MAGIAN ACADEMY : The Legendary Princess (ON-HOLD)

Chapter 68 : Ethereal Mountain

Third Person's POV

Hindi na nagsayang ng oras ang lahat ng nasa Celestial Kingdom. Lahat puspusan sa pag-eensayo sa sarili nila dahil alam nilang sa lalong madaling panahon ay susugod ang mga kalaban.

Sa isang bundok malapit sa kaharian ng Celestial Kingdom. Ang natatanging bundok na nakalutang, doon sila mag-eensayo.

Ang bundok na ito ay tinatawag na 'Ethereal Mountain' na daan-daang libo na din ang dumaan pero nandito pa din at isa sa pinakamatandang bundok na nandidito sa mundo ng mahika.

Ang Ethereal Mountain ay nagsisilbing ensayuhan ng mga Diyos at Diyosa noong unang panahon. Ito rin ang lugar kung saan itinayo ang rebulto ng lahat ng Gods and Goddesses na kanilang mga ninuno, at matatagpuan ito sa pinakatuktok ng bundok.

Hindi lang siya basta bundok dahil sa pagbaba nito may patag na lupa at dito nag-eensayo mismo ang kanilang sinasambang Diyos at mga Diyosa ng Griyego. Napakagandang pag-ensayuhan nito dahil pag ika'y nasugatan sa pag-eensayo kusa itong gagaling ng ilang segundo.

Ganoon kalakas ang mahika ng nasa bundok na ito. Sobrang tindi ang kapal ng Invisible Barrier dito na tanging may dugong bughaw lamang ang makakapasok.

Nang makarating silang lahat rito kani-kanina lamang, tila nakalanghap sila ng sobrang linis na hangin na para bang nakahinga sila ng maluwag.

Manghang-mangha ang lahat sa bundok na ito dahil nakalutang ito at may harang na puro punong iba't iba ang kulay sa paligid ng bundok na para bang sinadya iyon dahil mataas ito at baka may aksidenteng mahulog.

May isang parte ang bundok na may iba't ibang kulay ng bulaklak at sinabi sa kanila ni Reyna Alicia, di nila pwedeng lapitan 'yon habang nag-eensayo dahil baka magalaw o 'di kaya'y masira. Masyadong pinahahalagahan ang bundok na ito at buti nalang nagpakita kay Reyna Alicia si Olivia at sinabi sa kanya na pumapayag ang mga Diyos na nasa itaas at mga Diyosa na gamitin nila 'yon pansamanatala para makapag-ensayo.

"Madami kaming ihahandang makakain sa Kaharian mamayang tanghalian upang kayo'y magkalakas. Sa mga estudyanteng nabibilang sa mga Wizard, maaari ba kayong sumama sa'min upang matulungan kami sa paghahain?" Sinabi ito ni Reyna Amelia, ang Reyna sa Wizard Kingdom. Sumama ang karamihan sa kanila at naiwan lamang ang may lakas loob makipaglaban sa isang digmaan na magaganap na kung saan 'di nila alam kung kailan.

Pag-eensayo lang ang pwedeng gawin rito sa Ethereal Mountain dahil 'di pwede itong madungisan o marumihan dahil lugar lamang ito para sa pag eensayo.

Si Ralph, siya ang kanina pang hindi nagpapahinga dahil sa pag-eensayo. Determinado talaga siyang lumakas para sa ganoon ay makaganti siya sa Hari ng Dark Kingdom.

Ang hindi alam ng mga puting mago, na lahat ng nasa Akademiya ay buhay at hinihintay na lamang ang pagsugod nila dahil kontrolado na lahat ito ni Drack, pati lahat ng estudyanteng naiwan roon ay pinaamoy niya ng gawa ni Ladya, ang Velperessroma.

Nakatayo lamang sila at nakatulala, parang hinihintay ang senyas ng kanilang pinuno na si Drack.

Sa Kabilang Banda,

Sa isang kwarto sa kaharian ng kadiliman, nandoon si Prinsesa Athena na ngayon ay natutulog. Masyado siyang nanghina sa mga nangyayari sa kanya dahil kinuha ang kalahati ng kapangyarihan niya. Hindi man nagtagumpay si Drack na makuha ang isinumpang kapangyarihan ngunit nakakuha siya ng malaki na parte ng kapangyarihan ni Athena.

Makasariling Hari.

Nang iwan ni Ace si Athena sa kwarto niya, biglang kumunot ang noo ni Athena tila may nag-aaway sa loob-looban niya. Parang may kumokontrol sa kanya ngunit 'di niya magawang labanan 'yon dahil nanghihina pa siya.