عشق الشيخ ملكني

part:15

ماما قنعتني بكلامها وبعدين عرفت جود مطي خبر لكيان راح انسوي حفلة يعني ما اتكون سكتاوي خليتهم يفرحون ما علقت ورحت گعدت بمكاني وجود راح للزلم بالأستقبال بعد ساعة من الدگ و الرگص و البنات وگعن دگ على الردح و الدبكة السورية اجة حبيب الگلب واهله النسوان والبنات ما شاء الله هواي ذبن لحم بس انتبهت فاطمة تخزر بية و كالبة وجها ما اهتميت ما اضيع فرحتي لهيج اشكولات.
اجة بابا وكال لأمي جيبيها خلي نعقدلهم ماما خطت البرنص على راسي رحت يم باب الأستقبال گعدت على الكرسي ماما حاطته والشيخ سألني اذا موافقة كلتله موافقة و سأل كيان هم و گال الف مبروك وقرينا الفاتحة وكملنا وطلع الشيخ و اني رجعت للصالة ونزعت البرنص وبدت الهلاهيل و الهوسات.
بعدين ام كيان گالت:
_سون طريق العريس يريد ايفوت.
اني گمت ارجف من التوتر والخجل البنات ذبن شالات على نفسهن شفته دخل يا يابة ابو بيتي طالع ايفلش وين اضمك بس گلي اوصفلكم شكله:
_لابس قاط اسود وقميص ابيض و هو اسمراني على بياض(يعني مو كلش اسمر او حنطاوي للتوضيح بس) ايخبل عليه و شعره اسود ثخين و لحيته وشواربه مرتبهن ايخبلن لايگاتله و مزيداته حلات وتعال يا گلبي اتحمل و عيونه العسلية على صفار و كبار وحادات اشوية ورموش وحواجب لو الشفاف لو الهيبة و الرجولة الطاغية و الحضور لا اگلكم ولا ادگلولي ذبت متت بس من شوفته اجة گعد بصفي واني مدنگه ميته خجل.

