بقلق: نور ارجع البيت تفكي...نور: من عقلك تقولين ارجع ،، ابى اقعد لحالي...نسمه: طيب بس... قفل في وشها...ومشى لهاد..هاد: وين يا مان ليك وحشه..ابتسم بضيق: هاد اقلك انا لقيط..قعد جمبو: شنو شنو؟؟دنقر راسو: د الحقيقه..هاد: طيب احكي لي في شنو...نور: بحكي....قبل 20 سنةسلطان: امي نحنا في شنو وانتي فشنو...ست النساء: ما بعرف تطلقها وتعرس بت خالتك دي..مسح على جبينو: امي شوفي انا طلاق ما بطلق..هاجت: كيف يعني ما بتطلق ليك تلاته سنين متزوج وما جبت لي حفيد..وجه بصرو لي الباب: امي العيب فيني ما فيها افهمي ياخ افهمي الشي دا... قعد وختت يدها في راسها: كيف يعني العيب منك..سلطان: شنو كيف يعني يا أمي ،،، وما بكذب عليك العيب فيني انا ،، وانا حامشي اتعالج...ست النساء: طيب لي ما اتعالجت من زمان لي بس...اتافاف: ما كان في وقت ويلا انا طالع فوق...ست النساء: و مرتك دي لسه ما جات...سلطان: لا ،، وكنت عايز اقول ليك انا حامشي السعوديه كم سنه كدا واجي...ست النساء: لشنو أن شاء الله...سلطان: عندي شغل هناك... طلع فوق وغير ملابسو ورقد في الكنبه...جويريه جات داخله ومعاها طفل عمرو أقل من ١٨ سنه..بصوت عالي: سجمي يا مرا د الشنو الشايله في يدك دا..جويريه: د طفل لقيتو جمب الباب..ست النساء: الجابو شنو..قعدت: وانا العرفني شنو بس لقيتو جمب الباب..سلطان جاء نازل بصوتهم العالي..ست النساء: تعال شوف مرتك،، جايه وجايبه معاها طفل لا معروف اصلو لا فصلو..بهدوء: جويريه ،، د طفل منو..بتحاول تسكت في الطفل: لقيتو قدام الباب ،، وهو لسه صغير عشان كدا شلتو...سلطان: حسبي الله ونعم الوكيل نحنا ناقصين مشاكل ،، جويريه ودي محل ما لقيتي..ضمتو عليها: ما برجعو إذا اهلو رمو هو زنبو شنو انا عايزاو يا سلطان...سطان: بس..قاطعتو: انت حرمتني من اني اكون ام يا سلطان وهندا الولد دا بنعتبرو ولدنا،، وانا عايزاو بلجد..سطان: اطلعي فوق خلينا نتفاهم..عاينت ليو بحنيه: حتخلي معاي صح..غمض عيونو: اي بس ارح فوق...نومتو وغيرت ملابسها وجات قعدت جمبو..مسك يدها: جويريه ،، أنا عارف انك عايزه ولد وعايزه انك تبقى امك ،، لكن نحنا ما عارفين الجابو هنا شنو ،، جويريه فكري قبل ما تاخدي قرار ساي..جويريه: طيب لمتين حنكون كدا وانت ما عايز تتعالج ولا عايزني اتبني ولد ،، أنا كان ممكن أطلق منك عادي بس يا سلطان انا بحبك وما عايزه اخليك والولد دا خشي قلبي وما عايزه اخليو...باسها في راسها: خلاص طيب بنخلي...جويريه: حنسمي نور طيب..ابتسم: طيب ،، حنسافر السعوديه بعد اسبوع...جويريه: لي فشنو؟سلطان: عندي شغل هناك ،، وماشي اتعالج برضو....بفرح: جد يا سلطان؟؟سلطان: ايواا..جويريه: بس دا ما بعني اني حرجع نور لاهلو،، لانو لو كانو عايزنو ما كان جدعو..قام واتجهه على الباب: طيب... طلع وهي رقدت جمبو ،، صحي وبقي يبكي نزلت بيو تحت وبقت حايمه في الحوش بس برضو ما سكتت،، صفاء اخت راجلها جاتت وشالتو منها وهو طوالي سكت..صفاء: إذا ما بتعرفي تسكتي الجابرك عليو شنو..ما ردت عليها دخلت تحضر ليو البذاذه...ست النساء: وكمان خاتنو بي شنطو والله لكن الناس دي...جويريه: 🙂...