The Paramount Code (The Odd Ones, Book 1)

023. All For One

Sketch was not able to respond as Kei started dragging him away. He is already weak, and his alter is overpowering him in every way.

"Saan tayo pupunta, Kei?" Sketch managed to say while he was dragged recklessly by his duplicate.

Kei stopped walking and looked at him with a dark and chilling expression on his face. "We're going to decide who becomes the alter... and who takes over."

********

Nang marating ni Jacob ang rooftop, sakto namang naabutan niya sina Sketch at Kei na nagtatalo. Nakatayo ang alter sa isang delikadong bahagi ng rooftop, at anumang galaw niya ay maaari siyang mahulog mula roon.

Halatang pilit na pinapakiusapan at pinapakalma ni Sketch ang duplicate niya, pero bakas din sa mukha ni Kei na hindi ito basta magpapadaig at magpapadala sa mga pagsusumamo ng kausap.

Hindi nagtagal ay dumating na rin ang iba pa nilang mga kasama sa Paramount Class kasama ang class adviser nilang si Daniel at ang dalawa pang duplicates na sina Kit at Steven.

Isang malakas na tawa ang lumabas mula kay Kei habang pinagmamasdan silang lahat. "Wow... Iba rin. All-star cast talaga? Ang astig naman..."

"Kei, alam kong masama ang loob mo," ani Sir Daniel sa kanya, "Pero pwede natin 'tong pag-usapan. Bumaba ka muna diyan... It's seriously dangerous from where you are standing."

"Sir, kaya nga ako pumwesto dito eh... Because it's dangerous. And I love danger..."

Akma na sanang susugod si Nico, pero mabilis siyang pinigilan ni Gwen. "Huwag... Hindi natin issue 'to. Parte sila ni Sketch, kaya siya lang dapat ang mag-ayos nito."

"Kapag hindi mo itinigil 'to... mapipilitan akong saktan ka, Kei..." pagbabanta ni Sketch na unti-unting naglalakad palapit sa duplicate niya.

Kei sighed as he rolled her eyes, before going down from where he was standing and moving towards Sketch. "Sige... Tara dito. Saktan mo ako."

Hindi makagalaw si Sketch sa kinatatayuan niya, kaya pinagtawanan siya ng kaharap.

"Hindi mo naman pala kaya eh... Pero ako," Inilabas ni Kei ang isang kutsilyo mula sa bulsa niya, at iniamba ito sa leeg niya, "Kayang-kaya kong gawin 'yun." Kei then smirked as he looked at all of them with dead eyes, "Alam mo ba kung ano ang nadiskubre ko nitong mga nakaraang araw? Kapag nasusugatan ka ang isa sa 'tin, masusugatan din 'yung iba. Kaya kapag ginilitan ko ang leeg ko, pare-pareho tayong mamamatay. Ang galing, 'di ba?"

Napahinga nang malalim si Kit at nagsimulang lumapit sa kapwa niya duplicate na si Kei. "Itigil mo na 'to... Kahit anong gawin mo, walang mangyayari. Parte lang tayo ng utak niya, at hindi tayo magiging si Sketch... Hindi tayo magiging tao."

"Hindi mo ako naiintindihan, Kit... You don't know what I feel... You don't how frustrated I am."

"Frustrated ka man o hindi, hindi tama 'tong mga ginagawa mo. Itigil mo na 'to, at ibigay mo na sa 'kin ang kutsilyo na 'yan."

Saglit na natigilan si Kei at pinagmasdan ang kutsilyong hawak niya. A bone-chilling smirk then appeared on his face.

"No fucking way..." Pagkatapos ay mabilis niyang iginalaw ang kamay upang bahagyang matamaan si Kit ng kutsilyong hawak niya. Dahil doon kaya nagkaroon ng mababaw na sugat ang lalaki.

Napatingin si Gwen sa katabing si Sketch, "Totoo nga ang sinabi niya... Masusugatan ka pa rin kahit hindi ikaw ang tinamaan."

Hinawakan ni Sketch ang pisngi niya, at nang tingnan niya ang kamay ay doon niya nakita ang dugo na nagmula sa sugat niya.