عشق الشيخ ملكني

part:12

ونزلت فتت للأستقبال جدي وعمامي كانوا گاعدين وية عمر وعلاء وجدي عصبي گال:
_كيان اشلون كل هذا صاير مع ابو جود وما گايلي شنهي هي تايهة؟
اني افتهمت شيقصد باوعت على علاء وهو هزلي راسة بمعنى ما متقصد يحجي اني گلت لجدي:
_العفو منك شيخ بس السالفة صارت بسرعة و الوضع زين لحد الأن لتخاف.
هو گال:
_باجر حضر نفسك انروحلهم واطيهم خبر اكيد هسة تعبانين فرغ نفسك وانت محمد راح تجي ويانا.
اني وعمي گلناله:
_ان شاء الله.

وراح هو وعمامي يرتاحون لين هستوهم رجعوا من المضيف جانت اكو اطلابة وحلوها ومرام دزت العشة بيد عمر و اتعشينا و خلصنا اطيت الاوراق لعلاء و راح لبيته عمر گال:
_كل هذا صاير واني اخر من يعلم؟ ليش ما گلتلي بخطتكم؟ وشراح اتسوي بسالفة رزان؟
اني گلتله:
_طبعا مراح اگلك وانت البارحة زفتك اما سالفة رزان ، اتنهدت وگلت:
_عوفها للوكت كلشي ينحل اني بعد يومين تخلص اجازتي وارجع للدوام وانت؟
هو گال:
_مثلك انروح سوة.
ضلينا انسولف اسوالف عادية لحد الساعة 11:30م هو اخذ مرام ورجع لبيته و عمتي نور اخذت بناتها وراحن من زمان الحمد لله ما ارتاح من بناتها يجن مينبلعن خصوصاً فاطمة رحت لغرفتي داويت الجروح و لبست تراك ونمت.

ثاتي يوم گعدت مكسر جسمي يوجعني اخذت حمام سريع ولبست 👇

ولبست ساعتي ورشيت عطر ونزلت الكل كان گاعد على السفرة منتظرين الريوگ صبحت عليهم وگعدت وياهم والبنات جابن الريوگ اتريگنا وكلمن راح الشغله جدي گال:
_يلة خلونا انروح لأبو جود حتى لنتأخر على الجماعة.
اني گلت البارحة لجود راح نجيهم الصبح جدي يريد ايشوف ابوه هو گال:
_هلة بيكم بأي وكت.
اخذت مفتاح سيارتي وسقت لبيت ابو جود نص ساعة وصلنا استقبلنا ابو جود و ابو سالم و دخلنا للأستقبال و سالم جاب الچاي وجدي سأل على التفاصيل و ابو جود سولفله كل السالفة وجدي گال:
_والله والنعم من تربايتك يا ابو جود هيج بنت ترفع الراس ، اشلون راح اتحل السالفة العالم مراح تسكت.
ابو جود گال:
_مراح اسوي شي وابن ابو الي ايطلع حرف بالعاطل على نسوان هالبيت يجي يواجهني غير هذا الكلام ما عندي.
جدي گال:
_ما عندي شك بكلامك عندي كلمتين وياك وحدنا اذا ما بها زحمة ومحمد وانت ابو سالم هم تعالوا.
ابو جود گال:
_ولو اتفضلوا وياي.
وراحوا دخلوا بصالة مرتبطة بالأستقبال اني باوعت على جود وسالم وسالم گال:
_شيريد يحجي الشيخ وما قبل يحجي گدامنا؟
اني گلت:
_ما ادري والله بس ان شاء الله خير.
ضلينا نحجي عادي تقريبا نص ساعة ورجعوا ابو جود وعمي و جدي وابو سالم وهم ايضحكون استغربنا اني وجود وسالم ولا كأنهم الي قبل اشوية جانوا گاعدين واعصابهم مشدودة گعدنا اشوية واترخصنا وطلعنا بالسيارة جاي نرجع للبيت جدي گال:
_عندي كلمتين وياك من نوصل.
اني گلتله:
_ان شاء الله.

وصلنا وعمي راح لشغلة واني و جدي گعدنا بالحديقة وگال:
_تعرف شحجيت مع ابو جود من طلبته على انفراد؟
اني گلتله:
_لا والله بس اذا انت طلبته فأكيد الموضوع مهم.
هو ابتسم وگال:
_اي صحيح الموضوع هو طلبت ايد بنته رزان زوجة الك شنو رأيك؟
اني انصدمت وباوعت على جدي ما انكر فرحت وجنت متردد افاتح امي وجدي بالموضوع بس اتعصبت بنفس الوقت گلت لجدي واني احاول اسيطر على اعصابي:
_جدي شنو يعني طلبت ايدها واني ما عندي خبر ، وبعدين منو ايگول هي تقبل بهيج ظرف.
هو گال:
_الي عندي گلته واذا عليها فلا اتخاف راح تقبل وبرضاتها هم انت شنو رأيك بيها؟
اني گلتله:
_اعذرني شيخ بس قرارك هذا ما اتقبله شنو يعني تقبل ، الزواج مو لعبة قابل اتغصبوها على الزواج.
هو جاوبني بهدوء:
_ما عندي شك بيها ولا بشرفها بنت اصول والنعم منها بس انت شايف المشاكل بالمضيف و الطلايب بمثل هيج مواضيع وتعرف كلام العالم وشيحجون على البنية اذا انخطفت شيطلع عليها من اتهامات ومحد ايسكتهم انت ازوجها واستر عليها واذا ما اتأقلمتوا انت حر وقتها بس ياويلك تظلمها ما اسمحلك و البنية هسة محتاجتنا وهم الي ايمسهم ايمسنا واني ما اقبل بناتي ايمس شرفهن عاطل تقبلها انت؟
اني نزلت راسي وگلت:
_جدي ما عندي شك بكلامك كله صح بس انه تجبر البنية على الزواج ومن شخص غريب هذا اني ما اتقبله وما اقبلها على نفسي ازوج من وحدة رافضتني.
هو گال:
_لتخاف من هاي الناحية بعدين اني منتبه عليكم اشلون اتباعون على بعضكم بعرس عمر ومرام وصدگني اذا وافقت مراح تندم البنية بنت اصول شقررت هسة؟
اني اتنهدت وگلت:
_الي كاتبه الله ايصير جدي ما عندي مانع اذا هي موافقة وبقناعتها.
جدي ابتسم وربت على كتفي وگال:
_والنعم منك ابني الف مبروك مقدماً.

💜💜💜💜💜                   

شنو رأيكم بالبارت؟ 😎

شتتوقعون راح اتكون ردة فعل رزان من تعرف السالفة؟ 😏

لا تنسوني بدعمكم حبايب اطوا ابطالكم حبكم بالتصويت 👈⭐ والتعليق 👈💬 اگزگز على تعليقاتكم لا اتحرموني منها احبكم و اشوفكم بالبارت الجاي 💜

١٦٠٥ كلمة.