هاد كان بحاول يتكلم معاها بس هي ما كانت بترد...عمو خضر جا وكسر الباب... كلهم اتصدمو من المنظر هاد شالها ونزل تحت وادي مفتاح العربيه لعمو.. بقي سايق بسرعة جنونية..دخلوها غرفه العمليات.. قعدو والتوتر مأكاهم..الدكتور طلع وظاهر على التوتر: محتاجين دم ضروري و ذمره دمها ماف في بنك الدم حقنا وباسرع وقت .هاد: عمو اتصل باصحابك بأي زول ما لازم يحصل ليها شي..بقو بتصلو بس ماف زول مطابق لي زمره دمها .هاد اتصل بغاس وما كان برد.. اتصل كتير حتى ردا كلمو بالحصل هو جاء بسرعه..غاس: زمره دمها مطابقه لحقتي .الدكتور: تعال معاي .دخلو غرفه العمليات وعملو سحب دم.. كان راقد والتوتر والخوف مأكل قلبو..الدكتور طلع بعد ساعتين وقال للممرضه خليك معاها .بخوف: اها يا دكتور هي كيف؟ .الدكتور: هي كويسه هسي بس ماف زول يخش ليها.. وتعال عايزك .هاد: طيب.. مشو بعيد .الدكتور: شوف يا ولدي هي حالتها الصحية والنفسيه والعقلية ما كويسه خالص ،، بالله ابعدها من أي مشاكل وضغط نفسي لانو بالتالي حيأثر على صحتها بشكل سلبي .هاد: أن شاء الله يا دكتور حاهتم فيها .ربت على كتفو ومشى.. هاد اتزكر انو ماد ما عارف اتصل على وما تلفونو مقفول..اتصل على نسمه وردت: ايوا هاد .هاد: ماد معاك؟نسمه: اي تبي منو شي؟هاد: اديني ليو..ماد: اهاا .هاد: تعال المستشفى ريم حاولت تنتحر .ما ردا عليو قفل الخط ونسمه مشت معاو.. كان سايق بسرعة كبيرة والخوف قاتلو..وصل وشاف هاد في وشو..بقلق: هي وين وهسي كيف و..هاد: اهدا هي كويسه وكلهم معاها جوا خش ليها ..خشو ونسمه وقفت بعيد تعاين لي ريم الكانت قاعده في السرير والدربات ماليه يدها .ماد خشي بخطوات بطيئه..ريم: ما..قبل تكمل كلامها أداها كف..مارتن: ماد..ماد: مارتن اسكتي عليك الله .بعصبيه: انا أتوقع من كل الناس تعمل كدا لكن انتي يا ريم وصلت بيك تعملي كدا.. ريم مهما كانت المشاكل دا ما بعني انك تنتحري.. لو كان الإنتحار الحل كان كل الناس انتحرت.. ريم انتي أعقل من كدا وقسما بالله يا ريم تفكري تاني تعملي كدا الا اقتلك بيدي.. اتخيلي لو متي كان حتقابلي ربك كيف...ريم فكري قبل تتصرفي اي تصرف..قعدت تبكي بحرقه: عشان انت ما مكاني يا ماد .. ما طعنوك في شرفك لانو دا اكتر شي واجعني يا ماد.. انا اتزوجو علىّ قلت ماشي بتعود عليها مع الزمن بس لا ماف اي تعود.. وانا أطلقت يا ماد ودا واجع قلبي شديد.. لانو انا عملت كل العلي عشان ابقى زوجه صالحه وباره بي راجلي بس بعد كل العملتو ماف ولا ذره تقدير.. دايماً انا الغلطانه وانتو كلكم الصاح.. انا الانانيه والبفكر في نفسي دا مش كلامك القلتو لي يا ماد.. في حين انتو الانانين وانتو البتفكرو في نفسكم انا كنت معاكم في نفس البيت وماف زول حسي بي اني كل يوم ببكي.. انتو ما حاسين بربع الوجع