بتاكل في الجزره: ماد قال ليك كداا..نسمه: يب..ريم: اساسا كنت حاسه انو معجب بيك..ضحكت: لاا،، بس نحنا أصحاب..ريم: أصحاب😉.نسمه: ايي احكي الحقيقه انا🙈.ريم: طيب مالك خجلانه... نسمه: ريم يخ بطلي هالحركات...ماد جاء خاشي اول من شافتو قالت: انا عايز اموت بسببك🤣.ماد: سبحان الله هي متين جات عشان تحكي ليها...ريم: ها خير عايز شنو؟؟؟!.ماد: حددو العقد حيكون بكره،،، وجيت اقول ليك جهزي حاجاتك عشان حتمشي بيت راجلك...نسمه: بكره؟؟؟؟!ماد: اي...نسمه: بس لا هي راحت السوق، ولا عملت اي شي..ريم: ما حاعمل اي شي ولا حارسم بس حامشي ليو كدااا..ماد: اول مره اشوف عروس ما حترسم في عرسها...ريم: هو ضروري يعني؟؟؟!نسمه: مو ضروري المهم تروحين بيت راجلك..ريم: يخوانا😂 ، داخله استحمي انا...َماد: BTS بعد بكره عندهم حفله في الرياض...صرخت: احلف،،، واي م حقدر اروح يربي لا،، بموت لو ما حضرتهاا...ماد: عايزه تمشي؟؟؟!.نسمه: بس يبه ما رح يخليني روح..ماد: خليها مره تانيه... بقت سرحانه في الأرض،، وهو مشي على غرفتو...طلعت وهي بتجفف في شعرها: كنتي بتصرخي لشنو؟؟؟؟...نسمه: BTS بعد بكره مسوين حفله في الرياض وشكلي ما رح اكون موجودة...بتعاين ليها بالمرايه: ضروري تحضريها يعني؟؟...رقدت في السرير: اكيد،، مف حلفه لهم انا ما حضرتها...ريم: معندك موضوع والله...نسمه: بحبهم يريم انتي مالك؟؟..رقدت جمبها: خلاص طيب.....في لحظه هي نامتت.... فتحت ليها المكيف ونزلت تحت.....
يتبع.....
