လင်းမိုက အလွန်အမင်းရှေးကျသော သားရေဖြင့် ဖုံးထားသော စာအုပ်ကြီးကို ရှာတွေ့သောအခါ အထဲမှပါသည်များကို စေ့စေ့စပ်စပ်ဖတ်ရှုနေသည်။ ဖတ်သွားသော စာကြောင်းတို့အလိုက် ရွေ့သွားသော သူ၏ လက်ချောင်းတို့က သူမည်မျှ အာရုံစိုက်နေကြောင်းဖော်ပြနေသည်။
စာအုပ်၏ တစ်နေရာအရောက်တွင် ထိုရွေ့လျားနေသော လက်ချောင်းတို့က ရပ်သွားသည်။
တစ်စွန်းတစ်စ မြင်ရသော စာမျက်နှာ၏ ထိပ်တွင် နတ်ဆိုးဟုယူဆရေသာ အသွင်သဏ္ဍာန်ကို တွေ့လိုက်ရသောကြောင့် ထိုစာပါအကြောင်းအရာတို့သည် တစ္ဆေမိစ္ဆာနတ်ဆိုးတို့နှင့် သက်ဆိုင်ကြောင်း အမတ်ကြီး အကြမ်းဖျင်းယူဆလိုက်လေသည်။
"အမတ်ကြီး...''
လင်းမိုက ဖတ်ရှုပြီးသည့်အခါ ထိုစာအုပ်ကို ခပ်လှမ်းလှမ်းက သူ၏ စားပွဲပေါ်သို့ ပစ်တင်ရင်း လှမ်းပြောသည်။
"မြောက်ပိုင်းရဲ့ အခြေအနေဘယ်လိုလဲ''
"မှန်လှပါအရှင်၊ အခုချိန်ထိတော့ ထွေထွေထူးထူးဖြစ်ရပ်တွေ မရှိသေးဘူးလို့ သိရပါတယ်''
လင်းမိုက သက်ပြင်းချပြီး လေပူတစ်ချက်မှုတ်ထုတ်လိုက်သည်။အနည်းငယ် ညိုနေသော သူ၏ မျက်ဝန်းက သူမည်မျှ စိတ်ဖိစီးနေကြောင်း သက်သေခံနေသည်။
"အဆိုးထဲက အကောင်းပေါ့၊ ကိုယ်တော်အမတ်ကြီးကို ကြီးလေးတဲ့ တာဝန်တစ်ခုပေးရတော့မယ်၊ အခုဆယ့်ငါးနိုင်ငံလုံးက ဖြစ်ပျက်နေသမျှကို မြောက်ပိုင်းက အိမ်ရှေ့စံရဲ့နားထဲမရောက်အောင်လုပ်ပါ၊ လိုအပ်ရင် အကြောင်းတစ်ခုခု ပြပြီး တောင်ပိုင်းနဲ့ မြောက်ပိုင်း ကုန်သွယ်မှုကို ဖြတ်တောက်လိုက်''
အမတ်ကြီးက နာခံစွာ ခေါင်းညိတ်ပြသည်။ သူ့အတွက် ခက်ခဲသော တာဝန်ဖြစ်သော်လည်း အရှင်လင်းမို၏ အာဏာစက်အောက် မည်သူမျှ လွန်ဆန်နိုင်မည်မထင်။
လင်းမိုသည် သူ၏ နန်းဆောင်တွင် မည်သည့်ကိစ္စမျှ မဖြစ်ပျက်နေသကဲ့သို့ လီချန်းယုံထံ စာရေးလေသည်။ ဤအရာက များပြားလှသော အလုပ်တာဝန်များကြားမှ အရေးကြီးဆုံးသော တာဝန်ပင်။ စာရေးပြီးသောအခါ လင်းမိုက ခါတိုင်းကဲ့သို့ ခိုလေး၏ ခြေထောက်တွင် သူ၏ စာကို ချိတ်ပေးလိုက်သည်။
YOU ARE READING
The True Conqueror [Complete]
Historical FictionTitle - The True Conqueror (အောင်နိုင်သူအရှင်) တောင်ပိုင်ဘုရင်ကြီးလင်းမိုနှင့် မြောက်ပိုင်းအိမ်ရှေ့စံ လီချန်းယုံတို့၏ ကြည်နူးဖွယ် ဒဏ္ဍာရီတစ်ပုဒ်... Name - The True Conqueror (ေအာင္နိုင္သူအရွင္) ေတာင္ပိုင္ဘုရင္ႀကီးလင္းမိုႏွင့္ ေျမာက္ပိုင္းအိမ္ေရွ႕စံ...
Chapter 57
Start from the beginning