قاعد وماسك الكبايه في يدو وضاغط عليها شديد لما اتكسرت في يدو .اتخلعت ومشت جابت بن توقف الدم: غاس انت ما حاسي بنفسك .بعصبيه: لميس شفتي الفيديو دا .هزت رأسها بمعني لا ، وراها الفيديو وكانت ريم ومعاها ولد ولابسه لبس كعب والفيد محتواهو زاتو كعب 🔞 .بخلعه: لالا ما شفتو ودا حصل متين .رمي التلفون بعصبيه: وانا العرفني شنو حصل متين ، هي وين هسي .شالت نفس: شوف يا غاس انت اهدا حبه لأنو م حتقدر تتصرف وانت معصب كدا .قعدت: انا هادى هسي ، هي وين ؟لميس: في الجامعه .لز الطربيزه برجلو: وليها عين تمرق كمان .بقى لافي بتوتر .ريم كانت في المحاضره ولمن طلعت الناس كلها بقت تتهامس وتعاين ليها لما هي شكت في نفسها ، طلعت بسرعه ووقفت ركشه ومشت البيت .غاس كان هادى وما اتكلم معاها في الموضوع + قال احسن يكون عادي وكانو ماف شي حاصل . ريم: كيفك ؟ببرود: تمام .لميس جات وهي بتلوك في اللبانه قعدت جمب غاس وختت يدها في كتفو .توجهه كلامها لي ريم: يومك كان كيف .باستغراب: تمام ، انتو كويسين .لميس: اي .ابتسمت ومشت غرفتها استحمت ورقدت نامت .._____________بصدمه: دي مش ريم ؟عاين للتلفون بصدمه: اي بس هي لي تعمل كدا .قعد وختي يدو جبينو: استحاله تعمل كدا ، دي اختي وانا بعرفها مستحيل تعمل شي زي دا . بقى حايم في الغرفه بتوتر: حاسي انو مفبرك ، لانو ريم مستحيل تعمل شي بالشكل دا .رمي التلفون بعصبيه: حسبي الله في العمل كدا ويربي هي عرفت ، هاد هي م لازم تعرف .هاد: كيف يعني م تعرف انت جنيت من حقها تعرف الشي دا . ماد: يا هاد الفيها مكفيها .هاد: لو ما عرفت مننا حتعرف من الناس .ضرب يدو بالحيطه: الله يلمني في العمل كدا والله الأرض دي ما بتشيلنا .هاد: اهدا وخلينا نشوف حل للمشكلة دي .ماد: غاس عارف .هاد: اكيد عرف يا ماد .رجع شعرو ل ورا وقعد بتوتر ، جاب اللابتوب وبقي يشتغل فيو ._____________صحت الصباح وهي تعبانه ، دخلت استحمت وغيرت هدومها ..طلعت برا وكلهم بقو بعاينو ليها بدون اي تعابير .تخت الكبايه: طايره الجامعه الليله .ريم: لا تعبانه شويه . لميس وغاس اتبادلو نظرات ، م قدر يمسك نفسو مسكها من يدها بقوه ودخلها الغرفه .اول شي عملو أداها كف لما هي وقعت في الأرض ، بقت تبكي: عملت شنو انا .بعصبيه: يعني ما عارفه عملتي شنو ، ريم انتي وحده تافهه شديد ، سقطي من نظري ، ما فيك ذره أخلاقك ، هسي اخوانك يقولو عليك شنو ، ولا الناس زاتها تقول شنو ، خليك من اخوانك ومن الناس انا يا ريم انا الكنت شايفك الملاك المابغلط طلعتي وسخه ومنحطه شديد ، زيك زي لميس واحد ، انتي ما بس خنتيني انتي كسرتي الف خاطر كنت خاتيهو ليك ، انتي شوهتي سمعتك وسمعتي وسمعه اهلك .. مسكها من شعرها: ريم اوعك توريني وشك تاني لاني لو شفتك حاقتلك .فكا رأسها لمن ضرب بالأرض ، بقت تبكي وهي ما عارفه في شنو ، و هو لي قال ليها كل الكلام دا .لمت هدومها والعبره خانقاها ، مرقت بسرعه ومشت بيت حبوبتها ومن غير ما تتكلم مع زول رمت الشنطه جمب الباب وجرت غرفتها .حاضنه صوره امها وابوها وبتبكي بحرقه .ماد: ريم افتحي الباب ، ريم افتحي الباب قبل اكسرو .فتحت الباب وحضنتو طوالي وبقت تبكي بكل ما فيها من طاقه . هدت حبه حتى حكت لي اي شي قالو ليها غاس . بصوت مبحوح: م عارفه انا سويت شنو ، هو لي قال كدا صدقني أنا م عملت شي .حضنها: طيب طيب اهدي انتي عارفاهو منفسن متشتغلي بيو .بتبكي: لا عايزه اعرف انا سويت شنو عشان يقول لي كدا ، انا متأكده اني ما عملت شي غلط ، انت.. انت ما شفت نظراتو لي كانو عايز يقتلني وغضب.. وغضب الدنيا دي كلها في عيونو ، عايزه اعرف هو..