بعد شهرينكانت قاعده في البلكونه وماسكه كبايه القهوة في يدها ، ماد جا خاشي وفي يدو صحن تفاح .قعد قصادها: بقيتي كيف؟! .تخت الكبايه: احسن + دايرا انزل الجامعه ياخ زهجت من قعده البيت .ماد: هسي دا وقت تنزلي في يا ريم ، لمن نعرف العمل كدا منو حتى تنزلي والحقيقة تظهر .ريم: طيب .ماد: غاس ما اتكلم معاك .ريم: لا ابدا هو اتكلم معاك؟؟ .اتنحنح: قال ما حيطلق .بدون اي تعابير: لشنو أن شاء الله؟ .ماد: ما عارف والله .ريم: اففففففففففففف .ماد: انا ماشي يلا . ريم: طيب .جاها اتصال من رقم غريب وهي ما ردت اتصل كتير حتى ردت ، اتكلم معاها كتير وهي بقت ساكته وما ردت .لبست عبايتها ونزلت بسرعه ، لقتهم كلهم قاعدين وبتغدو . مارتن: تعالى اكلي يا ريم .ريم: لا ما عايزه ، هاد اديني مفتاح العربيه .هاد: ماشه وين .ريم: بس اديني سرعه .أداها المفتاح وهي بقت سايقه بسرعه وتوتر .وصلت المكان القالو ليها الراجل ، وقفت قدام المحل والراجل طلع ليها ، كان طويل وضخم .بصوت خشن: انتي ريم خالد .ريم: اي ._ خشي جوا نتفاهم .بتوتر: لا خلينا هنا احسن ، اها كنت عايز تقول شنو .قعد في المصطبه: شوفي يا ريم انا ولد ناس واي شي لكن ظروفي سمحت لي اني اعمل كدا وانا من الحصل ضميري مانبني شديد ، وكل الحصل اني كنت محتاج للقروش دي شديد .اندمجت معاو بكل حواسها: كمل ._ في بت جات ادتني قروش وادتني صورتك برضو وقالت لي افبرك الفيديو دا .اتصدمت شديد بقت ساكته وبتعاين لي هو قال: وانا ممكن أصلح اي شي وانزل صورتها وصورتك و اقول كل الحصل فبركة بس .بقت ساكته وما ردت عليو ، ما بكت ولا صرخت دخلت المحل وقعدت في الكرسي: البت منو ؟_ ما عارف اسمها .حكت حاجبها: وريني صورتها لو عندك .اتصدمت اكتر لمن لقتها دي لميس و رأسها بدأ يجب أفكار م كويسه استغفرت وقالت لي يعمل شنو .بعد ساعه صورتها وصوره لميس نزلت والكلام المكتوب انو ريم ما عملت اي شي والموضوع كلو فبركه ولميس هي الفبركت اي شي .طلعت وهي فرحانه وزعلانه في نفس الوقت ، ساقت بسرعه كبيره ، وهي سرحانه مشت البحر وبقت ساكته وبتعاين بس . _____________كانت قاعده وبتعاين لي الدكتورة وفي رأسها ميه سؤال بس ما قادره تتكلم .بعد فتره قصيره: كيف يعني حامل دكتور . د: دا الواضح عندي في التحاليل ، وانتي مهمله في صحتك ودا ما كويس للطفل خصوصاً انو لسه في الشهر الأول .نسمه: بقدر اخرج .د: اي .مرقت وهي في رأسها الف سؤال كيف حامل وحصل الشي دا متين وهي كانت واعيه ولالا ، وقفت تاكسي ومشت لي ريم .وصلت وسلمت على ناس البيت وطلعت غرفه ريم لقتها ماف ، فتحت تلفونها واول شي شافتو صوره ريم ولميس والمكتوب .فرحت شديد ونزلت ورت البيت كلو .ضرب يدو بالطربيزه: كنت عارف انو حتكون هي .ماد: والله ما اخليها .نسمه: ماد م تتهور .هاد: ريم لسه ما جات .ماد: م جات .بعد فتره قصيره هي جات ، وماف اي تعابير في وشها لا حزن ولا فرح واي شي ، قعدت وكلهم بقو بعاينو ليها بنظرات تسألو .هاد: انتي كويسه ؟.ريم: تتوقع شنو يا هاد .هاد: انا سألتك ما تجاوبي لي بسؤال .ابتسمت: انا كويسه بس عايزه أسألكم سؤال .ماد: اهاا .