Mahal ko ang bayan ko.
" Bayan sa Bayan, Lahi sa Lahi "
I.
Ang lahat ng tao ay pantay-pantay lamang
Sa Diyos na tanging naglalang
Binigyan ng buhay at isipan
Upang tama at mali ay malaman.
II.
Tama nga ba ang labanan?
Ng sundalo't mga kalahi natin?
Sundalo'y may pamilyang umaasa
At kalahi nati'y ganoon din naman sila.
III.
Ang sundalo'y pinaglalaban ang batas
Batas ng mga taong mababa at mataas
Pag-ibig sa Bayan ang isinisigaw
Buhay man ay siyang inaagaw.
IV.
Kalahi'y nating musmos man
Namulat kung paano ang labanan
Mali man ang intindi ng iba
Tulad ng iba, biktima lang din sila.
V.
Bayan natin ay Bayan din nila
Lahi natin ay Lahi din nila
Karapatan natin ay karapatan din nila
Gobyerno natin ay gobyerno din nila.
VI.
Ang katahimikan ay siyang kalayaan
Kaya Bayan natin ay pahalagahan
Ipagtanggol ang ating Bayan
Tayong lahat ay magkababayan.
VII.
Wala nang mas mabuhay pa
Kung ang bawat isa'y maligaya
Sa piling ng ating sariling Bayan
At bansang walang labanan at puno ng unawaan.
BINABASA MO ANG
Tula
PoetryTula ng pag ibig. Sa minamahal,magulang,kalikasan at sa bansang sinilangan. Sa walang hangganang pagmamahal ng Diyos .