كيان:
شگللكم حتى اگللكم اليوم عقدي على رزون يا يابه فرحتي متنوصف و مرام هارجة البيت بالهوسات و الرگص لابسه فستان اوف وايت حصر عليها وطويل و هي احلى البنات جوة سعادتي زادت من شفت فرحتها حتى امي دمعت من الفرحة و اخواني من طلعت للزلم لو عمر هرجوا المنطقة و جدي رجع شباب و يضحك ويهوس وبوجهنا لبيت حبيبتي مطولنا هواي لين مو بعيدين علينا وصلنا ودخلنا واستقبلونا بالصلاوات و رحبوا بينا نسمع صوت النسوان وهوساتهن و فرحتهن ما يطنها لأحد اجة الشيخ وراح ابوها ايصيحها حتى نعقد.
عقدلنا الشيخ وفرحتي من گالت موافقة ما اطيها لأحد راح الشيخ بقينا الزلم تباركلي بعدين جود گلي: _اتفضل شيخ لعروستك.
رحت وشفتها اويلي ماكو داعي اوصف جمالها شوصف منها الشعر ما اتوقعته هيج طويل لا وليل هيمين اسود ايموت عليها لايگ وية لون بشرتها البيضة والمكياج الفاتح ضارب على عينها زايدها حلات و الشفايف المتروسة اشوية مال گرط واخدود التفاح اويلي موتني رحت گعدت يمهة وهمستلها:
_اويلي يابة ارحمي حالي مو سلگتي عشيرتي شطالعة ولج گلبي يريد ينفجر من دگاته.
هي خجلت صارت طماطة و ابتسمت امي جابت الذهب لبستها الگلادة يا الله شحجيلكم من اتقربتلي عطرها ذبحني ما اعرف شسوي لبستها التراچي و السوار و المحبس و الحلقة وبست ايدها هي خجلت راحت وجها عبارة عن طماطة وحاطيها يمي ذبحتني لبستني الحلقة و الساعة و المحبس بست راسها وكلتها الكيك وهي هم وشربنا العصير بدة طش الچكليت من اول مطلعت من بيتنا ولهسة اي ادري ميخلص و هوسن واني عيني على مرام اشلون فرحانه و تهوس و ترگص المهم ردت اروح لين رزان راح تتخربط من التوتر گامت ترجف يمي بس امها گالت روحوا للغرفة سولفوا اشوية.
شگول عليج يا عمتي والله اجيت اشيلها وافتر بيها لو مو عيب المهم دخلنا للغرفة و سديت الباب و اتقربتلها بس لزمت ايدها رجفت و گمزت اني متحملت وضعها بعد حضنتها و مسحت على ضهرها وگلت:
_اهدي يا عمري اهدي مراح اسويلج شي هن حجايتين نحجين واروح ترة ازعل اذا ضليتي هيج اترجفين وخايفة اذا متردين تحجين اروح عادي.
هي مجاوبت ضلت مدنگة و خجلانة گلت خلي اطلع لا تتخربط انوب وصلت للباب و گالت:
_لا اتروح خليك بعد.
اويلي عليك يا گلبي شتتحمل باوعت عليها بعدها خجلانة ومتباوع ابوجهي بس خفت رجفتها اني رحتلها بست راسها وگعدت على التخم وگعدتها ابصفي ورفعت راسها حتى تباوعلي و گلتلها:
_يا عيني باعي علي واسمعيني هسة اكيد راح اتفكرين شبسرعة حبيتج و قررت اتزوجج ومن هذا الحجي واگلجياها اني مو بس حبيتج لا عشگتج انتي صرتي النفس اليصعد وينزل بصدري صدگيني حبيتج من اول مشفتج و همت بيج ومطلعتي من تفكيري ولا لحظة بقى بس اريد اعرف مشاعرج تجاهي شنو رأيج حبيبتي؟
هي خجلت و دنگت اني همستلها يم اذانها:
_حبيبتي جاوبيني اتحبيني؟ اتحبيني يا رزان؟
باوعت بعيونها جانت خدرانة و عينها منعسه هذا كله من صوتي؟ لعد لو مسوي غير شيء شتسوي باوعتلي وهمست بذاني:
_لو اجگد ما ايوصفولك مشاعري
ولو اجگد ما حجوا بحبي الك
ما يگدرون ايعبرون عن بحر حبي
ولا عن گلبي الهام بهوى عشگك
اموت واذوب بس من عطرك
اشلون لعد وانت ملكي وروحي الك
مو بس احبك لا يا حبيبي
اني هايمة ومغرومة بكل تفاصيلك
اعشگك يا بعد روحي مو بيدي
واموت لو وحدة بالغلط طخت اصبعك
يا يابه اني من دون كلشي عشيرتي محترگة انوت تشعرلي و تتغزل و صوتها الخدران و انفاسها الحرگتني حرگ بالله بس گليلي لو اخطفج هسة واحد ايلومني باوعت بعيونها واني خدران والله وهي هم ذايبه يمكن من عطري گلتلها:
_ولج اشسويتي بية حرگتي عشيرتي ارحميني يا معودة بس گليلي اشلون اگدر اعوفج هسة وعطرج هذا فوگاها موتني لو كلماتج لهسة اترن بذني گلبي راح يوگف ولج ارحمي حالي.
هي بعدها خدرانة وگالت:
_لا اتروح لعد وابقى هنا بعدين لا اتحط بعد من هذا العطر لأحد غيري اموتك والله كافي علي اعيونك الذابحتني.
واتنهدت بحسرة ابتسمت رايحة ذايبة بيدي بستها بشفايفها 💋 خرب سلخني ما اگدر اعوفهن لحد ما اختنگت وضربت صدري عفتها واثنينا نلهث گالت:
_خنگتني مو هيج.
و رجعت بستها بخدها اريدها گوة سيطرت واتمالكت نفسي همستلها واني اعدل حمرتها بصبعي:
_گومي خلي نطلع لا بعد ما اضمن نفسي واضل ساكت ولو ما اريد اروح بس مجبور.
وبستها برگبتها واشتميت شعرها يا يابة كافي لازم اطلع گمنة و صلنا للباب بس هي سحبتني و باستني برگبتي والله راح اتسودني ما بقت عقل براسي وگالت يم اذاني:
_عطرك هذا بس الي ما اتحطة گدام احد غيري و عيونك الحلوات اذا شافن غيري اذبح الشافتهن و ادلل اعيونك حتى ما تجرأ و تعصيني.
ضحكت على گلامها وبست راسها وهمست:
_صار حبيبتي النا حجي بعدين اذا بقيت بعد ما اضمنلج نفسي.
فتحت الباب وطلعنا و بدت الهلاهيل و المباركات و اكو منهن ايضحكن مفتهمت باوعت عليها هي هم تضحك و طلعت وصلت لباب المطبخ جاي اطلع صاحتلي مرام ادگول:
_اوگف حبيبي مو حلوة بحقك شيخ ويطلع محمر.
استغربت من كلامها هي جرتني للمراية جانت معلگة وشوفتني رگبتي بيها حمرة عرفت والله مو سهلة ضحكت و گلت لمرام اتوخرها مسحتها وضحكت بوجهي ابتسمتلها وطلعت و الزلم هوسة ودبكة ورگص وعمر جرني هو واخوتي للدبكة و يزن يشعر ويهوس و عمر و جود و سالم هم و حسن مترأس الدبكة فرحتهم و سعادتهم هسة تسوالي الدنيا وما بيها المهم خلصنا ورجعنا لبيت جدي و مرام جابتلي تليفون الحب اويلي يابة فديتها الاختي تفهمني بسرعة صارت ١٢ بليل حطيت رقمها ودگيت عليها.