الأنا حاسه بيو عشان كدا ماف زول يتكلم ويدي حكم ومواعظ فاهمين وانا اذا طلعت من المستشفى دي ماف زول يقول لي بتقدري تنسى وبتاع لاني انا عارفه نفسي ما حقدر انسى ولا حقدر اتجاوزو وما تقولو لي الله بدي الأحسن منو لاني ما عايزه احسن منو.. وافهمو اني انا ما عايزه زول يقيف معاي ويسندني انا بسند نفسي بنفسي لاني ما ضعيفه ولا محطمه.. كلكم بتقولو انا الدايما بغلط في حين انو أنتو كلكم غلط وجودك هنا غلط وقفتكم معاي والكذب على دا كلو في حد زاتو غلط.. وانا يالله يالله قدرت الم شتات قلبي عشان يجي يكسرني تاني...وبالله عليكم اطلعو برا وخلوني برأي .ماد حضنها شديد وهم طلعو.. كانت بتبكي في حضنو بحرقه وحيلها مات .مسح دموعها: ريم انا اسف لاني ما قدرت اعرف كل دا في حين انتي أقرب وحده لي.. ريم انا بلجدد..قاطعتو: ماد انا مسامحاك والله بس عايزه اقعد برأي ممكن .بأس رأسها: طيب .مرق برأ.. غاس جاء وكان عايز يخش ليها ماد ختي يدو بين غاس وبين الباب .ماد: خير خير داخل وين؟غاس: عايز اشوف.. قلبي يطمئن عليها . لزاو لي ورا: كتير خيرك انك اتبرعت ليها بالدم ،، بس ما حتقدر تشوفها لانو هي ما ناقصه وجع قلب ،، ولا عندها حيل تتكلم معاك اصلاً وهي ما عايزه تشوفك ،، فالله بينكم ماف اي شي عشان تيجي .ضرب يدو في الباب ومرق... مشى لي ست القهوة البمشي ليها كل مره.. قعد وبقي يشرب...حسي بجسمو تقيل.. بقي ماشي بصعوبة لحدي ما وصل العربيه.. بقي سايق وشايف طشاش قدامو..صحي لقى نفسو في المستشفى.. حكي عيونو وقال للراجل القاعد في الكرسي: انا جيت هنا كيف؟ ._ شكلك كنت ما في وعيك واضربت بعمود الكهرباء والحمد لله ما حصل ليك شي .قعد: بقدر اطلع؟_ خليني اوصلك لكن يا ولدي ما في حاله كويسه .غاس: شكرا يا عمي..مرقو ووصلو البيت.. دخل ومشى غرفتو ورقد بتعب .سمعه طلع من الحمام: اختفيت فجأة كدا لي؟مغمض عيونو: ريم حاولت تنتحر .رمي البشكير في الأرض: و دا كلو بسببك .عاين لي: سمعه برأي انا زهجان ما تتكلم كتير .سمعه: ماشي اشرب اجيب ليك معاي .غاس: لا ما عايز شي .قعد جمب رجلو: غاس انت ما شايف نفسك بقيت ضعيف كيف؟ وعيونو طول الوقت لونها أحمر كانو بتشرب غاس قوم اكل ليك شي .لزاو برجلو: ما عايز يا سمعه خليني .رفع البشكير من الأرض وطلع.. غاس قام ووقف قدام المرايه عاين لنفسو.. اجفانو كان لونها أحمر ووشو شاحب ومنهك وجسمو بقى نحيف..دخل الحمام واستحمي.. مرق و قعد في الطربيزه وطلع كميه من الصوره الفي الرف وبقي يتفرج فيهم.._____________ريم طلعوها.. ومشو البيت وأول من دخلو لقو ناس جمان قاعدين .بتصرخ: واااااااااااااااااااااي ريييييييييممممم اشتقت لييييييييييك .ابتسمت: وانا كمان يروحي جيتو متين ؟جمان: أول شي يدك مالها؟قعدت: مويه سخنه ادفقت فيني المهم جيتو متين؟