شالت نفس: انا سويت شنو في حياتي عشان يحصل لي كل دا ، لي كل المصايب بتجي ورا بعض ، لي انا بس يعني هسي انا حأطر اعيد السنه لي بس يا هاد بحصل معاي كدا .ختي يدينو في فخدو: شوفي يا ريم دي كلها ابتلاءات من ربنا ، وانتي اكتر وحده قعد تكوني صابره فينا طيب هسي مالك .ريم: فاض بي يا هاد م بقدر خلاص تعبت انا .هاد: ريم الشي البتقولي فيو دا ما صاح لانو الدنيا دي أصلها كدا بس بعدين حتقلي شي احسن بكتير من دا .ريم: انا جعانه ماشه اشوف شي اكلو .مشت المطبخ وبقت تعمل في مكرونه وجواها ماف اي أفكار ولا احساس بس قلب بنبض وخلاص .كلهم كانو خافين عليها وعلى نفسيتها ، وهم قاعدين واي زول مشغول بحاجه غاس جاء خاشي هاد بقى بعاين لي هو ماسك اعصابو .غاس: عايز اشوف ريم .ماد: داير منها شنو وهي ما عايزه تشوفك .رجع شعرو لورا: عايز اشوفها يا ماد .وقف قدامو: وهي ما عايزه تشوفك .جات وبقت واقفه بعيد منهم: خلي يا ماد نشوفو عايز شنو + اها قول .مشي عليها ومسكها من يدها وقبل يتكلم نفضت يدها بقوه ومشت قدامو على صاله الرجال .ببرود: اها .بتاسف: ريم انا جاي اعتزر منك على أي شي بدر مني وانا اسف وعمري م..قاطعتو وقالت بحده: اسمع كلامي دا كويس يا غاس انا من اتزوجتك ما شفت يوم حلو في حياتي ، وكل مره تحصل مشكله بتشك فيني وبتقول انا السبب ، وكل مره لمن تعرف اني ما غلطانه بتجي تعتزر وانا بسامحك ، لمتين حاقعد اسامحك واخت ليك اعزار ، غاس انت حتى ما بتفكر تسمعني ولا بتخليني ادافع عن نفسي ، دايماً مفكر نفسك انت الصح وانا الغلط ، وانا سامحتك كتير يا غاس بس خلاص طلعت من نفسي وكرهتك ولا بقى عندي شي ليك ، كل مره بقول ما مشكله حيتغير بس لمتين يا غاس ، أنا تعبت منك يا غاس ومن تصرفاتك دي ، أنا قبلت بكل عيوبك وحاولت اكتر مره اني اصلحها بس انت دايما بتعاند وانت م قبلتني بعيوبي عشان كدا ما ينفع نستمر مع بعض ولازم ننفصل .غاس: بقيتي قاسيه شديد يا ريم .ضحكت: السبب انت وياريت تتفضل تمشي لاني ما فيني حيل اتكلم وقول لي مرتك ريم مسامحاك على أي شي سويتي فيها وانو هي ما بالوساخه حقتك دي .قعدت ووطلع وملامح وشو كلها غضب وزعل .لأول مره ما تبكي ولا تتضايق ولا تتوتر حست نفسها بقت شي ما عندو احساس بس بتنفس ، وهي شايفه الشي دا كويس بالنسبه ليها .غيرت هدومها ورقدت ._____________بعصبيه: لميس لي سويتي كدا هااا ، عملت ليك شنو هي اذتك في شي قالت ليك كلمه توجعك ولا هي شغاله بيك اصلا عشان تعملي فيها كدا ، لميس انتي ط..قاطعتو: غاس انا حامل .عاين ليها بعدم تصديق ، دخل غرفتو وبقي حايم بتوتر ، شال مفتاح العربيه ومرق ._____________دقت الباب ودخلت .نسمه: ممكن اقعد .صلحت قعدتها: اي ولي بتستاذني تعالى .شالت نفس: ريم انا حامل .ريم: شنو؟ كيف يعني؟نسمه: اليوم الصبح حسيت بدوخه وبطني طامه وقرفانه من أي شي ، فمشيت الطبيب وقال إني حامل .ربعت رجولها: اتكلمي مع مروان .نسمه: انا مو مصدقه أساساً كيف اتكلم معاو .ريم: بس يا نسمه ولي يكذب عليك .نسمه: أمكن في غلط في التحاليل .قامت: قومي نمشي لدكتور تاني .لبست عبايتها ونزلو تحت .ريم: ماد قوم ودينا الدكتور ..باستغراب: لي في شنو عيانه انتي .