قاعد في الكرسي ومنتظر الدكتور يطلع... طلع وهو وقف ومسكو من اخر يدو .ماد: دكتور هي كيف هسي ؟الدكتور: الحمد لله انكم لحقتوها سريع لانو كان ممكن تخسر دم كتير.. وحالتها هسي مستقره الحمد لله بس خسرت الجنين .نور: اقدر ادخل .الدكتور: اي بس م تخلوها تنفعل .نور: طيب .ماد فضل قاعد في الكرسي ونور دخل ليها.. كانت راقده كأنها مشلوله بتحرك عيونها بس .نسمه: ش صار الطبيب اش قال .قعد ومسك يدها: نمسه لا تتكلمي الحين بس جيت اطمن عليك .غمضت عيونها: خسرت البيبي صح ؟نور: اي .نسمه: خير خير البكتبو الله كلو خير ، ابى اشوف ماد .بأس رأسها وطلع..نور: تبغى تشوفك .دخل جوا ولقاها عاضه الملايه وبتبكي .فكي الملايه من خشمها: نسمه .قامت بصعوبة وارتمت في حضنو وبتبكي.. بقي بهدي فيها بس هي كل مره بتبكي اكتر .زح منها ومسح دموعها: البكاء ما حيفيد في شي يا نسمه.. وانتي كل دا اختبارات من الله وانتي عارفه..وانا معاك والمره دي ما حاخليك ابدا .ابتسمت: كنت ابي اسمي البيبي عبير وإذا ولد عماد .بأس رأسها: أولادنا حنسميهم كدا .دنقرت رأسها وابتسمت لي.. طلع ومشى جاب الأدوية واداها لي نور وساق عربتو ومشى.._____________سحر: قوم اكل .مدنقر في الشيت: ما عايز .سحبت الشيت: القرايه ملحوقه قوم اكل عشان تأخد الأدوية .غاس: انتي عارفه اني ما بحب اخدو الا من يد ريم .قعدت جمبو: بس هي هسي ماف يا حبيبي وإذا هي مهتميه بيك كان وقفت جمبك في الحاله دي .مسح وشو بيدينو: ما عايز يا أمي .سحر: إذا أنت ما اكلت انا ما حأكل .قام وشال مفتاح العربيه: امي انتي اكلي انا ما عايز .طلع بسرعه وساق العربيه ومشى... مشى البحر وبقي قاعد وسرحان في . ختت يدها فوق يدو: غاس .قبل عليها: لي عملتي كدا يا ريم .زحت يدها: عشان بحبك .غمض عيونو : لا ما بتحبيني يا ريم ، لانو كلامك لو كان صاح ما كنتي خليتني وانا كنت في امس الحاجه ليك .ريم: عملت كدا عشان ترتاح وتريحني . مسك يدها: انتي راحتي يا ريم وانتي عارفه الشي دا.. و دايماً انتي بتحبي تأذيني بغيابك .زحت يدها وقامت مشت.. غمض عيونو ومسك راسو بقوة: تاني بتتخيل يا غاس شيلها من رأسك خلاص زي ما هي عملت .بقي برسم في التراب وسرحان....جاء شاب قعد جمبو وقال: حبيبتك خلتك .عاين لي وسكت.. واصل: تعال اشرب معاي قهوة وصدقني حترتاح .قام معاو من غير ما يتكلم ومشو لي ست القهوة.. ما كان مطمن للولد بس بقى يشرب.. شرب تلاته كبابي حتى قام..كان حاسي براسو لافي...مشي لحدي العربيه وبقي متكل عليها وبتنفس بصعوبة .فتح الباب وبقي سايق لحدي ما وصل البيت.. من غير ما يتكلم مع زول دخل غرفتو ورقد في السرير.. عيونو كانت واقعه ولونها احمر..امو دقت الباب وما جاها رد فتحت الباب ولقتو راقد على بطنو وما قلع اي شي .قلعت لي الجزمه ورفعت لي رجلو من الأرض وصلحت لي رقدتو وغطتو وطلعت ...