جمان: جيت انا برأي ، قبل تلاته ساعات .ريم: ارح فوق طيب .طلعو فوق وهي قلعت العبايه والطرحه ورقدت في السرير: أطلقنا .قفلت الباب: شنو؟ وحصل متين الشي دا؟ريم: امبارح .سكتت مسافه حتى قالت: احكي لي ؟حكت ليها اي شي عن لميس وانو اجهضت.. وحكت ليها الكلام القالتو ليها ام غاس..جمان: ريم انتي بتسامحي كتير لي؟بكت: عشان بحبو يا جمان .ختت يدها في رجلها: ما اي غلط بنسامح علىّ يا ريم ،، وما اي زول بكسرنا نبقى معاو عشان بس بنحبو ،، الحب براو ما كفايه يا ريم وانتي عارفه الشي دا .ريم: عارفه يا جمان .جمان: طيب مالك . بقت تبكي: جمان انا تعبت ما لاقيه زول يفهمني ويقدر البمر بي وكميه التراكمات الجواي ،، وقدر شنو الفتره دي صعبه وبتاخد من روحي وانا بقى ما عندي طاقه لأي زول ،، أنا عارفه انها فتره وحتعدي وكل دا حيخلص وحابقي كويسه ،، أنا بس عايزه زول يفهم وما يضغط على اكتر من كدا لاني اكتفيت من كل حاجه بالجد .حضنتها: ما حقول ليك حتنسي مع الوقت لاني عارفه انك ما حتقدر تنسي يا ريم.. زحت منها وواصلت: حاولي اتشغلي بأي شي اقري واتفرجي على الأفلام البتحبيها اطلعي من البيت ،، سافري بلد أحلامك ،، شخبطي على ورق فاضي ،، اطلعي من الجو الكئيب الانتي عايشه فيو دا .رقدت: تفتكري السفر هو الحل ؟جمان: اي .ريم: طيب بس بعد اخلص امتحانات .رقدت جمبها: قالو لي هاد وماد عايزين يخطبو .باستغراب: وماد كمان؟جمان: ايي .بفرح: انا فرحانه اكتر منهم .جمان: ارح تحت .ريم: طيب اغسل وشي...غسلت وشها ونزلو تحت كلهم كأنو بياكلو بساكت..الاكل في خشمها: حتمشي تتقدم ليها متين؟ماد: لما تبقى كويسه . ريم: انا كويسه ،، عليك الله امشو بكره .مارتن: هو ما بالسرعه دي يا ريم لازم يكلمها بالأول .ريم: طيب..دنقرت رأسها وبقت تاكل بسكات .هاد: من هسي كلمتكم عرسنا حيكون في نفس اليوم ما عايزين اي زول يوم براو وجرجره .عمر خضر: حتى انا كنت بفكر في كدا .ماد: طيب ما عندي مانع .ريم: سهى وين؟عمو خضر: عند خالتها .ريم: اتصل ليها خليها تجي عايزه اتكلم معاها .عمر خضر: طيب يا بتي .جمان: يا جماعة عايزه اقول ليكم حاجه بتخصني .مارتن: اها .ماد+هاد: قولي .ختت الملعقه: اها سامعين .عمار: انجزي ياخ في شنو .جمان: انا اتخطبت .بتصرخ وحضنتها: واااااااي اخييييييييرررررااااااا . عمار بقى ساكت وقاعد في مكانو وبعاين ليهم ،، كان مبتسم كأنو جابرنو على كدا .مشي حضنها وهمس: مبروك يا جمان .من نبره صوتو هي اتوتر وقلبها بقى بضرب بسرعة ،، طلع والعبره خانقاهو..هسمت: دا مالو؟ .جمان: ما عارفه والله ونبره صوتو متغيره معاي .ريم: ما يكون الفي بالي .ضربتها: اكيد لا طبعا نحنا زي الإخوان .ريم: طيب..قامت وغسلت يدينها ووشها.... طلعت غرفتها وغيرت هدومها وجات نازله .