ريم: بفهمك في العربيه بس ارح .حكت ليو ، هو بقى مضايق ، وصلو الدكتور وعملو ليها فحص الحمل .بتوتر: اها يا دكتور .قلع النضاره: انتي حامل ، و انتي لازم تهتمي بصحتك يا مدام لانو دا م كويس للطفل وهو لسه في طور نمو ، عاين لماد وقال: خلي بالك من مرتك وصحتها .ابتسم بضيق: طيب أن شاء الله ، نمشي؟نسمه: ارح .ركبو العربيه وماف زول فتح خشمو ، لحدي ما وصلو البيت نزلو وهو مشي غرفتو طوالي .ريم دخلت لقتو بعاين في السقف ، رفع راسو: ما هي ما بتحبو و مجبوره وهندي ليها حامل .ريم: اخخخ يا غاس .ابتسم: انا ماد .ما ردت عليو طلعت ومشت غرفتها ، بقت تفكر في غاس ولميس وراسها جاب ميه فكره ما كويسه ، استغفرت وبقت تفتش في الشيات حقتها ، فتشت الغرفه كلها ما لقتها .نزلت تحت ومشت غرفه مارتن: مارتن ما شفتي الشيات حقتي لاني بكره حنزل جامعه .مارتن: لا ابدا ، فتشتي غرفتك كويس؟!.ريم: اي لكن ما لقيتها .مارتن: أمكن ما جبتيها من بيت راجلك .سكتت مسافه حتى قالت: انا فعلا ما جبتها حامشي اجيبها واجي + اعملي الاكل بسرعه لاني جعانه .مارتن: طيب ..مشت وهي متوتره ، دقت الباب فتحت ليها لميس ، عاينت ليها من فوق لتحت ولزتها ومشت طوالي على الغرفه لقت في وشها غاس وما لابس غير شورت .عاينت لي بقرف: عايزه شيتاتي أن شاء الله ما تكونو رميتوهم .قفل الباب: قاعده ، ريم انا اسف بلجد و..قاطعتو: ماف داعي تتاسف يا غاس وانا قلت ورقتي تصلني ولي ما وصلت .مسكها من كتفيها بقوه: انا ما حاطلقك يا ريم ، وانا قلت ليك كدا من زمان وحتى لو حصل اي شي انا ما حاطلقك .بوجع: غاس فكني ياخ .فكاها بس بقى قريب منها .ببرود: لي ما عايز تطلقني ها مش انا شوهت سمعتك ، بالنسبه ليك شنو عشان ما تطلقني بتحبني عشان ما تطلقني ، غاس انت حياتك ما حسستني اني مرتك وما حسستني اني مهمه بالنسبه ليك ، طيب اديني سبب واضح يخليك ما تطلقني .سكت وزح منها مشي جاب الشيتات وختاها في يدها: ديل كلهم .شال التيشيرت ودخل الحمام ، مرقت برا وهي عايزه تعرف هو لي ما ردا على اسالتها ، اتخلعت لما لقت لميس في وشها .ريم: بسم الله .لميس: مالك شفتي شيطان ؟.ريم: اي .ختت يدها في وسطها: يربي حترجعو متين ، يوم اسبوع شهر سنه يربي متين ، ولا ما حترجعو ابدا . ابتسمت: والله اعتقد دا ما من اختصاصك امشي شوفي ليك فكره تانيه عشان تشوهي سمعتي بيها ، واحب اقول ليك إذا أنا خليتك ماد وهاد ما حيخلوك في حالك واخادي حزرك حبيتي انا .جضمتها ومشت .دخلت وكالعادة ماف اي تعابير في وشها زي ما هي .مارتن: تعالى اكلي .ريم: عملتي كستر ؟مارتن: اي .ريم: خلي عفيفه تجيبو لي فوق .مارتن: ما عايزه شي تاني .ريم: لالا .عفيفه طلعت ليها الكستر وهي أكلت ورقدت نامت ، جاها في الحلم نفس الراجل الابس ابيض وقال ليها: ريم ارجعي بيت راجلك وما تخليها تاخدو منك انا عارف انك بتحبي ، ما تضيعي من يدك هو حيحبك صدقيني وما حكسرك تاني ، ما تخلي ضرتك تاخدو منك وهو ما ليها هو ليك يا ريم قومي .صحت مخلوعه ووشها لميان عرق ، اتنهدت حتى دخلت استحمت وغيرت هدومها ، جابت شنطتها ولمت هدومها وشالت الشتات في يدها ونزلت تحت كانت بس ماشه ورا قلبها .