بعد اسبوع من الكلام دا،، جويريه وسلطان سافرو السعودية،، كانو عايشين مبسوطين وماف لا مشاكل لا ضغوط ولا كلام كتير ،، لحدي ما جات بت خالتو وقعدت معاهم في البيت... قلبت حياتهم كلها بقت عباره عن كل يوم بتشاكلو..بانفعال: سطان نحنا ما بينا شي غير الشغل وانت عارف الشي دا وبعدين انت بقيت عصبي وفي أقل شي بتشك فيني..ضغط ع اسنانو: انتي عارفه هو ما معتبرك زميله في الشغل مكانتك عندو أكبر من كدا يا جويريه لي ما عايزه تفهي،، انتي ما شايفه نظراتو ليك بقرب اقلتو...تحرك راسها يمين يسار: بس انا معتبراهو زميل بس ويا سلطان خلي الغيره الكتيره دي..سلطان: بكره انا ومي نازلين السودان..وقفت جمبو: وحتخليني برأي،، ومش قلت حتقعد كم سنه هناا.. سلطان: و حيجيك شنو يعني..في مشاكل في الشركه.. جويريه: طيب يا سلطان طيب... قفل الباب شديد،، مشي المطبخ وبقي يشرب في مويه..ختت يدها ف ضهرو: اهدا حبه ما تعصب كدا..شال نفس: بقيت ما قادر اتعامل معاها زي الاول معارف لشنو.. مي: نشوف حل للمشكلة بس اهدا حبه ما بقدر اشوفك كدا..ابتسم ليها وطلع برا..جويريه: ممكن ما تحتكي في..كتفت يدينها: بس سلطان بقى ما بحبك زي الاول..قربت منها: يحبي ما يحبي ما شغله تخصك، و ايي شي بينا انتي ما ليك دخل فيو،، وما تحاولي تخربي بينا لانو انا عارفه انتي سبب كل المشاكل دي...رجعت ل ورا: لا تخصني والف كمان،، انتي غير بتعصبي ما بتعملي شي وانا البحاول اهدي واغيرو لأحسن..جويريه: طيب حاولي يستي...عاينت ليها ودخلت جواا... مي مشت جهزت حاجاتها ورقدت نامت..اما جويريه كانت منتظره سلطان لحدي ما يجي...جاء داخل الساعه ١ صباحاً مشت مسكت يدو: اسفه يا سلطان..سلطان: انا الأسف عصبت عليك..جويريه: تاكل..ابتسم: اي... حضرت ليو الاكل وبقت تعاين ليو هو بياكل...مشو نامو...في الصباح هو ومي مشو المطار،، وجويريه بين انها عايزه تمشي وما عايزه تمشي في النهايه قررت انها تقعد في السعودية....هاد: وانت هسي زعلان عشان انت لقيط ولا زعلان عشان خبو عليك...نور: الاتنين يا هاد...حتى نسمه كانت عارفه وما ورتني..هاد: شوف ينور امك عملت الشي الصاح. وهي ما رضت توريك عشان خايفه عليك يا نور،، وانت لي بتعاين لي ورا عاين لي قدام عاين للشي الهي قدمتو ليك.. شالتك واهتمت بيك وعلمتك احسن تعليم.. صدقني لمن تنبش في الماضي ما حتستفيد اي شي غير انك ترهق نفسك بالتفكير وهم لي ما وروني وكلام فاضي زي دا،، ما تشتغل بالماضي كتير لانو هو خلاص مشي ولا حنقدو نغير فيو شي،، نور انتو زول كبير و واعي.ختي يدو كتف هاد: تصدق كلام صح،، بس ما ابغى ارجع البيت،، كلامهم مره كثير.ضحك: طيب جيب حاجاتك وتعال،، بقول لي عفيفه تفضي ليك غرفه ريم..نور: شكرا..هاد: مف داعي تشكرني... ابتسم ليو ومشي...____________بتحضر في التلفزيون،، يجي يقعد جمبها ويعاين ليهاا..ريم: مش عندك امتحان بعد اسبوع؟؟؟غاس: قريت لمن زهجت فجيت اقعد معاك...تبعد منو: طيب.. لميس اتصلت عليو مشي بعيد منها وهي بقت تعاين لي التلفزيون وتعاين ليو..غاس: اها يا لميس..لميس: ممكن اجي اقرا معاك لاني ما فاهمه ولا شي(اجي يخوانا؟)..غاس: ما فاهمه شنو بالتحديد..لميس: كلو..