This is a work of fiction. Names, characters, business, songs, places, events, and incidents are either product of author's imagination or used in a fictitious manner. Any resemblance to actual persons, living or dead, or actual events is purely coi...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
kinaumagahan ay maaga akong nagising dahil malayo-layo dito sa Kamora ang bundok Tandawan. Tulog pa ang lahat noong ako ay bumangon puwera kay Jacko na siyang kasama ko sa paglalakbay na ito. "Anong gagawin natin sa bundok Tandawan, Basil?" tanong niya sa akin.
"Kikitain natin si Adara," sambit ko habang naglalagay ng mga kagamitan sa maliit kong lalagyan.
"Si Adara!? Ang dating miyembro ng Ixion!?" bakas sa mukha niya na hindi siya makapaniwala sa aking sinabi.
"Oo, siya rin ang ina ni Melia."
"Tanginang 'yan," nailing ako sa mura niya dahil kita ko kung paano gumapang ang kaba sa buo niyang katawan. "Sigurado ka bang tayong dalawa lang ang tutungo sa bundok ng Tandawan? Hindi mo ba naisip na baka isa lang itong patibong para pasukuin ka? Isang mamamayan ng Norton ang kahaharapin mo ngayon at higit sa lahat, dati pang miyembro ng Ixion."
"May tiwala ako kay Adara na tutupad siya sa pinag-usapan namin," Naisip ko na rin naman ang mga maaaring kahinatnan ng padalos-dalos kong desisyon na ito ngunit handa ako. At isa pang pinanghahawakan ko ay dalawang buwan kong naging guro si Adara, alam kong seryoso siya sa kanyang mga salita at hindi niya ako ipapahamak. "Nadala mo na ba ang mga kailangan mong dalahin?"
"Ayos na." wika ni Jacko.
Lumabas kaming dalawa ng aming silid at saktong kalalabas lang din ni Flavia mula sa kanyang kwarto. Napansin niya ang aming suot na dalawa na handa na sa paglalakbay. "T-teka, saan kayo pupuntang dalawa? Hindi ba't bukas pa ang alis natin dito sa Kamora?" tanong niya sa amin.
"May pupuntahan lang kami ni Jacko sa 'di kalayuan, babalik din kami mamayang hapon." paalam ko sa kanya at hindi naman nagtaka si Flavia dahil madalas naman kaming umaalis ni Jacko lalo na kapag may mga bagay siyang natutuklasan dahil sa akin niya ito unang sinasabi.
"Ikaw na ang magsabi sa mga kasamahan natin tungkol sa aming pag-alis," bilin ko kay Flavia at tumango naman ito bilang sagot.
Pagkalabas namin ng bahay na aming tinutuluyan ay papasikat pa lang ang araw at wala pa masyadong mga tao sa paligid, puwera na lang sa ilang manggagawa na hanggang ngayon ay nagkukumpuni ng mga bahay.
"Basil, wala na 'tong atrasan. Maaari ngang pag-uusap lang ang pakay ni Adara o kaya naman ay isa itong patibong na inihanda ng Ixion." seryosong sabi ni Jacko sa akin. "Hindi ako takot mamatay pero tangina gusto kong mamatay man lang sa bayaning paraan, hindi dahil ako'y nagipit nang mga kalaban."
Napailing ako sa pahabol niyang hirit. "Magtiwala ka sa akin. Hindi tayo sasaktan ni Adara lalo na't kasama natin si Melia na kanyang anak. Alam niyang pwedeng masaktan ang kanyang anak sa oras na may gawin siyang masama sa atin."
Naglikha na si Jacko ng dalawang griffin na siyang magiging sasakyan namin sa himpapawid.
Sumakay na ako sa isa at sumakay na rin si Jacko sa kabila. "Magtiwala ka sa akin, hindi ako kikilos ng walang plano.