مشت عملت شوربه دجاج ودخلت عليو..تربت على ضهرو: غاس.. غاس قوم اكل انت من الصباح ما مأكل شي .هو كان صاحي بس ما قادر يقوم... قام بعد صعوبه حضن امو وبقي يبكي زي الشافع .بيبكي: انا لي بحصل معاي كدا عملت شنو في الدنيا عشان كل زول يمشي لي يا ماما لي .بقت تبكي وضمتو عليها شديد .مسحت على شعرو: ما بقدر اشوفك كدا ما نبكي يا غاس انا معاك وحتقدر تتجاوز يا غاس(ما انتي السبب في بكاهو دا)مسح دموعو: انا ما عايز اتجاوزها لانو هي الشي الوحيد الحلو في حياتي .بغيظ: هي ما فكرت فيك همها نفسها بس كل ما تواجهها مشكله بتهرب يا غاس اتجاوزها زي ما هي اتجاوزتك .زح منها: هي ما اتجاوزت يا أمي بتتدعي انها اتجاوزت .ختت يدها في رجلو: متين حتفهم انو هي ما بتحبك ولا عايزاك ، هي اتزوجتك عشان الوصيه بس .مسح جبينو بيدو: طيب يا أمي أنا لا عايز اكل ولا عايز اي شي بس اطلعي برا وخليني برأي .ختت لي الشروبه في الطربيزه القصاد السرير وهي مارقه رمي الصنيه بيدو: قلت ليك ما عايز حاجه .جايه تلم القزاز من الأرض غمض عيونو وقال: امي امرقي ما تلمي اي شي بس امرقي .مرقت وهو مشي قفل الباب... داير يمشي الحمام عفص القزاز ودخل جوا رجولو .قعد بفتور.. وطلع القزاز من رجلو.. مشى الحمام وغسل رجولو و وشو.. فتح الدولاب وطلع كتاب وبقي بقر.. حسي نفسو ارتاح بعد قرأ ودخلو وطلع البلكونة ...عاين لي بلكونه ريم وبقي سرحان.. جات طالعه وهي بتلف في شعرها بعشوائيه .بقى سرحان فيها.. عاينت لي وخشت جوا..اتنهد وهو زاتو خشي.._____________دق الباب..ريم: ادخل .دخلت وفي يدها صنيه اكل: قومي اكلي يا بتي .ريم: ما عايزه يا مارتن .ختت الصنيه في الطربيزه وقعدت جمبها: حتفضلي كدا لمتين يا ريم ، انتي كل مره بتتشاكلو وانتي البتبكي وانتي البتكوني منهاره وحابسه نفسك كدا ، ريم انا ما حقول ليك انسى ولا اي شي من دا ، بس انتي ما تقفلي على نفسك كدا .حضنتها: ومن القال ليك اني زعلانه بالعكس مرتاحه شديد .مارتن: باين عليك .ضحكت: قعد اقرأ بس وعندي امتحانات السمستر الرابع بعد يومين .مارتن: دا اخر سمستر صاح؟ريم: اي وامشي تانيه ، ما عارفه السنه دي لي طولت كدا .مارتن: تخريج غاس بعد اسبوع .ريم: اي عارفه يا مارتن ماف داعي كل مره تذكريني .مارتن: اكلي طيب . ربعت رجولها: ما حأكل برأي اكلي معاي .قعدو يأكلو وهي شبه اتحسنت من الايام الفاتت.. هاد جاء خاشي وفي يدو أوراق .ريم: ديل شنو؟هاد: قلتي اطبعهم ليك ، هاك .ريم: شكراً ، مارتن ممكن تخلينا برانا .مارتن: شكلو في أسرار بين الإخوان .ريم: اي .طلعت وقفلت الباب وراها..مسكتو من يدو وقعدتو جمبها وختت رأسها في رجولو: هاد انا اسفه على الكلام القلتو ليكم قبل يومين اسفه بلجد بس كنت مرهقه وتعبانه نفسياً وما قادره اتحكم في اعصابي ، اسفه .