بصوت واطي: كيف يعني كلو ما بنقدر نخلص في أسبوع..لميس: اشرح لي الحاجات المهمه بس..غاس: هو كلو مهم..لميس: يخ بس بجيك تقريني...غاس: تجيني كيف يعني انتي اتهبلتي...لميس: وين الجديد في الموضوع يعني ما كل مره بجيك ونقرأ سوا، ولا انت خايف من مرتك..بحده: ما خايف منها ولا اي شي،، خلاص تعالي..لميس: طيب مح... مسح وشو ومشى قعد جمبها..ريم: في حاجة؟؟يربع رجولو: لميس جاياني اشرح ليها..ريم: هاا كويس..غاس: لو حتتضايقي بقول ليها ما تجي...بسرعه: لا ما بضايق...قبل تسمع ردو مشت المطبخ وبقت تسوي اكل،، الجرس رن وهي طالعه تفتح لقتهم حاضنين بعض...غاس: مكنت قايلك حتجي بالسرعه دي...قعدت وخلفت رجلها: كنت قريبه منها هنا..بفتش في الشيتات: هاا نبدأ..لميس: اي،، مرتك وينها..غاس: اسمها ريم،، في المطبخ...لميس: كويس... قعد يشرح ليها وكانت قريبه منو شديد..شايله مويه وعصير: اتفضلي..لميس: شكرا،، خالتو سحر ما هنا..مع بعض: في الشغل.... ابتسمت ليو ومشت قعدت في المطبخ وبقت سرحانه..تفتح التلاجة: دي جات لشنو؟؟.ريم: يشرح ليها..قعدت في الكرسي القصادها: مقعد ارتاح ليها..ضحكت: ولا انا ما ارتحت ليها،، بس الظاهر عليهم أصحاب شديد..بلقيس: اي،، بس ظاهر عليها بتحبو .شبكت اصابعها مع بعض: اي ظاهر شديد كمان .فكت ليها اصابعها ومسكت يدها: ما تديها فرصه انها تاخدو منك يا ريم،، لانو انتي وغاس حلوين مع بعض،، وغير كدا هي خسيسه ومستحيل تغيرو للأحسن وانا عارفه انتي بتقدري،، بس خليك قريبه منو..ابتسمت: طيب أن شاء الله...سحر جات وطبعا بتحب لميس زي عيونها وهي دايراها لي غاس،، دخلت المطبخ ولقتهم قاعدين..سحر: رايك فيها شنو؟؟؟.ريم: في منو...سحر: في لميس،، حلوين مع بعض صح؟.دنقرت راسها وابتسمت: اي..سحر: بس خلي يتخرج كما طلقتكم من بعض وعرستها ليو..رفعت رأسها بسرعه: طيب ولي ما تعرسوها ليو هسي؟..سحر: خلي يخلص احسن،، ويلا قومي اعملي لي شاي..ختت يدها في خدها: ما فيني حيل والله..بحده: يبت اقول ليك قومي واعملي ليهم قهوه معاك.. ما حبت تناقشها كتير،، عملت زي ما قالت ليها،، وهي طالعه تديهم القهوه غاس كان مدنقر فيها وبضحك وقعت الصينيه من غير ما تشعر..تصرخ: عملتي شنو انتي،، الطقم دا غالي وانا بحبو شديد مالك انتي فقر كدا...الدموع وقفت في طرف عينها: ما قصدي اسفه..تلزها: اسفك ح يصلحها يعني،، غوري من هنا يلا... عاينت لغاس الكان واقف وبعاين ليها،، مشت البلكونه وقعدت تبكي..غاس: امي في داعي تصرخي فيها لمن تبكيها..رفعت سبابتها قدام وشو: اسمع هنا هي روشه،، وانت ما تقعد تدافع لي عنها من حبك الشديد ليها يعني.. مسكها من يدها ومشي بيها لي ريم: اعتزري منها..بصدمه: بتقول لي اعتزر للجربوعه دي..هاج فيها: قلت ليك اعتزري منها..لوت خشمها: معلش... فكت يدها وطلعت برا..غاس: انا اسف يا ريم هي ما قصدها تصرخ فيك بس هي..قاطعتو: مف داعي كان تقول ليها اعتزري،، لانو انا الغلطانه،، مكان قصدي،، بس اتفلتت من يدي..غاس: ما تبكي طيب..مسحت دموعها: هاا كدا كيف... قرصها في خدها بخفه وطلعو برا..عاينت ليها من فوق لتحت: الجربوعه جات..بحده: امي..