قاطعها ومسح دموعها: ريم ، هو عايز سبب عشان يفش غضبو انتي ما ليك دخل ، وانا واثق انك ما عملتي .زحت منو واشرت لي على باب: خلاص اطلع عايزه اقعد برأي .قفلت الباب وقعدت تبكي لمن رأسها لفي .بعد اكتر من تلاته ساعات ، تلفونها كان بدق كتير وفي رسايل بتجي . فتحت التلفون وفي رقم غريب مرسل ليها الفيديو حقها ، وقفت مصدومه وشايفه اي شي عشره عشره ، قعدت في الأرض وما بكت ولا صرخت بقت بس بتعاين للفيديو القدامها . وقفت بعد جهد ، رمت التلفون في الحيطه وبقت تكسر اي قدامها وتقول هي وبتبكي: دي ما انا استحاله اعمل شي دا ، دي ما انا والله ما انا ، يااااااااااااااااااااااااااااااااااااااااااااخ انا ما سويت شي من دا لي يربي بحصل لي كدا ..قعدت في الأرض وبقت تكفت في نفسها .ماد تحت كان قاعد على اعصابو .قام: لازم اطلع ليها .هاد: خليها براها .ماد: م بقدر اخليها براها أمكن تعمل في نفسها شي ..طلع وكسر الباب ، لقى اي شي في الغرفه مكسر وهي قاعده في الأرض وبتكفت في نفسها .مسك يدينها: ريم لا ما تعملي كدا . بصوت عالي: اعمل شنو يا ماد هاا قول اعمل شنو ، المصايب كلها بتجي ورا بعض ، يعني ماف غيري في الدنيا دي عشان الله يبتليني بكل دا ...قبل تكمل كلامها أداها كف ومسها في كتفينها بقوه: دا بسمو كفر يا ريم ، عايني لي هنا انتي كبيره وواعيه مفروض الكلام دا ما يطلع منك ، وانتي مش عارفه نفسك ما سويتي شي بتبكي لي بتحرقي في روحك لي .لزتو بقوه: اطلع برا يا ماد .ماد: ري..بصوت عالي ومبحبوح: اطلع براااا قلت ليك ما عايزه زول فيكم يجي هنا اطلع برا ..قعدت في الركن وضمت ركبها لصدرها وبقت تبكي .بعد اسبوعينكانت قاعده في الركن وبتعاين في الأرض ، حبوبتها جات قعدت جمبها .مارتن: ريم انتي بتعملي في نفسك كدا ، من اسبوعين وانتي م منتظمه في الأكل والشراب يا ريم خايفه عليك تمرضي يا بتي . قامت بتعب وقعدت في السرير: ما نفسي يا مارتن ، أنا مستحيل اعمل كدا والله مستحيل اعمل حاجه زي دي .مارتن: والله كلنا عارفين انك مستحيل تعملي شي بالشكل دا بس يا ريم انتي ليك اسبوعين حابسه نفسك وما بتطلعي ، انتي مش عارفه نفسك ما سويتي شي طيب لي بتعذبي في نفسك كدا . ابتسمت بضيق: ما واجع قلبي غير غاس المصدق التفاهه دي ، ومن الحصل هو لا جا شافني ولا جا سأل مني .مسكت يدها: انتي ما ليك دخل بيو مش انتي واثقه ومتاكده من نفسك ما سويتي شي معناها خلاص ماف داعي تخافي ولا تتهز منك شعره اقيفي قدامو ودافعي عن نفسك لانك ما عملتي شي غلط طيب لي خايفه يا روحي .ريم: هههه نفسي لو ابوي كان عايش ، كان كسر رأس اي زول ليو علاقه بالموضوع دا .مارتن: المشي جسدو بس ، روحو معاك يا ريم فتشيها جواك وحتلقيها ، امشي اجيب ليك اكل .بفتور: لالا انا ما عايزه ش..قاطعتها: حتاكلي ، ما شايفه نفسك بقيتي ضعيفه كيف .ريم: طيب .قعدت في نص السرير وبقت تبكي ، مارتن جابت ليها الاكل وبقت تأكل فيها .الاكل ف خشمها: ما شافعه انا .مارتن: ما تتكلمي وانتي بتاكلي . ريم: طيب طيب .ماد جا داخل: الحلو بقى كيف ؟.ريم: احسن الحمد لله .مارتن: ما احسن ولا اي شي لازم تمشي الدكتور عان ليها ضعيفه وعيونها واقعه كيف .ختي يدو في جبينها: غريبه حرارتها م مرتفعه ..ريم: مارتن دي بتكبر المواضيع ساي والله يا جماعه انا كويسه .مارتن: خلاص خلصي اكل وانزلي تحت .ريم: طيب..طلعو وهي دخلت الحمام استحمت واتوضت وصلت ..غيرت هدومها ونزلت تحت .ريم: انا ماشه لغاس .هاد: لي .ماد: من عقلك؟ابتسمت: عايزه اقول ليك كلمتين وجايه .ماد: امشي معاك .ريم: شافعه انا يا ماد يلا ..