بأس جبينها: عازرك يا ريم ، واها انتي تاني حتقرري انك تطلقي؟ريم: المره دي انا جاده يا هاد وحاعمل اي شي عشان أطلق حتى لو كان الشي بوصل للمحكمة .هاد: لا اله الا الله يا ريم ما للدرجة ، أنا بمشي وبتكلم معاو بس ما لي انو يصل للمحكمة .قامت وربعت رجولها: انت سهى وين ما شايفاها في البيت نهائي شهر ولا شهرين .هاد: قاعده مع خالتها ، عايز أتقدم ليها .بقت تصرخ: بالجدد يعني حتتزوج واااااي يا الله واها هي قالت شنو وحتمشي متين مقادره أصدق .مسكها من كتفينها: اهدي يا بتي شنو واقعه على اسأله .بفرح: فرحانه ليك ، اها حتقول لي عمو خضر متين؟ .هاد: ما عارف كيف افاتحو في الموضوع ، مرتو كارهاني شديد .ريم: انا متأكده انو حيوافق ، أنا حامشي اتكلم معاها وانت اتكلم معاو .هاد: طيب انا ماشي لي غاس .مسكتو من يدو: ما تتكلم معاو .باستغراب: لشنو؟!ريم: بس كدا يا هاد عليك الله .بأس راسها: طيب .مشي غرفتو ولقي ماد قاعد في السرير .قفل الباب: ماد في شنو؟ماد: نسمه اجهضت .هاد: شنو؟.. قعد قاصدو وواصل: احكي لي .ماد: امبارح نور اتصل على وقال انو نسمه وقعت من السلم ولما ودينها المستشفى قالو اجهضت .هاد: بتحبها؟ماد: اكيد طبعاا .هاد: عندي ليك خبر .طلع الجكت: قول .هاد: عايز اخطب سهي .بفرح: ما قلنا بينا ماف اي شي .ضحك: بطل قله ادب .ماد: حتكلم عمو خضر متين؟هاد: ما عارف للان بفكر بعد نخلص السمستر التالت .ماد: السمستر التالت شنو يا ولدي دا لسه بعد شهرين .ضرب جبينو: اخخخخخ نسيت ، وانت حتتقدم لي نسمه متين .ماد: لما انت تتقدم بالأول .هاد: تعال معاي لعمو .ماد: ارح .نزلتو الطابق الثاني لي شقتو.. دقو الباب فتح ليهم عمار..عمار: اتفضلو .هاد: عمو خضر قاعد .عمار: اي خشو..خشو وعمار مشي نادا ابو..خضر: اوو كيفكم اول مره تجوني هنا .ابتسم: بخير الحمد لله وانت كيف؟ .خضر: تعب الشغل بس .اتنحنح: ما كنت جاي اخد من وقتك كتير ، أنا بحب سهي وعايزها على سنه الله ورسوله .سكت مسافه طويله حتى قال: انا ما عندي مانع بس في النهايه القرار قرارها .ابتسم: يعني انت كدا موافق؟ .خضر: اي ، وانا حلقي راجل زيك وين لي بتي .هاد: نحنا نمشي يلا عن ازنكم .خضر: اقعدو شويه .هاد: لا والله يا عمي عندنا قرايه لفوق راسنا .خضر: الله يوفقكم يا أولادي .ماد+هاد: امين .طلعو وماد بقى بضحك بأعلى صوت: ما شفت نفسك كنت متوتر كيف .ضربو في بطنو: عامل فيها ظريف ، تعال نقول لي ريم .الضحكه اختفت من وشو: امشي براك انا ماشي اقرا .هاد: حتكونو كدا لمتين .ماد: مش هي زهجت مننا وما عايزه نتكلم معاها خليها تموت ..ضربو في خدو بخفه: انت جنيت ما تقول كدا في النهايه اختك وهي اكتر وحده قريبه ليك .ماد: ماشي اقرا انا .هاد ضرب يدو بالحيطه وطلع فوق ، ماد مشي غرفتو وقفل الباب .هاد: ممكن ادخل .صلحت قعدتها: اي خش .دخل وقعد جمبها: اتكلمت مع عمو خضر .