ختت يدها في خشمها: خلاص سكتت... سحر دخلت غرفتها وريم كانت قاعده ماسكه تلفونها،، تعاين لي لميس البتقرب كل شويه من غاس وهو بحاول يبعد بس هي تاني بتقرب منو..عدلت طرحتها: غاس انا ماشه لي جمان..بعاين في الشيت: طيب بس ما تتأخر..ريم: عاوزه أبيت معاها...رفع راسو: شغله هي يا ريم..ريم: المهم ما بتاخر يلا.. طلعت..لميس: مستحملها كيف دي،، ممله شديد..غاس: خلينا في المهم هسي...قعد يشرح ليها لحدي العشاء حتى مشي وصلها ودخل لناس ريم...ايمان: شنو يعني يا ولدي ما بتجينا..غاس: بجي من الجامعه متأخر بنوم وبصحي اذاكر وما بكون في وقت عشان امرق زاتو...ايمان: الله يعينك انت وريم،، كيفك انت..غاس: كويس وانتي..ايمان: حمد الله،، لو عايز الشباب هم كلهم في الحديقه ومعاهم ريم..غاس: طيب....طلع ليهم،، وأول ما طلع لمح ريم الكانت بتضحك من قبلها وظاهر عليها انها مبسوطه،، اول من شافتو غيرت ملامح وشهاا..ماد: اوو غاس اللمور شنو؟قعد: كويس وانتو..عمار: كويسين.. كان ملاحظ لانو هاد وجمان شامنو..غاس: هاد انت كويس؟؟؟..هاد: المهم انت كويس..غاس: كويس..ضرب فخدو: كلو كويس... نور قاعد بتكلم مع ريم الكانت ميته ضحك من كلامو.. فضل ساكت وبعاين ليها وهي بتتكلم وهي بتضحك..ريم: نمشي؟..غاس: يلا طيب....مشو وجاء لاحقهم نور..شال انفاسو: ريم.. ريم جوالك..ريم: اهه نسيتو،، شكرا..ابتسم: ولو،، اقلك حاكي نسمه لانو تبيك في شي ضروري..ريم: شنو هو؟؟؟.نور: ما اعرف بس قالتلي اقلك..ريم: هاا طيب يلا..نور: يلا... أتلفت لقت غاس ماف،، ابتسمت ودخلت...بقلع التشيرت: حلوين مع بعض..غمضت عيونها: اقلع في الحمام يخخ،، منو هم..غاس: انتي ونور..رقدت: اي عارفه..عاين ليها بالمرايه: خلينا منو،، انتي لي ما بتقلعي الطرحه..ريم: معارفه..قعد جمبها: عارفك خجلانه،، بس انا راجلك يريم..ريم: طيب... فكت الطرحه ورخت شعرها..ابتسم: شعرك حلو..اتغطت: شكرن،، واقفل النور لاني بدور انوم...غاس: تصبحي ع خير..تدفن رأسها في المخده: تلاقي الخير... شال مخده وبطانيه وطلع يرقد في الصاله..._____________ست النساء: باقي عليك تقول ليهم انك متزوج وعندك اولاد..سلطان: والله يا أمي تفتحي خشمك دا ما بحصل خير... كافيه نور طلع من البيت بسببك مناقص انا،،، تجي منك ولا من مي ولا من الشغل...ست النساء: شوف كمان بقى يعلي صوتو على امو،، مشي وين أن شاء الله..سلطان: ما عارف يا أمي ما عارف... نسمه سمعت اي شي مشت غرفتها وبقت تبكي..اتصلت ع امها..نسمه: يمه ابي اقلك شي..جويريه: هاا حبيبتي قولي،، لي بتبكي قولي نسمه..تمسح دموعها: بابا... بابا متزوج وعندو عيال...ما ردت عليها وقفلت الخط طوالي...عند جويريه كانت بتبكي واختها بتحاول تسكتها..جميله: حبيبي اهدي خلاص مو مستاهل كل دا..جويريه: شنو هو المو مستاهل،، لا كيف يتزوج على وكمان عندو منهاا عيال.. تصدقين معي بعد كل هالسنين يطلع متزوج على..جميله: انا قلتلك روحي معو السودان بس انتي عنيده،، و شوفي امو زوجتو..رجعت شعرها لورا: بكره حنزل السودان...جميله: لا تتهورين..جويريه: لا تخافي على...عند نسمه كانت حاضنه المخده وبتبكي وهي ما عارفه بتبكي عشان نور مشي من البيت ولا عشان ابوها طلع متزوج وعندو أولاد ولا عشان امها الحتكون منهاره..