عشق الشيخ ملكني

part:30

عفتها وباوعت عليها رجعت الشال مثل مكان وحضنتها وگلتلها:
_راح اسافر باجر ما اوصيج حبيبتي لا اتخلين احد يشوفج من الولد ولا اتلبسين حصر وخلي تليفونج يمج ياويلج ما اتجاوبيني من اتصل بيج وماكو مكياج گدام احد مو تملك ولا جاي أأمرج بس يا عمري اغار عليج واعرف الشباب بس يلمحوج بشنو ايفكرون فلا اتحرگين گلبي بنار الغيرة واني مو يمج راح اشتاقلج اتوصيني بشي اجيبلجياه من ارجع مناك؟
هي حضنتني حيل وگالت:
_ماكو داعي اتوصي وما محتاجة شيء غير انك ترجع بسرعة وبصحة وسلامة هذا كل الي اتمناه حبيبي.
باوعت عليها وبستها 💋 بخدودها وگلتلها:
_لازم ارجع للبيت هسة روحي فوتي للبيت واحاجيج بليل.
هي باستني بخدي وفاتت للبيت ورجعت اني لبيتنا استقبلتني امي ورحنا كلمن لغرفته انام لگيت جنطة السفر كاملة امي محضرتها (الله يحفظلياها ان شاء الله ويحفظ امهاتكم لو مو وجودهن ما نعرف شنسوي).
غيرت ملابسي واتمددت بفراشي وخابرتني رويحتي جاوبتها وضلينا نحجي واحد يتغزل بالثاني اموت عليها من تخجل لو تتوتر اتصير مثل الطفلة اشلون راح اگدر افارگها شهرين ضلينا نحجي ساعتين وراحت نامت واني هم نمت.

رزان:
بعد ما خبرنا جود عن قصة علي وسفره لسويسرا للصراحة كلش خفت لا ايصير لعلي شيء يبقى ابن خالتي واخوي وصديقي رغم كلشيء شجعنا جود ايروح ويساعده ويرجعون بسلامة ان شاء الله وهو وافق بعد ما اطمأن انه امي بحمايتنا وراح اندير بالنا عليها اجة موعد طيارته الساعة 7:30م وراح كيان وعمر والشباب ايوصلوه للمطار بعد ساعات من الوداع والنحيب والدعوات وامي رغم خوفها عليه بس ابتسمت وحضنته حيل ودعتله يوصل بالسلامة ويسهل مهمته وجود ارتاح بدعائها ، كنت بالبيت احضر نفسي اروح ابات يم امي وانتظر كيان يجي وياي لانه راح انبات اثنينا ابيت اهلي وباجر جمعة ماكو دوام استغل الوقت واقره الفاتني بذن اليومين نزلت للمطبخ اشرب مي الكل كان بالحديقة الخلفية للبيت اكو گعدة عربية وگاعدين مع الشيخ ويشربون چاي ويسولفون كنت دا اشرب مي وسمعت صوت يم الباب الرئيسي للبيت استغربت لانه الشباب مصارلهم ربع ساعة من راحوا ايوصلون جود والمطار بعيد اقل شيء ساعة حتى يرجعون رحت باوعت من الشباج وشفت ظل واحد طويل ويدور على شيء بالگاع اني انرعبت عبالي حرامي وضوة تليفونه مشتعل وجهه ما واضح والحراس ماكو ولا واحد كانت اكو مزهرية بصفي حجمها وسط اني اخذتها وفتحت الباب بسكوت هو ما منتبه كان مطيني ظهره ردت اضربه بالمزهرية على راسه بس هو انتبه علي ولزم المزهرية ردت اعيط حتى احد يسمعني بس هو سد حلگي بأيده اليمنة والثانية لازم بيها المزهرية ومحاصرني على الباب الضوة الفوگ الباب انعكس على وجهه كان شاب اعيونه خضر وملامحه حادة وشعره اشگر وشفايفه متروسة اشوية وهو كلش طويل اني اوصل لصدره وجسمه معضل ورياضي وسكشي بنفس الوقت صاك بالمختصر 😍
(اعرف راح ادگولون انتي بيا حال واكلتي الولد وعرفتي تفاصيل جسمه وين كيان منج اعرف والله بس شسوي اذا كتلة الرجولة گدامي واني ضعيفة گدام الحلوين بس اكيد هذا مو بحلات حبيبي 😍)
الكاتبة:(اي امبين من اكلتي الولد وشربتي ومصارلج دقايق من شفتيه يا كيان يا علان حايرة بالحلو المسكينة😂)
رزان:(اسكتي انتي بس تردين حجة حتى تحجين علي 😒).