ماد جا وقف جمبها: ريم ماشه وين؟ريم: لبيت راجلي .عقد حواجبو: جنيتي انتي + بعد كل الحصل دا .هاد عاين ليها بعدم رضى: خليها تمشي يا ماد الظاهر انو اشتاقت للمعامله الكعبه .ابتسمت لي ومشت ماد قعد وختي راسو بين يدينو .مشت بيتها ودقت الباب فتح ليها غاس وعاين ليها وعاين الشنطه .ريم: حكون واقفه كدا كتير .حسي بنفسو: خشي خشي بس مستغرب .ابتسمت: شوف يا غاس انا ما جيت هنا حباً فيك ، جيت هنا عشان دا بيتي زي ما بيتك وزي ما بيت لميس ، وشوف اي شي حصل من نحنا اتزوجنا انساه زي ما انا نسيت ومن الليله انا حاتعامل معاك كانو ما حصل شي وكانو ما كان في مشاكل بينا .مسك يدها: طيب .زحت يدها بضيق ومشت ، فتحت الدولاب لقت هدوم لميس فيو طلعت ورمتها في الأرض وختت هدومها .لميس جات داخله وبقت تكورك: انتي جنيتي كيف ترمي هدومي كدا والله ما اخليك .ريم: الغرفه دي حقتي فياريت تلمي حاجاتك كلها من هنا .بصوت عالي: غاس تعال شوف مرتك دي .ختت يدها في كتف لميس: شوفي يا حبيبتي انا اولى بالغرفه دا منك ، ولو انتي مفكره نفسك بتقدري تاخدي شي حقي فبتكوني غلطانه ويلا شيلي كرورك دا من هنا .كانت عايزه تمسها من شعرها بس غاس جا حجزهم: لميس انتي جنيتي .لميس: انت ما شايفها رمت لي هدومي كيف .ريم: لانو الغرفه دي حقتي .لميس: انتي تمشي وتجي على كيفك ، شوفي اطلعي من الغرفه دي بسرعه .ريم: انا اتزوجت غاس قبلك وجيت الغرفه دي قبلك ومكاني في البيت دا قبلك كمان ، فعشان كدا انتي التمرقي .لميس: والله ما اتحرك من هنا أن شاء الله ننوم التلاته في الغرفه دي .ضحكت: وانتي قايله انا حاخليك . غاس كان ساكت وبعاين ليهم ما حبي يدخل عشان يخليهم يفضو الجواهم .لميس: انتي متخلفه ولا شنو انا حامل بي ولدو يعني انا الأولى في الغرفه والبيت .سكتت مسافه حتى عاينت لي غاس ورجعت عاينت ليها .بغيظ: ويعني شنو لو حامل بي ولدو .قربت منها: يعني انا اهم منك في أي شي ، في البيت و الغرفه وحتى قلبو . رجعت شعرها لورا: انا ما حاخليك تقعدي في الغرفه دي .ريم مسكتها ليك من شعرها وبقو يضاربو ، غاس حجزهم من بعض وقال لي لميس بهدوء: لميس ما تعاندي خلاص لمى هدومك وامشي الغرفه التانيه .لميس: بس يا غا..قاطعها: لميس اسمعي الكلام .لمت هدومها وريم ابتسمت ليها ابتسامه نصر .ريم: صحي هي حامل؟هز راسو بمعنى اي وطلع ، قفلت باب الغرفه واتكلت عليو وبقت تبكي بحرقه .بقت على الحال دا اكتر من ساعه ، قامت وغسلت وشها وطلعت برا .سحر: جيتي متين .ريم: قبيل .ختت يدها في كتف ريم: اقعد عايزه اتكلم معاك .قعدت: اها .سحر: شوفي يا ريم ، انتي ما تكوني انانيه ، إذا انتي ما بتحبي غاس ولا بينكم في شي اطلقو بس ، وما تخربي علاقتو مع لميس البدتت تتصلح وتبقى كويسه ، وبعدين هي حامل بس ولدو ، ريم اطلقي منو .وقفت على حيلها وقالت والعبره خانقاها: شوفي يا سحر انا ما انانيه انتو الانانين ، وانا م لي دعوه بي انها حامل ولالا وانا عندي حق في غاس زي ما هي عندها ولو على الولد دا امكن تكون كذابه شوفي يا نسيبتي انا وغاس ما حنطلق ولو انتي ولميس ما عاجبكم الموضوع روحو في أي داهيه وانا من الليله تعاملي معاك حيتغير لاني صبرت عليك كتير تمام يا حبيبتي .