جبروت السنين

البارت الثالث

حضنتها وكمت اشهك : شهد تعبانة

شهد : سلامتج من التعب يروح اختج كومي واوكفي ع حيلج اريد اشوف ضحكتج مشتاقتلها

مسحت دموعي وباوعتلها : شهد انتي موافقه تروحين وية بابا للناصرية

شهد : اي

حور وكفت ع حيلي.: شنو شهد شبيج تخبلتي شلون نروح هناك لعالم يكرهونة وميطيقونة شلون نعوف بغداد نعوف لبيت لبي ذكريات امنة لوعينه وعشنة وتربينه بي شكاعد تحجي انتي

شهد : فاهمتج ياحور والله بس اني فكرت بيها اذا نبقه يم خالتي الناس راح تاكل وجه بابا بالحجي واصلا عيب عدهم ولد وزوجها هم واذا فكرنة نبقه ابيتنا بابا من سابع المستحيلات يأمن يخلينه بوحدنة وهم مراح نسلم من حجي العالم انتي هم كعدي بينج وبين نفسج وفكري بيها شوية

راحت شهد ودت الجاي واني الفكرة بكبرها متدخل راسي ياربي من العالم كولها تخاف و تخشى من حجي العالم زين احنه شدخلنه بالعالم ليش نهتم الحجيهم

شوية ودخلت شهد : كومي بيبيتي تريدج

حور : مااجي

كومتني شهد بالكوة سحلتني سحول ورحنه للاستقبال
رحت كعدت يم ابوية

كال عمي : تعاي حذاي
كعدت يمة كال : ليش ماتردين تروحين وياي للناصرية

جاوبته : عمو اني متعودة ع عيشه بغداد

طفرت عمتي بومة اااا قصدي نورس وكالت : اي عيني طبعا هنا ماخذة راحتها لا حسيب ولا رقيب

حور : شقصدج عمة

العمة نورس : لا مااقصدي شي

ضجت كولش من حجايتها حسستني اني وحدة فلتانة وطالعة من الطريق تكولي لا حسيب ولا رقيب كرهت الكعدة يمهم وكمت رحت للمطبخ صبيتلي كلاص جاي وكمت اشرب وافكر بكلام شهد علمود روحتنة للناصرية يالهي منين مااجيب السالفة متدخل بمخي

كملت الجاي وصعدت بغرفتي ذبيت روحي ع الفراش وريحت روحي من التفكير نمت والنومة نومة بعد مدريت بالدنيا طشت رشت لحد الصبح

كعدت لكيت عمامي ماشين من الصبح نزلت سويت ريوك وكعدنة اني وبابا وشهد نتريك جان السكوت سيد الموقف بس كلنه عدنة حجي ومنكدر نكولة والله ايام من جنة ننجمع ونكعد ع الاكل صوت ضحكنا وسوالفنه يملا المكان بس بعد وفاة امي عم الهدوء الكئيب علينة
قطع هذا السكوت ابوية وكال : شقررتن تروحن وياي للناصرية

شهد كلتلة : بابا اني موافقة اروح وياك احنه ماعدنة غيرك
كاللها : بلغتي سالم
شهد : لا
بابا : كومي وكليلة

كامت شهد بقينة بس اني وبابا دنكت سويت روحي داكلل كال بابا : وانتي حور

حور :لا بابا ماريد