لقتهم بتناقشو في موضوع الخطوبه... قعدت جمب جمان وبقت تتكلم معاها .ريم: يا جماعة اسمعوني .ماد+هاد+جمان: اهاا .مارتن: قولي يا بتي .ريم: انا عايزه انزل الجامعه بكرا .مارتن: بس انتي ما كويسة يا ريم .ريم: حاسه نفسي كويسه وبعدين بكره عندي امتحان وحاخلص بعد يومين .ماد: طيب .ابتسمت وطلعت فوق.. قفلت عليها الباب و رقدت في السرير ._____________سمعه: غاس قوم اكل قوم .بنعاس: ما عايز ياخ خلوني في حالي .سمعه: لا اله الا الله لمتين حتكون إذا هي... إذا هي بتاكل وبتمرق وعايشه حياتها طبيعي.. إذا هي أساسا ما شغاله بيك ولا جايبه ليك خبر.. إذا هي حتى ما بتفكر فيك زي ما انت بتفكر فيها....انت ما توقف حياتك عشانها لانو هي لا حتحس بيك ولا حتشتغلك بيك... إذا قعدت تعمل في نفسك كدا هي ما حترجع يا غاس فبالله شوف حياتك بي وين وما تنسي حلمك في انك تكون أكبر كبت طيران وما تخليها تأثر ليك .قام وربع رجلو: طيب . ابتسم: طيب .مشي وهو مبسوط.. غاس قام ودخل الحمام استحمي وطلع.. قفل الباب بالمفتاح وطلع كتاب من دولابو وبقي يقرأ لما حسي بانو ارتاح دخلو وطلع .مبتسم: صباح الخير .حضنتو: صباح الخير يا كل الخير .غاس: داير اساعدك الليله .سمعه وبلقيس بقو بعاينو ليو باستغراب .غاس: الليله حاعمل ليكم الشاي .الإبتسامه ما فارقت وشها: اتعلمت متين؟سرح مسافه: لمن هي كانت في .سكتت وما ردت عليو... عمل الشاي وامو جابت كيك وقعدو بشربو.. كانو بتذكرو في أيامهم مع بعض وبضحكو.. شويه بقى احسن..ضحك: لا مستحيل انسى لما شربنا السجاير وامي دقتنا .سمعه: انا لمن عملتها في هدومي ياخ كنتي حقاره وقاسيه علينا .سحر: اي لازم اوريكم الصاح من الغلط وشوف دقتي جات بنفع وهسي ما بتشربوها .غاس وسمعه عاينو لي بعض وفكو الضحكه غاس كان بضحك بصوت عالي وامو بتعاين لي وهي مبتسمه .ختت الكبايه: افهم من كدا انكم بتشربو .بلقيس: يعني كيف ما يكونو بشربو .سحر: صبراً بس إلا ادقككم تاني .مشت جابت الحزام وهم بقو يتجارو في البيت.. في النهايه حضنها وقال: اسفين تاني ما بنشرب .سحر: اوعدني .بأس يدها: وعد .ادتو ضهرها وبقت تبكي..وقف قدامها: هسي انتي مالك بتبكي يا أمي المشكله ماف شي بخليك تبكي .ضربتو: دا شي بعرفو انا ويلا امشو جهزو حاجاتكم كانو بكره ما عرسك يا سمعه .ابتسم: ياخ خلينا حبه.. غاس تعال نمشي نحوم نعيش وقت العزوبيه دا .غاس: اجيب المفتاح واجي .شال المفتاح وطلع.. مشو لي وائل ومحمد..لفو كتير وعملتو حاجات اكتر..محمد: اتصل على ريم وقول ليها بحبك وما عندي غيرك .ضربو في رجلو: محمد .محمد: قال جراء براو .غاس: طيب..اتصل عليها وهي ردت .غاس: بحبك وما عندي غيرك .جمان: ريم نايمه .قفل الخط وبقي يضرب في محمد .محمد: مالك ياخ .