سحر بقت مصدومة فيها ، غاس كان سامع اي شي بس ما اتكلم ولا كلمه ، ريم دخلت الغرفه وقفلت الباب عليها .سحر وقفت جمب غاس: شفت تعاملها معاي كيف ، شفت كيف بتكلم امك وانت واقف وما عملت شي .ضمى يدينو مع بعض: انا فترت من المشاكل دي ، اتفاهمو انتو مع بعض ويلا انا طالع ..طلع وسحر مشت غرفه لميس لقتها بتبكي وماسكه بطنها .بخوف: قومي قومي ارح الدكتور .بتعب: ما قادره اقوم .اتصلت على غاس جا بسرعه وشالها ومشى المستشفى .سحر: اها يا دكتوره .د: الشهر التاني من الحمل طبيعي يحصل كدا ، خلو بالكم من صحتها ولازم تتجنب الانفعال والضغط النفسي .غاس: طيب .طلعو وهي كانت تعبانه شديد لمن لونها شاحب ، وصلو البيت ما قدرت تمشي غاس شلها وجو داخلين ريم بقت تعاين ليهم بغيظ حتى قالت انا مالي ومالهم .غاس: ريم جيبي مويه .ريم: وامك واقفه تسوي شنو ؟غاس: شنو .ابتسمت: زي ما سمعت .عاين لامو وهي مشت جابت مويه ، أداها لي لميس شربت حتى دخلت جوا .بلقيس جات من برا وبقت تصرخ لمن شافت ريم .بفرح: واااااااي ماااااااا مصدقههه ابدااااا .ريم: صدقي صدقي ، تعالى عايزه اتكلم معاك .مشو البلكونه وريم قعدت قصادها: يا ربي بحبها .بلقيس: استحاله طبعا هو صابر عليها عشان الولد .ختت يدها في جبينها: يعني هي حامل بالجد انا كنت قايلاها بتهظر .بلقيس: لا بالجد هي حامل ، ما علينا منها حتنزلي جامعه متين . ريم: بكره ان شاء الله + انا ماشه اعمل لي شي اكلو تجي معاي .بقليس: ارح .مشو المطبخ، بقت تعمل في بيتزا ومكرونه ، انتهو وقعدو ياكلو لميس جات طالعه وبتعاين ليهم .ريم: لميس تعالى اكلي .عاينت ليها باستغراب: نعم ..ريم: ما خاته فيو سم تعالى اكلي .قعدت وبقت تاكل معاهم وهي مستغربه من معامله ريم دي (حتى انا مستغربه)..ريم لمت الصحانه، بقت تغسل فيهم غاس جا ووقف جمبها .غاس: حتنزلي بكره جامعه .ريم: اي ان شاء الله .غاس: خلاص طيب .كان ماشي وقفتو ، حاوطت رقبتو بي يدينها وشبت عشان هي قصيره .أنفاسهم اختلطت مع بعض ، كان نفسو متقطع عاينت لي في عيونو ، فضلو على الحاله دي اكتر من عشره دقايق .بهمس: ريم .انتبهت لنفسها رجعت ورا لمن الصحانه وقعت ، بلعت ريقها حتى مشت غرفتها وقفلت الباب . وقفت قدام المرايه وبقت ترقص بفرح وهي ما عارفه نفسها فرحانه لي .هو كان قاعد وسرحان وبتبسم براو جات طالعه وقفت قريب منو: انا اسفه .رفع راسو: على شنو؟ريم: على الحصل دا .سرح فيها مسافه حتى قال: ريم انا راجلك .نزلت لمستواهو: كنت عايزه اقو..قاطعها صوت سحر: سجمي يخوانا .(فداعي هسي يا سحر تخربي اللحظه الرائعة دي) غاس: امي في شنو .سحر: الكسر الصحانه دي منو .ريم: انا .بقت تكورك: تعالى بسرعه لميهم تعالى يا فقر .ريم: انا تعبانه ماشه انوم .قفلت الباب وبقت تتبسم رقدت في السرير ، وفي لحظه هي نامت .نفس الراجل الابس ابيض جاها بس كلامو كان مطمن حبه: ريم هم ما حيكونو لبعض انتي حتكوني ليو براو ، هو عندو مشاعر ليك بس ملخبطه وحتى انتي عندك بس انتو ملخبطين وما عارفين ترتبو مشاعركم .المره دي ما صحت فضلت نايمه بس....
يتبع......
