عشق الشيخ ملكني

part:8

كيان:
كنت اني وعمر وجماعتنا انسولف فجأة سمعنا صوت اصياح و شباب يتعاركون واثنين بنات وياهم احنا كنا واگفين على التلة وهم جوة يم الشط يعني اكو نزلة حتى نوصللهم شفنا اثنين ولد لزموا البنات وحاطين شي على رگبتهن يمكن سچاچين(سكين) علاء صديقي شرطي گال:
_خلونا انساعدهم امشوا.
رحنالهم ركض اني اسرع واحد بيهم وصلت قبلهم الي لازمين البنات مطينا ظهرهم واحد منهم نوم ابنية وراد يخنگها لين جانت اتضرب بي حتى تفلت منه اني ركضت عليه وضربته بصفحته باوعت على البنية اساعدها توگف وانصدمت البنية نفسها زران اشلون صدفه ما اگللكم گلبي اشصار بي من شفتها خليتها توگف شفت شفتها الذابحتني مجروحة وتجري دم سألتها:
_ بيج شي اتأذيتي احجي اكو شي يوجعج؟
هي گالت مبيها شي انتبهت عليها مصدومة من شوفتي و هذا الحقير راد يضربني والله اليوم اجنازتك على ايدي وگعت عليه ضرب دمرته الحقير اشلون ايمد يده عليها و عمر ساعد لبنية الثانية و علاء والباقين ساعدوا الشباب بعدين من خلصت من الولد بعد ما فقد وعيه انتبهت واحد من الشباب جود بس الثاني معرفته رحت ساعدته يوگف جان لازم ظهره لين النذل ضربه بالحديدة عليه قوي گلتله:
_اذاك هواي؟
هو گال:
_لا ضربة بسيطة لتخاف شكرا لين ساعدتنا جنت خايف عليهن لا يأذوهن.
گلتله:
_هانت لا تشكرني هذا واجبي.
وعمر ساعد الولد الثاني وهم انضرب على رجله گام يعرج اشوية بس اصابته بسيطة مو شي خطير الحمد لله هم اتشكر من عمر و گلت لعلاء:
_خابر على دورية خلي تجي تحبسهم .
هو بسرعة خابر على مركز قريب منا اجت الدورية بسرعة لزمتهم و رزان اجت حضنت جود وهي ترجف عليه خطية خافت باوعت عليه وگالت:
_ظهرك يوجعك هواي حبيبي؟
هو باس راسها وگال:
_لا هسة اشوية ويروح الوجع لتخافين.
هو شاف شفتها مجروحة طلع منديل من جيبه و مسح الدم وگللها:
_اضغطي عليها حتى يوگف الدم انجرحتي اشوية.
ضغطت عليه ومسحت الدم و رجعت حضنته و البنية الثانية حضنت الولد الثاني همين ورزان گالتله:
_حبيبي رجلك اشلونها اتأذيك هواي.

(هنا ردت اجرم بيج شنو حبيبي ولج واني واگف يمج 😒 وبعدين شنو الحضن ما يخلص لجود 😡)
(اني شعلي جنت خايفة عليه وحضنته بعدين هذا لدغار منه اخوي حبيبي وسالم نفس الشي وشي ثاني جنت غريب يعني تريدني احضنك على اي اساس)
(ها هيجي صار الحجي غريب مو اني اعلمج احسابج بعدين)
الكاتبه(انتم بطلوا عرك وكملوا القصة الكل يريد يعرف اشصار بعدين 😡)
رزان(صار لعيون حبايبنا مو على مودج لتكيفين 😜)
الكاتبه(مو مهم كملوا وانتم عاقلين 😒)