طلعت ودقت الباب فتحت ليها لميس وهي بتلوك في لبانه .ريم: غاس في .لميس: عايزه منو شنو .ريم: قاعد وين .لوت خمشها: في البلكونة .ومشت وهي متردده ، وقفت مسافه قبل تخش .وقفت قدامو وقالت بثقه: شوف يا غاس انا ما لي علاقه بالفيديو دا وإذا عايز تصدق ولالا فانت حر ، وانا عارفه نفسي بريئه والله عارف اني بريئه فأنا ما حاشتغل بكلامك ولا حتقدر تهز شعره مني ، وجيت اقول ليك يوم حتجي تعتذر وتبكي عشان ارجع ليك بس الوقت دا م حكون في مكان ليك .مسكها من كتفينها: عندك دليل انو دي ما انتي .فكت يدينو بقوه ما بتناسبها: م تحاول تلمسني تاني وورقتي تصلي في بيت اهلي ، حتظهر الحقيقه قريب يا غاس بس اتذكر كلامي كويس .مشت وهي حاسه نفسها وحده تانيه ما ضعفت قدامو ولا بكت .مشت البيت وقعدت جمب ماد .ماد: نمشي مباحث الإنترنت ؟هاد: دا احسن حل يا ريم لأنو لو ما مشينا حياتك كلها حتكوني محبوسه في البيت .ريم؛ : هسي انا قلت ما نمشي؟ دقيقه البس عبايتي واجي .مشو وفعلاً الفيديو طلع مفبرك بس ما عرفو منو العمل كدا ._ شوفو الفيديو دا مفبرك .هاد: والعمل كدا دا منو ؟_ ما ظاهر لي اي شي هنا ، شوفو اعداها منو بس .بصوت واطي: حسسني نحنا في مسلسل .قرصتو: اسكت .ماد: بس كيف يعني ما عارفين ._ حنعرف قريب ان شاء الله بي انتو زاتكم شدو حليكم معانا .هاد: طيب .ريم: يعني لو عرفتو منو الفبرك الفيديو دا ححصل شنو بعدين . _ الحاجه دي خليها على انا ، بس لازم نعرف منو العمل كدا .ريم: شكرا . _ الواجب .مشو البيت وهي طلعت غرفتها واتصلت على بلقيس .ريم: طلع مفبرك .صرخت: كنت حاسه ، مستحيل انتي تعملي كدا يا ريم .ريم: م تقولي لي غاس .بلقيس: لشنو .سكتت مسافه حتى قالت: ما حيفرق معاو في شي ، بس انتي ما توري .بلقيس: طيب + اجيك ؟ريم: تعالى يروحي تعالى .لبست سرعه ومشت ليها .بلقيس: من يوم انتي مشيتي بقى كئيب وما قعد يتكلم كتير حتى الجامعه وما قعد يمشي .ابتسمت: بلقيس انتي لي بتجيبي لي سيرتو نحنا خلاص انتهينا .بلقيس: بتحبي .قامت وقعدت في الكنبه: بلقيس انتي بتقولي في شنو هسي دا وقتك .بلقيس: طبعا ما شفتو ضرتك ديك كل يوم تلبس ليك المحزق والملزق وتتدلع ليك فيو وتعمل حركات ، ياخي بكرهها كره وشها عامل زي الدردمه .ضحكت: والله انتي منتهى القله أدب . بلقيس: ارجعي .ريم: مستحيل ، بلقيس انا ما عايزه ارجع وانتهينا ، وبس كدي توري غاس .بلقيس: من حقو يعرف يا ريم .ضربت رجلها بالأرض: ما من حقو يعرف ولا اي شي لانو لو كان بهمو كان جا سأل بس لا اسبوعين مرو وهو لا اتصل ولا جا ، بالله يا بلقيس ما تقولي لي بحبك وبتاع كلام الأفلام دا ما ينفع معاي .بلقيس: طيب يا ريم .قعدت اتونست معاها لحدي المغرب حتى مشت بيتها .رتبت الغرفه حتى فتحت الشيت وبقت تقرأ ، اتصلت عليها نسمه .نسمه: أنفصلنا .قفلت الشيت: لشنو لشنو ؟نسمه: قال مزاج منو ، أنا حاسه نفسي لعبه في يدو ، يتحكم فيني مثل ما بدو .ريم: انتي في السودان ؟نسمه: جيت امبارح .لبست شبشبها: انا جاياك .نسمه: طيب راجيه ..جرت لغرفه ماد وقالت: أنفصلو .ماد: منو هم .ريم: مروان ونسمه وعايزاك توديني ليها .بفرح: طيب ، البس واجي ..وصلو وهي سلمت عليها بالاحضان ، كانو بتونسو ونسه عاديه لحدي ما سمعو صوت ناس بكوركو بصوت عالي . جرت على الغرفه كان الجاي منها الصوت ، لقو ماد ونور بلعبو في بلايستيشن . ضحكت: كنت متوقعه يكونون هم .نسمه: دا كلو عشان بلايستيشن .نور: م رح تفهمي انتي اتهلي بحاجات البنات بس .ابتسمت: يلا ريم خلينا منهم .قعدو يتونسو وماد مشي وريم مبيته معاها .
يتبع.....