اتصل عليها ماد بس ما ردت... قفلت التلفون ورقدت نامت..._____________ريم: غاس اصحى.. غاس بتتاخر غاس قوم.. الساعه ٧ جات..بنعاس: ما داير امشي الليله،، امشي مع جمان انتي..ختت يدها في جبينو لقتو محموم: اخخ جسمك حار،، بقعد معاك الليلة..اتعدل في رقدتو: لا انتي امش...قاطعتو: ما حامشي.. حرارتك مرتفعه.. مفروض نمشي الدكتور زاتو..بسرعه: لالا.. اعملي لي كمادات وشوربه بس..ريم: طيب.. عملت ليو شوربه خضار وعملت ليو كمادات...داير يمسك الملعقه عشان يشرب وقعت منو..مسكتها منو: خليني انا البشربك...غاس: ما شافع انا..ريم: بس انت ما قادر تمسكها،، زح يدك دي... فضل يعاين ليها بس و ما شال عيونو منها..تمسح العرق من جبينو: خير.. وشي فيو شي...بعاين في عيونها: لا بس عيونك حلوه..ختت الملعقه: جد؟؟غاس: اي..تخت الكورا في الطاوله: مكنت عارفه انها حلوه الا لما انت قلت كدا..ابتسم بتعب وهي واصلت: معايزه كلام كتير ارح الدكتور...غاس: لالا انا كويس،، شويه إرهاق بس..ريم: بس يا غا...قاطعها: قلت ليك إرهاق بس يا ريم،، وبعدين انتي خايفه على؟؟؟..ريم: ما قصه خايفه عليك،، انت ما شايف وشك عامل كيف وعيونك دي واقعه..بقى بقح: حكون كويس بس عايز حبه راحه... غطتو ومشت المطبخ...اتصلت على عمها: عمو خواض انت في البيت؟؟.خواض: مارق هسي،، لي عايزه حاجه..بصوت واطي: عايزاك تجي تفحص لي غاس دا لانو ما طبيعي وهو ما راضي يمشي الدكتور..خواض: طيب طيب هسي بجي...دق الجرس وهي مشت فتحت ليو..وجهت كلامها لغاس: مش ما عايز تمشي الدكتور هندا لي نفحص ليك هناا..غاس: معارف لي انتي مصره كدا..ريم: هشش اسكت خلاص... فحصو ليو..خواض: شويه إرهاق وعندو نقص في الدم عشان كدا عيونو واقعه وهاك جيبي لي الادويه دي.. ريم: طيب يا عمو،، تعبتك معانا..خواض: لا ماف اي تعب يلا انا امشي..ريم: طيب... قدمتو لحدي الباب...ريم: قوم نخش جوا..غاس: خليني هنا احسن...ريم: قوم يخ....قام بتعب.. دخل جوا واتغطي وبقي سرحان في السقف..قعدت جمبو وجابت كتاب القرآن حقها: خليني اقرا ليك قرآن..غاس: حيعمل شنو يعني،، كلام فاضي...قرصتو: يخ حرام تقول كدا،، دا كلام الله..غاس: ماف شي اسمو الله انتو وهمانين ساي،،، اهاا طيب واذا هو في زي ما بتقولو وينو لي ما ظاهر لي ما بتشوفو...ختت يدها في جبينها: معندي ليك جواب،، بس هو موجود ولو كان الزول إيمانو قوي بحس بالله بحس بي انو قريب منو وبستجيب ليو،، وانت ما تتكلم عن الكتاب الانزلو على رسولو كدا،، يا تتكلم عنو كويس يا تسكت وما تفتح خشمك نهائي.. والمهم حاقرا ليك...فتحت سوره يوسف وقعدت تقرأ ليو.. صوتها كان حلو في التلاوة،، حسي بشعور غريب وكهرباء سرت في جسمو،، لما هي انتهت هو كان نام..قفلت الأنوار وطلعت برا...الجرس دقي، فتحت الباب لقتها سحر..سحر: هه لي ما طرتي جامعتك..مشت قدامها: غاس حرارتو مرتفعه..سحر: سجمي يا يمه،، وهسي هو كيف وعملتي لي شنو ياكلو...ريم: نايم،، شرب شوربه بس...سحر: اخش ليو...بحده: هو نايم..عاينت ليها ودخلت غرفتها...اتصل عليها ماد...ماد: ريم ماما في المستشفى وحالتها سيئة شديد...بصدمه: شنووووووووووووووو؟؟؟؟؟!.
يتبع.....
