كرونيك:💕💕تزوجت ابن خالي لارضاء جدي💕💕

2

وكنت نشوفو يقعد وحدو بزاااف
سقسيت ختو
سارة وشبيه خالد رجع كالم بزاااف
عاااشق يا قلبي عاااااشق
انا كي قاتلي هكذا قلبي تحرك اوووو خالد يعشق غيري مستحييل
ايا طاحلي المورال وليت قلت حب طفولا برك من حقو يحب من اختيارو خير ويشوف حياتو
بقيت 3 شهر لتم كي يكون قدامي نحسو راح ياكلني حتى من وقت لاسياست يجي يرقد بحذايا نحل عينيا نلقاه يشوف فيا
من بعد رجع عنيف معايا خاصة قدام لافامي لبنات كي نكونو نڨسرو يقولي انا نحب فلانة خير منك وهي فالزين خير منك وانت هك وانت هك المهم يطيحلي المورال كانت تغيضني عمري نحكم الدمعة بالسيف
وليت حتى انا منخلي منهدر وديما نبينلو بلي انا خير منك وقارية عليك وزينة عليك المهم وليت نحارب فيه باسلحتو
كي يكون وحدو معايا انسان اخر عينيه معمرين حب
من بعد قالي بلي هو يحب وحدة تقرا معاه ويعشق فيها ويموت عليها
انا ساندتو صح حسيت قلبي وجعني شويا مي نورمال مكنتش نحبو
فاتت الصيف ورجت نقرا كبرنا عام انا 17 وهو 18 ناض جدي قال لخالي
يا علي الصيفة هذي نخطبو سمرة لخالد راهم كبرو ماعندنا مانستناو
يا دادا مزالو صغار وخالد لا مستقبل لا والو وزاد حبس لقرايا
لالا نحطو عليها الكلمة برك وزيد كاين الخير يخدم في ارضو
لالا ادادا لازم يشوف خدمة عند الحكومة خير
انا قلت الصيف يعني الصيف الطفلة كبارت وراهي تقرا كاشما تخمم هك ولا هك وتشوف لبرا ولد خالها بجل بيها
يرحمها ربي منا لصيف يديرلها ربي طريق
في هذا الوقت انا صح وليت نشوف مع رويحتي وكبرت كنت فالليسي  2 ثانوي صاحبتي كانت هذاك العام 2009 عام لعبت مصر والجزائر خرجت مع صاحبتي لابسين لي كاشني تاع دزاير وراسمين في وجوهنا وحالتنا حالا تبعونا زوج يفتقووووو فالزين انا كنت منحلبش زعما واحد هدر معايا والثاني مع صاحبتي هي حكات مع منصف وانا محمد ما حبيتش نحكي معاه حسبني عڨونا
حلبينا اسيدي بكلمة برك
😷😷😷😷😷
وشبيها هذي ماتهدر
شوف خويا مانيش ماكالاه تقلق روحك مانيش حاكيا معاك ورحت نروح
صاحبتي حكمت رقم منصف وبدات تحكي معاه وكان كي يجي يڨسر معايا ونضحكو يعني رجع امي تاعي فووور
فاتو شهورا وحد النهار قاللها راني وجايب صاحبي لسمرة قاتلو شكون محمد؟؟ لالا واحد اخر
اني حكيتلو عليها والله هو ناس ملاح وحابهم يتعرفو على بعض
انا كي قاي رفضت رفض قاااطع جاااام للحلقة نكمل