ابتسمت بفرح: وقال ليك شنو؟ .هاد: موافق ، بس جيتك لي موضوع تاني .ريم: تعال اقعد ، اها .قعد جمبها: عايزك تعتزري من ماد لانو مضايق منك شديد .ريم: أساساً كنت ماشه اعتزر منو بس هو عنيد .هاد: انتي امشي بس .ريم: طيب..طلعت ومشت غرفتو دقت الباب ووقفت .ماد: يا هاد ما عايز اشوفك انا .فتحت الباب وعاينت لي: وما عايز تشوفني أنا .رفع راسو من اللابتوب: خير عايزه شنو انتي كمان .شالت منو اللابتوب وقعدت جمبو: ماد انا اسفه على الكلام القلتو بس كنت ما ضايقه نفسي وزهجانه وكارهه نفسي عشان كدا قلت الكلام دا ، ماد الله يخليك ما تزعل مني انا اسفه و..قاطعها: ريم اطلعي برا . ( انت لي قاسي كدا)رجعت شعرها لورا: ماد ياخ ما تكون كدا انا جيت اعتزرت ليك وانا الفيني مكفيني..قاطعها: زي ما انتي زهجانه وما طايقه الدنيا حتى انا يا ريم ، انتي بقيتي ما بتفكري الا في نفسك وبس ما عارف الحصل ليك شنو ، لا بتسالي مني ولا من نسمه ولا جمان صحبتك اتغيرتي شديد يا ريم ، انتي ما ريم اختي الأنا بعرفها ، واتفضلي اطلعي برا لاني ما حمل كلام كتير .حضنتو شديد: حقكك على يا ماد ، أنا اسفه وصدقني انا ما اتغيرت انا ريم اختك بس..بعدها منو وقام: ما تختي لي نفسك اعزار يا ريم ، اطلعي برا .طلعت وهي مدنقره رأسها.. مشت غرفتها وارتمت في السرير وبقت تبكي.._____________كان بحك في جسمو بطريقه وحشه.. شال مفتاح العربيه بانزعاج ومرق.. كان سايق بسرعه جنونيه لحدي ما وصل لي ست القهوه الوداها ليو الشاب داك.. شرب اكتر من سته كبابي قهوة.. حتى ارتاح بقى ماشي وبعاين للبحر .وقفت جمبو: غاس انت مرتاح .مسك يدها: كيف ارتاح وانتي راحتي يا ريم .ريم: بس انا مرتاحه بعيد عنك.. و مبسوطه كمان .فكي يدها: ما تكذبي يا ريم ظاهر من عيونك انك ما مرتاحه .ضحكت: لو كنت بتعرفني من عيوني كنت عرفت اني بحبك .رجلو ضربت بالحجر وقعد على ركبو ومسك راسو وقال بصوت عالي: اطلعي من رااااااااسي خلاص ما عايز اتذكرك انا اطلعي ياخ اطلعي .بقى يبكي زي الشافع.. مسح دموعو وقام مشي عربتو وهو ماشي زي السكران . حرك العربيه ومشى.. بي مرايه العربيه شافها وهي قاعده ورا وماسكه التلفون .ضرب الدركسون وغمض عيونو: اطلعي من رااااااسي اطلعي ياخ .بقى سايق بسرعه جنونيه.. وصل البيت وطلع مشي غرفتو قفل الباب عليو وبقي قاعد في الأرض وبقي يبكي ويحك في يدو...سحر كانت قاعده في الصاله وبتهز رجلها بتوتر...الباب دق مشت فتحتو .سحر: اهلين يا سمعه اتفضل اتفضل .سمعه: كيفك يا خالتو .سحر: تمام وانت .سمعه: حمد الله بخير ، غاس وين؟سحر: في غرفتو خش ليو .مشي ودق الباب بس ما فتح... بقي بدق كتير حتى فتح.. عاين لي ومشى رقد .بقلق: غاس انت ما كويس قوم ارح الدكتور .غطى وشو بيدينو: انا ما محتاج دكتور انا محتاجها هي انا بتعافي بيها ..