عشق الشيخ ملكني

part:29

مرام دمعت وهند هم مرام گالتلي:
_مو شغلة عدم ثقة صدگيني من غيرته عليج هيج ايسوي وبس يفرغ لبگلبه راح يعتذر منج بس انتي اصبري واتحملي يا عمري.
اني اتنهدت ومسحت ادموعي وگلتلهن:
_ان شاء الله خلونا نطلع يم البنات وانشوف سالفة مؤيد اشلون تخلص.
البنات هم هدأن وطلعنا وگعدنا يم عمتي سمعنا صوت سيارات باوعنا من الشباج وعرفنا هذول اهل الولد كلهم معگلين واسلحتهم زايدتهم هيبة والرجولة تنگط منهم واكو منهم شباب بجمال بصراوي عافوا اسلحتهم بالساحة ودخلوا للمضيف واحنا رجعنا گعدنا يم عمتي اشوية ونغم گالت:
_بنات گومن انسوي غدة عيب من الجماعة.
كلنا گمنا وياها للمطبخ بس مرام ما خليناها تتحرك مو زين على الطفل وهي دلغمت ضايجة ضحكنا عليها ورحنا نطبخ.

كيان:
من سعفوني للمستشفى بعد ما اتصاوبت محسيت غير بعد ما طلعنا من العمليات وعمر وجود وحسن وعمي ابو محمد فوگ راسي ومحمد هستوة دخل جايب الچاي اني حسن شافني گعدت واطمأن علي وطمأن الجماعة وطلعهم برة حتى ارتاح لأنه بعدني تحت تأثير البنج ودايخ صحيت على نفسي ثاني يوم الصبح سمعت صوت يم بابا الغرفة گمت على حيلي وسمعت خالد ابن خالي يحچي هو وجلال على ابنية عاجبته شافها صدفة هم من شافوني گاموا وعمر گلي:
_ليش گمت ارجع ارتاح واحنا انجيبلك شتريد بس لا تتحرك.
اني گلتله:
_ما بية شيء اريد اطلع الشيخ وحده بالمضيف لازم انكون وياه.
هو گال:
_التريدة يجرالك خلي انفوت ننتظر اوراق خروجك تكمل ونطلع.
دخلنا للغرفة والشباب ورانا بس جود وحسن راحوا ايكملون اوراق الخروج اني گعدت على السرير وگلت لخالد:
_اي يا ابن الخال منو هاي لماخذه عقلك وين شفتها.
ويا ريتني مسائل احس گلبي صار جمر وعقل ما بقى براسي هو گلي:
_والله يا شيخ الشباب من رحنا اني وجلال انطمأن الاهل على صحتك سمعت صوت ملائكي يقرة قرآن وشفتها من الجامة الطل على الصالة كانت ملاك يمكن سمعت اسمها رزان والله شاهد عجبتني وناوي اتقدملها على سنة الله ورسوله.
اني شطت من مكاني وهجمت عليه رغم الجرح موتني بس جرح گلبي اكبر شوهت وجهه وعمر وجلال يحاولون ايفكوني منه واني ما اتزحزح وباقي اضرب بي وگلتله:
_لك حاط عينك على مرتي يا الس*** وجاي تحچيها بوجهي لك ع*** اليوم نهايتك على ايدي يا الك***.
عمر جرني حيل من خالد وگال:
_اهدأ كيان انفتح جرحك استكين وخلي نفهم السالفة مو هيج تنحل اهدأ.
خالد گال وهو يتعذر:
_صدگني ما كنت اعرف هي مرتك سامحني يا شيخنا لو ادري ما كنت حچيت.
اني گلتله:
_اطلع منا ولا تطلع گدامي بعد لا احسب الله ما خلقك واجنزك بأيدي واشوف منو يطلع وراك يا السق***.
جلال اخذ خالد وطلعوا وحسن اجة يركض شاف الجرح بس ما حچة يعرفني عصبي ودمي فاير بس عالج الجرح وگال:
_نگدر نطلع واي حركة زايدة ما اريد الجرح بعدة جديد.
اني محچيت شيء وسندني عمر وطلعنا للبيت واني فاير اريد اكل رزان بسنوني هاي عود اني موصيها متخلي الولد يلمحوها اني اعلمج يا رزان ما عاش ليكسر كلمتي راح اشوفج الشيخ كيان منو اصطبريلي ، دخلنا للبيت وذبحوا الذبايح يم رجلي وجود كان ساندني ودخلنا للمضيف كلها وگفت استقبلتني اكبار اصغار وگعدت بصف جدي والكل گعد واتحمدولي السلامة واتشكرت منهم عرفت من الگعدة انه اهل الولد راح يجون اليوم انفض السالفة اني بعد ساعتين اترخصت ويزن سندني ودخلنا للبيت واسقبلتني امي ونسوان عمامي سلمت عليهم وطمأنتهم واني عيني على رزان وشايط اريد بس انفرد بيها اني اعلمها بس ملامحي باردة ما بينت شيء اشوية ويزن گام يتذمر ميريد يسندني لغرفتي اقترحت رزان انفوت لغرفة امي محچيت شيء ودخلنا وهي اشوية واجت جايبة ملابسي ويزن طلع وسد الباب.