زح منو: ولد كلب انت ، أنا راجع البيت .. مشى . سمعه: متخلف يا محمد ،، ما تجيب سيرتها قدامو الله ينعلك ياخ ما صدقت الليله بقى يضحك ويأكل زي خلق الله .محمد: يعني ا..قاطعو: خلاص اسكت..سمعه مشي وراهو لقى مشي...رجع ليهم وقعد ساكت .وائل: حاجي اقعد معاكم .سمعه: تعال طوالي .محمد: حتى انا جاي .سمعه: ما تجي .محمد: انا وريتك بس .رجعو مع بعض بيت غاس .سحر: حصل حاجه شاف ريم؟قعد: لا بس محمد قال لي قول لي ريم بحبك وما عندي غيرك .سحر: محمد انت متخلف ياخي ما تجيبو سيرتها قدامو .محمد: اسف يا خالتي .سحر: انا خاشه ليو .سمعه: لا خليك انا بخش ليو..فتح الباب ودخل قعد في الكرسي الجمب السرير: غاس .غاس: لو جاي تتكلم في الحصل اطلع برا .سمعه: ما جاي اتكلم في الحصل.. جاي اقول ليك حتلبس شنو بكره .صلح رقدتو: حالبسك انت .رمي فيو المسند: لا جادي معاك .غاس: كدي لمن يجي بكره..وانت لسه ما مشيت الحلاق ولا طبقت حنتك .سمعه: ياخ الحنه دي خلاص بقت سودا انا زهجت من كل يوم اطبقها .غاس: خلاص قوم نمشي الحلاق .سمعه: محمد و وائل هنا .غاس: كان تخليهم يخشو .سمعه: كنت قايلك متحسس من محمد .غاس: لا ابدأ قوم قوم .مشو الحلاق وكلهم حلقو شعرهم نفس الحلاقه..رجعو البيت وكلهم اتخمدو في السرير .محمد: انا مضايق ياخ .سمعه: غاس و وائل مستلمين السرير كلو .وائل: خليك مني انت شوف غاس منداح كيف .ضحك: نومو نومو بكره عندنا قومه من الصباح .محمد: تصبحو على خير .سمعه+وائل: تلاقي الخير .غاس: وانت من اهلو .قال بصوت واطي ما سمعو الا غاس لانو كان جمبو: وانت من اهل ريم .بعد مسافه قام وطلع البلكونة.._____________ساره: بكره لازم تجي يا ريم ولا حازعل منك .ريم: اول شي مبروك وتاني شي اكيد حاجي .ساره: اتكلمتي مع غاس .طلعت البلكونه: لا .ساره: انا ما حقول كدا عشان صحبي ،، بس انتي اسمعي يا ريم .ريم: أطلقنا .بعدم تصديق: كذابه .ريم: واكذب في حاجه زي دي لشنو ،، وما عايزه اتكلم عن الموضوع دا .ساره: طيب يا ريم.. أي يا هند جايه .ريم: مع السلامة يلا .ساره: مع السلامة..ختت التلفون في الكرسي وبقت تعاين للناس التحت.. عاينت لي بلكونه غاس لقتو واقف رجعت شعرها لورا ودخلت ..رقدت في السرير وبقت سرحانه..قعد جمبها ومسك يدها: اشتقت ليك يا ريم .قامت: وانا ما اشتقت ليك ،، اطلع من حياتي خلاص .ابتسم: عارفك اشتقتي لي .بضيق: اي اشتقت لي واشتقت لي اسمع صوتك واني اشوفك فرحان وبتضحك ،، طيب حايفرق شنو لو عرفت كل ،، حيفرق شنو بعد البينا انتهي هااا حفرق شنو.. يااااااخيييييي انا بكرهك بكرهك على معرفتي بيك بكره اليوم العرفتك فيو والخلاني اعرسك بكرهك ياخييييييييي اطلع من عقلي ياخ اطلعي .غمضت عيونها وبقت تبكي.. رفعت رأسها لقتو ماف بقت تتلفت زي المجنونه .قعدت في الأرض وبقت تبكي بحرقه .. نامت في الأرض والدموع نازله علي خدها...
يتبع......
