အခြေအနေက ပိုမိုဆိုးဝါးမလာသော်လည်း အချိန်ကိုက်ပေါက်ကွဲမည့် ဗုံးတစ်လုံးကဲ့သို့ပင်။
မြောက်ပိုင်းသည် တောင်ပိုင်းနှင့် အဆက်အသွယ်ရှိသော်လည်း ကုန်သည်အချင်းချင်းသာ ဆက်သွယ်နေကြခြင်း ဖြစ်သည်။ ထိုသတင်းစကားတို့က အိမ်ရှေ့စံ၏ နားသို့ မပေါက်သေး။ လင်းမိုသည်လည်း အနှီက်ိစ္စတို့ကို လီချန်းယုံအားပြောမပြချေ။
သာမန်အခြေအနေကဲ့သို့ ဟန်ဆောင်ကာ လီချန်းယုံဆီသို့ စာများပို့နေသည်။ လီချန်းယုံမှာ လင်းမို သာမန်ကဲ့သို့ အလုပ်များနေသည်ဟု ထင်မှတ်ကာ သူ၏ ပြန်စာများက အလုပ်ပိုရှုပ်စေမည်စိုးသောကြောင့် ပြန်စာပင် မရေးဖြစ်ချေ။
ရက်ပိုင်းခန့်အကြာတွင် အဖြစ်အပျက်တို့မှာ ပိုမိုဆိုးဝါးလှသည်။ ညဘက်တွင် ပေါ်လာတတ်သည့် အရိပ်မည်းကြီးများက သာမန်လူတို့၏ အသက်အန္တရာယ်ကိုပင် ခြိမ်းခြောက်နေသည်။ နေဝင်သွားသည်နှင့် ကောင်းကင်မှ အရိပ်မည်းကြီးများ ပေါ်လာတတ်ပြီး လမ်းမတွင် ရှိနေသူတို့ကို လေပွေလို စုပ်ယူသွားလေသည်။ အရိပ်မည်းကြီးနှင့် ပါသွားသော သူတို့မှာ မည်သည့်နေရာတွင်မျှ ရှာ၍မရအောင် အစအနမကျန်ပျောက်ဆုံးသွားလေသည်။
ဖြစ်ရပ်တို့က ကြုံဖန်များလာသောအခါ လူသားတို့်မှာ ညဘက်ပင် အပြင်မထွက်ရဲအောင် ဖြစ်လာသည်။ ယန်နိုင်ငံတစ်ခုတည်းသာမက ကျန်နိုင်ငံများ၌ပါ ထိုသို့ ဖြစ်နေခြင်းဖြစ်သည်။
ထိုအရိပ်မည်များသည် နတ်ဆိုးဘုရင် ဒုတိယတမန်တော်များ ဖြစ်သည်။ တတိယတမန်တော်များရောက်လာပြီးလျှင် နတ်ဆိုးဘုရင် လူ့လောကသို့ အမှန်တကယ်ရောက်လာမည်ဖြစ်သည်။
လင်းမိုက နန်းဆောင်ပတ်ပတ်လည်မှ ပေါ်လာတတ်သော အရိပ်မည်းများကို လျစ်လျူရှုကာ သူစာကြည့်ဆောင်တွင် အချိန်ဖြုန်းနေသည်။ သူ၏ နံဘေးတွင် စာအုပ်များက ပြန်ကျဲနေသည်။
လင်းမို ထိုစာဖတ်ခန်းထဲမှ မထွက်သည်မှာ သုံးရက်ကျော်ကြာမြင့် ပြီဖြစ်သည်။ ထိုရက်အတွင်း အစားလည်းမစား၊ အိပ်လည်းမအိပ်ပေ။
သူကတစ်စုံတစ်ခုကို ရှာဖွေနေဟန်ဖြင့် စာအုပ်စင်မှ စာအုပ်ကို တစ်အုပ်ပြီးတစ်အုပ် ဖတ်နေလေသည်။ နံဘေးမှ အတိုင်ပင်ခံ အမတ်ကြီးမှာ အခြေအနေကို စောင့်ကြည့်အကဲခတ်နေဟန်ဖြင့် တိတ်တဆိတ် မတ်တပ်ရပ်နေသည်။
YOU ARE READING
The True Conqueror [Complete]
Historical FictionTitle - The True Conqueror (အောင်နိုင်သူအရှင်) တောင်ပိုင်ဘုရင်ကြီးလင်းမိုနှင့် မြောက်ပိုင်းအိမ်ရှေ့စံ လီချန်းယုံတို့၏ ကြည်နူးဖွယ် ဒဏ္ဍာရီတစ်ပုဒ်... Name - The True Conqueror (ေအာင္နိုင္သူအရွင္) ေတာင္ပိုင္ဘုရင္ႀကီးလင္းမိုႏွင့္ ေျမာက္ပိုင္းအိမ္ေရွ႕စံ...
Chapter 57
Start from the beginning