سمعه: هي ما شغاله بيك يا غاس ولا جايبه ليك خبر..غاس: ما تقولو لي انساها والخرابيط دي لأنك عارف اني مهمها حاولت ما حاقدر .سمعه: ما قلت ليك انساها ، امشي اتكلم معاها وريها انك بتحبها .غاس: قلت ليها بس هي بتتهرب .ضربو في رجلو: قوم قوم امشي ليها .زح يدو: سمعه خليني ياخ ما عايز امشي .سمعه: عرسي بعد يومين .قام وبقي بعاين لي ضربو في بطنو: وما بتقول لي كويس يا سمعه .سمعه: ما حبيت ازعجك .حضنو: مبروك .سمعه: الله يبارك فيك ، انت حتجي صاح؟ .غاس: انت غبي كيف يعني ما اجي .سمعه: حاقعد معاك لحدي يوم العرس لاني ما قادر اقعد في البيت .لزاو: ما تقعد انا ناقصك كمان .رقد جمبو: كدا اعرف انك موافق ، ما علينا بكره حتمشي معاي السوق..قعد في طرف السرير: لالا اعفيني ياخ .سمعه: هو انا ما باخد اذنك انت حتمشي غصب عنك .ضحك: طيب..شال تلفونو واتصل على ساره.. بقو التلاته بتونسو حتى سمعه نام وخلاهم بتكلمو..طلع البلكونه: يا ساره انتي ما فاهمه هي عنيده كيف رأسها دا يابس .ساره: عارفه يا غاس ، بس انت حاول اتكلم معاها ما تخليها كدا .غاس: ما قعد اشوفها في الجامعه وما قعد تطلع من البيت .ساره: انت اهبل ما تمشي ليها في بيتها .غاس: ما علينا ، امك وافقت كيف؟ ولي ما عملتو خطوبه؟ .ساره: هو الاقنعها وما عارفه قال ليها شنو ، عايزه لما اتخرج هو يكون معاي .غاس: شي جميل ، يلا مع السلامه ماشي انوم .ساره: تصبح على خير وما تنسي تمشي ليها في البيت .غاس: تلاقي الخير ، اي ما ناسي .قفل وبقي واقف وبعاين للشارع الكان فاضي من الناس... عاين للبلكونه لقى نور غرفتها منور.. اتصل ليها ما ردت اتصل اكتر من عشره مرات بس ما ردت...جدع التلفون في الكرسي ومرق..مشي شرب مويه.. وبقي واقف وسرحان..همست: سرحان وين؟قبل وراهو: ريم انتي لي بتعملي فيني كدا .ريم: عشان انتي ترتاح وانا ارتاح من المشاكل دي .قعد في الارض: انتي راحتي يا ريم .ريم: من متين انا راحتك يا غاس ، مش انا الشوهت سمعتك وجبت ليك الكلام؟ .. ختي يدينو في اضنينو: انتي لي ما قادره تنسى يا ريم حتفضلي تعذبيني بالشي دا لمتين .ابتسمت: لحدي ما تحس بالوجع انا حسيت بيو وأنا ما نسيت ولا حقدر انسى ، لازم تحس بربع الوجع الأنا كنت حاسه بيو ، اسمع كلام من امك ومنك ومن كل الناس وبعد دا كلو جاي تقول لي انسى .غمض عيونو وبقي يبكي: اطلعي من راسي ياخ لي ما قادره اطلعك من راسي .فتح عيونو وعاين حولو لقاها ماف عرف نفسو بتهيأ.. مسح وشو بيدينو وقام غسل وشو ومشى غرفه بلقيس..بلقيس: المصحيك لي هسي شنو ؟.حضنها وبقي ببكي: انا تعبت من أي شي في حياتي بقى ما عندي حيل ، اشتقت ليها شديد وما عايز امشي ليها عشان خايفها..قاطعتو: اقعد..ختي راسو في رجولها: غاس انتي ما تخاف من انك تمشي تتكلم معاها ومن حقك انك تشوفها وتتكلم معاها وتعرف هي مشت لي من غير تأخد اي شي ، بس انا حاسه انو في زول مهددها .