كرونيك:💕💕تزوجت ابن خالي لارضاء جدي💕💕

10

نشوف في روحي فالمرايا نتحضر لخالد كيفاش نسلمو نفسي بكل بساطة صح حقو وراجلي بصح موحال نموت وماتصراش😢😢😢😢
نهار جابولي النعجة ذبحوها كنت واقفا قدامها تمنيت انا قي بلاصتها كي راهو خلاوني معاها وحدي جاو لقطط ياكلو فيها انا متحركتش باقيا نشوف فيها ونبكي حتى جات بنت عمتي
سمرة وشبيييك خليتيهم كلاوها
فطنت لروحي رحت نجري لبيتي نعيط ونقطع في شعري نهرت جات خالتي تقرالي فالقرأن وتسكت فيا قالو راهي العين ولا تأذات من الدم كنت كي المهابل نقطع في قشي ونقولهم ماندييييهش مانحبووووش يا ربي ديني ومانديهش
بالسيف لا هدنت ورقدت بقشي مقطع عيطلي شاكر سكران عاى 3 تاع صباح كانت هدى وبنت عمتي راقدين معايا نضت نعدد في نص ليل وهو يسمع قالي كنت نعشق في دمعتك بصح درك ولات تعذبني قالي طلي نشوفك اخر مرة راني نحت الدار هوما يسكتو فيا ويبكيو معايا راح نطيش روحي شفتو واقف بالشورت والتريكو تبو وبالحفا 😥😥😥😥 قالي مالقيتش روحي كيفاش وصلت لهنا
سامحيني يا حبيبة قلبي ساااا محيني موحال ننساك يا عمري
انا غير نبكي ماش مصدقة لكان هذي اخر مرة نحكي معاه  نصوطي فالبيت ونندب في وجهي هدى تحضن فيا وتبكي معيا هو راح يروح وانا وليت رقدت بالشهقة تاع البكية صباح نوضوني قتلهم زالله لا حطيت رجلي فالحفافة كون تخلا
مشطولي فالدار ودارولي ماكياج
بقيت نستنا حتى جاو يحنيولي تيليفوني عند هدى نتبع فيها بعينيا تقولي اذا عيط شاكر عيطو لماما قالولها راما قريب نوصلو لبسولي القاطيفة ودارولي الدراية دموعي يهبطو والله بلا ما نحس الماكياج سااااح وليت نخلع ماش هامني مسحولي وعاودولي جيت معاهم قدقد
ڨودتني هدى واخت خالد كنت نمشي ورجليا ماش هازيني هوما يحنيو ويغنيو بالفم هذيك الغنية زادت عليا دمرتني
تقول يلا يا لبنات قولو لجيرانا
يجيبو الزغراتات الليلة ليلة الحنة 😥😥😥😥
حبيبي غذوة يجيبلي هدية
دفوع بعيساوا والبارودية 😭😭😭😭😭
يااااا ربي مانيش طايقا نصبر على حبيبي يا ربي اديني غذوة عرسي وانا نشوف فيها جنازتي
كنت نبكي فالحنة ماجاو يخلصو شطحوني شويا وخرجت ماقدرتش خلاااص رحت للبيت كي العادة بكا ونديب ماكليت والو يومين لي نحطها في فمي نرجعها ايييه هذي اخر ليلة ليا ونروح عند راجلي ونخلي قلبي عند حبيبي لي مزادش بان توحشتو بايتا فالبالكو هذيك الليلة طامعا يجي نشوفو ستنيت ستنيت وليت دخلت نشوف فلاغوب واقفا فالڨاغد غوب
ياااا ربي نوض نقطعها نقطع لحمي نندب وجهي وااااش ندير قولولي 😭😭😭😭
صباااااااح جا صباح الاعدام تاعي هذا اتعس نهار في حياتي تمنيتو يكون مع حبيبي شاااااكر وينهوووز شاااااكر جييييبولي عمري 😢😢😢😢
مشطولي فالدار كيف كيف ماكياج سامبل لبست لاغوب حكمني لخرس مانطقت حتى كلمة راح نتطفا نشوف فيهم يشطحو ويظغرتو راح نوض نسبهم علاش راهم فرحاننيييين حبيت نفهم علاااش راهم يديرو هك جاو نسمع فالكلاكسون قلبي بدا يخبط نشزف هدى جات تجري النظرة لي في وجها باينا هذا حبيبي عيط عرفتو مدتلي التيلوفون رحت للبالكو نشوف فيه واقف بعيد مقابل البالكوم
نحبك سمرة
نحبك شااااكر نحببببك
ربي يهنيك عمري تهلاي في روحك ماقدرتش نصبر منشوفكش سامحيني اذا فسدتلك نهارك حبيبتي 😥😥😥😥
يا عمري متزيدش عليا بهذ الهدرة انا حياتي اليوم خلاصت من وراك كانسحق حتى راجل نحبط شاااكر موحال نحب غيرك تهنى كون يقطعوووني
تهلاي في روحك وماتبكيش تعيييييشي ماتبكيش راني نموت يا سمرة راني نموووت كون غير ما جيتش وماشفتكش هك هذ النهار تمنيتو معاك ماش مع غيرك يا حبي باي نشوف فيه كوبا وراح يجري يجري يجري حسيت النفس التقطع فيا طحت تصرعت فاللرض ماجاو يفطنوني بالسيف  هوما جاو وقاعدين يستناو فيا

جااااااام للحقلة