"ချန်းယောလ်ရှီကိုဆက်သွယ်လို့မရဘူးဖြစ်နေတယ်။ ရိုက်ကွင်းက နောက် ၁၅မိနစ်ဆို စတော့မှာကို"
ရှုတင်မန်နေဂျာအစ်မက make up room ထဲဝင်လာပြီး ငြီးငြူခြင်းဖြစ်သည်။ မိတ်ကပ်လိမ်းနေတာကြောင့် ခပ်မော့မော့အနေအထားနဲ့ပဲ မှန်တင်ခုံပေါ်မှောက်ထားသည့် ဖုန်းကိုဆွဲယူကြည့်ရသည်။ ဘတ်ဟျွန်းဖုန်းခေါ်ပြီး မက်ဆေ့ခ်ျတွေပို့နေတာ တစ်ညကျော်ပြီဖြစ်သည်။ မနေ့ညကလည်း အိမ်ပြန်မအိပ်၊ စာလည်းပြန်မပို့တဲ့ ချန်းယောလ်ကို ဘတ်ဟျွန်းအမြင်ကပ်ချင်လာသည်။ ဒီလောက်ချော့နေတာကို။ ဘတ်ဟျွန်းတစ်သက်နဲ့တစ်ကိုယ် ဘယ်သူ့ကိုမှဒီလောက်မချော့ဖူးခဲ့။ ဘတ်ဟျွန်းကိုယ်တိုင်လည်း စိတ်ဆိုးစိတ်ကောက်ရင် စိတ်ပြေလွယ်တာဖြစ်သည်။ အခုတော့။ ဘတ်ဟျွန်း နှုတ်ခမ်းမဲ့ပစ်လိုက်ပြီး စာတစ်ကြောင်းအမြန်ရိုက်ပို့လိုက်သည်။ ကြည့်ကြသေးတာပေါ့ မလာဘဲနေနိုင်မလားဆိုတာကို။
×××××××××××××××××××××××××××××
Setting ပြင်ဆင်ထားသည့်ခုံမှာထိုင်ပြီး ရိုက်ကူးဖို့အသင့်ဖြစ်နေသည့် ဘတ်ဟျွန်းကြောင့် ရိုက်ကွင်းကလူတွေမျက်နှာပျက်နေကြသည်။
"ဘတ်ဟျွန်းရှီ။ ချန်းယောလ်ရှီက ဆက်သွယ်လို့မရလို့အဲ့ဒါ"
"ကျွန်တော်ပြောတာယုံ သူလာပါလိမ့်မယ်"
ဘတ်ဟျွန်းတို့ဆက်ဆံရေးက တရားဝင်ကြေညာထားတာမျိုးမဟုတ်ပေမယ့် ဒီအသိုင်းအဝိုင်းမှာ မသိသူမရှိတာကြောင့် ဘတ်ဟျွန်းစကားကိုပဲအတည်ယူပြီးစောင့်ဆိုင်းနေကြရသည်။
"ချန်းယောလ်ရှီလာပြီ"
အပြင်ကတစ်ယောက်လှမ်းအော်သံဖြစ်သည်။ ဘတ်ဟျွန်းနဲ့မလှမ်းမကမ်းမှာရှိနေသည့်လူရဲ့နာရီကိုလှည့်ကြည့်လိုက်မိ၏။ မိနစ် ၂၀ပဲကြာတယ်။ ဘတ်ဟျွန်းထိုင်နေတာကိုပြင်ပြီး လက်ပိုက်လိုက်တဲ့အချိန်မှာပဲ အခန်းထဲရောက်လာသည့် ချန်းယောလ်နဲ့မျက်လုံးချင်းဆုံသွားရသည်။ ခပ်တင်းတင်းစေ့ထားသည့်နှုတ်ခမ်းဖူးဖူးတွေက အားမလိုအားမရဟန်။ မျက်ဝန်းတွေကတော့ ညှို့နေပြန်သည့် ချန်းယောလ်။ ဘတ်ဟျွန်း ဂရုမစိုက်သလိုပုံနဲ့ချက်ချင်းမျက်နှာလွှဲပစ်လိုက်သည်။ စိတ်ကောက်ချင်ဦး အဲ့ဒါ။