غاس: حتى انا قلت كدا ، بس دا منو وعايز مني شنو انا الفيني مكفيني .مسحت على شعرو: حنعرف يا غاس بس انت امشي اتكلم معاها . غمض عيونو: طيب ، خليني انوم هنا .ابتسمت: طيب..نام وهي مرقت برا.... اتصلت على ريم بس ما ردت عليها اتنهدت وخشت جوا..صحي الصباح بدري.. مشى غرفتو شال هدومو ودخل الحمام.. طلع وعاين لي سمعه النايم.. صحاهو بس ما صحي.غاس: قوم ،، سمعه قوم ياخ .بنعاس: قايم قايم خمسه دقايق بس . غاس: طيب عرسك بعد يومين انت نايم ولو ما قمت ما حطير معاك الشوق .حك عيونو: قايم قايم ..شال من هدوم غاس ودخل الحمام.. طلع صلى ومشو برا..سحر: تعالو اشربو الشاي .غاس: انا ما عايز اشربو انتو .سحر: يا ولدي انتظم في اكلك ما شايف نفسك بقيت ضعيف كيف؟.غاس: لو هي جات انا بنتظم في اكلي وفي حياتي .سحر: انت لي ما قادر تفهم انو هي عايشه حياتها طبيعي وما شغاله بيك .شال المفتاح: سمعه يلا نحنا اتأخرنا..نزل تحت وسمعه جاء واتحركو على السوق..كان اغلب الوقت بكون سرحان وشارد في افكارو.. من بعيد شاف ريم غمض عيونو وفتحها عرف انو ما بتخيل..غاس: ديك ريم ولا انا بتخيل تاني؟ .عاين ليها: اي ومعاها اخوها . ضرب رجلو بالأرض: أنجز سرعه خلينا نمشي .سمعه: ما عايز تتكلم معاها .غاس: لا .سمعه: لازم تتكلم و.. قطع كلامو عشان غاس كان سرحان فيها وما جايب خبرو..في راجل كان بحاول يهبش ريم بي ورا واكتر من مرا.. غمض عيونو بغضب ومشى عليو وبقي بضرب فيو .ريم بتحاول تحجزهم من بعض بس ما قدرت وماد وهاد كانو مشو قدامها.. الرجال جو حجزوهم..كان غضبان لدرجه حتى ملامح وشو اتغيرت .لزتو لورا: غاس ما ممكن توصل لدرجه انك تكون مراقبني اطلع من حياتي ياخ .مسكها من يدها قوي: انا ما مهتمي بيك ولا مراقبك وانتي الاطلعي من حياتي وما تجي في بالي لاني حاكرهك يا ريم وانا ما عايز كدا ..فكي يدها بقوه ومشى.. بقت ماسكه يدها وبتبكي.. مشت العربيه وقفلت الباب شديد .هاد: اكسري عليك الله .بغضب: هو قايل نفسو منو عشان يعمل كدا بكرهو ياخ .هاد عاين ليها: دا منو؟حست بنفسها: ولا زول .هاد قبل قدامو وبقي سايق... وصلو البيت وهي دخلت غرفتها...ارتمت في السرير وبقت تبكي غضت الملايه وبقت تتنهد.. مسحت دموعها وفتحت تلفونها لقت رساله منو كلمه وحده بس كسرتها وكسرت خاطرها وهدت كل الكانت عايزه تبني.. بقت تعاين للتلفون بصدمه رمتو في الأرض بقوه وبقت تبكي بحرقه وقهر..صوتها كل مسموع لدرجه انو البيت كلو طلع ليها..بخوف: ريم افتحي الباب ريم افتحي قبل اكسرو..بتصرخ: خلوني براي ما عايزه اشوف زول فيكم خلوني براي ..هاد: لا ما حنخليك افتحي الباب قبل اكسرو .ما ردت على.. فتحت الدرج وطلعت منو موس..سكتت مسافه حتى قالت: انا تعبت وما قادره اتحمل كل دا..وفي لحظه وقعت ويدها والسرير كلو دم..
يتبع......