الولد باوع عليها وابتسم وگال:
_لتخافين ما بية شي اشوية واصير احسن.
ورجعت گالت:
_ان شاء الله حبيبي.
اني گلتلهم:
_اذا ما بيكم شي لازم تجون ويانا للمركز حتى انقدم افاداتنا.
جود گال:
_ما عندي مانع اتفضل.
والولد الثاني هم ما عارض و رحنا بسيارات الشرطة للمركز وجود خابر على اهلة وگللهم مراح يتأخرون عدهم شغلة ايخلصوها ويرجعون وسد التليفون.
وصلنا للمركز و قدمنا افادتنا اصدقائي راحو لشغلهم واني وعمر طلعنا وجود والباقين ويانا جود گال:
_شكرا الكم ما قصرتوا ممنون منكم معرفكم هذا ما انساه.
اني گلتله:
_واجبنا حبيبي لا تشكرنا.
عمر گال:
_وجبنا ولو تدللون بس شسوون هنا .
جود گال:
_اجينا زيارة لبيت عمي وحتى انغير جو اتعرفون عطلة هسة محد يبقى ابيته اعرفكم هذا سالم ابن عمي وهاي الحلوة اخته فاطمة شباب هذا الضابط كيان و صديقه عمر الي ساعدونا لمن انخطفت رزان.
سالم صافحنا وگال:
_فرصة سعيدة اتشرفت بمعرفتكم واشكركم لين نقذتوا رزان بذاك اليوم ومعروفكم هذا ما انساه ممنون منكم.
اني گلتله:
_واجبنا تدللون.
فاطمة گالت:
_اهلا وسهلا اتشرفت بمعرفتكم.
اني وعمر:
_اهلا بيج النا الشرف.
جود گال:
_لازم نرجع لا يقلقون الأهل تعالوا وشاركونا الغدة على الشط راح يفرح الوالد بشوفتكم.
گلتله واني ابتسمله:
_مشكور على غير مرة ان شاء الله لازم انروح هسة عدنا شغل لازم انخلصه.
عمر گال:
_على غير مرة ان شاء الله نترخص منكم.
صافحناهم وگالوا:
_مرخوصين الله وياكم.
وگفنا تكسي وبوجهنا لمحل صديقنا للبدلات الرسمية لازم انجيبهن لين باجر الحنه وصلنا واخذنا البدلات و رجعنا للبيت الساعة 6:30م و كنا گاعدين بالحديقة و گال عمر:
_ليش صافن ادري بيك اتفكر بيها.
اني ابتسمت وگلتله:
_انسى لا اطول الموضوع وفكر باجر يومك.
هو ضحك وگال:
_اي غير الموضوع براحتك يجي يوم وافرح بيك.
ابتسمتله ودخل علينا حسن جايب العشة گال:
_اشلونكم شباب هذا العشة ويزن راح ايجيب عصاير ويجي.
گلتله:
_هلة الحمد لله هسة يلة رجعت للبيت؟
هو گال:
_اي من رجعت امي گالت اجيبلكم العشة محد بالبيت وشفت يزن هستوة راجع دزيته يجيب عصاير انتم اشسويتوا كملتوا شغل ونواقص البيت؟
عمر گال:
_اي خلصنا الحمد لله تعال اگعد اتعشة ويانا الأكل هواي.
هو گعد و اشوية واجة يزن وجايب العصاير بدينا نتعشة و انسولف گلت لحسن:
_حسن باجر انت جيب السيارة بس ايكملوها و يزن انت اتجيب مرام من الصالون ماشي ؟
هم گالو:
_صار بأمرك.
عمر گال:
_اليوم خابر ابو القاعة وگال كلشي تمام و الساعة 5 احنا هناك.
اني گلتله:
_ان شاء الله.
وضلينا انسولف لوقت متأخر حسن ويزن رجعوا للبيت وعمر خابر مرام اشوية ورحنا نمنا ثاني يوم.

💜💜💜💜💜                   

اشلونكم حبايب حبيتوا البارت؟
😇
لا اتحرموني من تعليقاتكم 👈💬 وتصويتكم 👈⭐ اموت عليكم واشوفكم بالبارت الجاي اطوا رزان وكيان حبكم البارتات القادمة دمار للقلب ترقبوا 😈

١٦٢٩ كلمة.