Stuck Between Two Hearts

Chapter 17

Vanilla Pov*

Nagising ako bigla nang maramdaman kong may kumakalabit saakin. Gusto ko sanang pahirin ang aking mukha nang maramdaman kong nakagapos ang mga ito. Napamulat ako at napatingin sa taong nasa harapan ko.

"Mmm-mm-mmm!" Sigaw ko kasi pati mga bibig ko ay may nakalagay na masking tape.

Ano bang nangyari? Bakit ang dilim?

Naaninag ko si Jam na kagaya ko ay nakagapos din at may takip sa bibig. Naguguluhan ko siyang tinignan.

Gusto ko siyang tanungin but I can't say anything. I want to cry pero pinigilan ko kasi alam kong walang magagawa kapag iiyak lang ako ngayon.

Nakidnap ba kami? Pero bakit? As far as I know wala naman akong nagagawang masama ah o hindi kaya ay may nakaaway ako. Pero parang wala naman.

Nakatitig saakin si Jam at bigla siyang tumingin sa ibang direksiyon. Nang sinundan ko ito nakita ko si Lili na nakahiga. Dali-dali ko itong nilapitan kahit nahihirapan akong gumalaw.

Niyugyog ko siya hanggang magising siya. Napakurap pa ito upang iadjust ang kaniyang patingin.

Nang nakita niya kami, nanlaki ang kaniyang mga mata. At gaya namin hindi din siya makasigaw.

Sh*t buti na lang!! Naalala ko may nilagay pala akong cellphone sa may ankle ko. Hindi mo ito mapapansin dahil sa liit nito. Sana naman masagot nila Thorn ang kanilang selpon.

Nagtatanong na tumingin saakin sila Jam dahil bigla kong itinapat itong paanan ko sakanila.

"Mmm—mm—mm—mm." Nahihirapang kong sabi at tinuro gamit ang mukha ko ang paanan ko. Ilang segundo rin nila ako tinignan lang. Kaya inulit ko.

Nang naintindihan na nila ang sinasabi ko, Mabilis silang tumalikod saakin at sabay nilang hinawakan ang ankle ng paa ko. Naramdaman kong nahawakan na nila iyong maliit na selpon kaya mabilis nila itong kinuha.

Pagkatapos non ay pinilit kong tumayo gamit ang pader na nasa likuran ko. Nang nakatayo na ako mabilis akong lumapit kay Lili at tinapat ang kamay ko—na nasa likod ko—sa mukha niya para matanggal ang nasa bibig nito.

Mabuti na lang talaga nanonood ako ng mga hacks sa internet na kung paano makaalis sa mga senaryong ganito.

Pagkatapos kong tanggalin ang nakalagay lumapit naman ako kay Jam para tanggalin din ang nakalagay.

"Th-a-anks G-od." Napapaos na sabi ni Jam.

Bumalik naman ako sa pagkaupo upang tanggalin din nila ang nakalagay sa bunganga ko.

Napapikit ako nang maramdaman ko ang hapdi ng dulot ng pagtanggal ni Lili sa masking tape.

"Hays.." napasabi na lang ako nang natanggal ito.

Nakikita ko sa mga mukha nilang natatakot sila sa kalagayan namin ngayon. At ako din naman pero kailangan kong tatagan ang aking loob para makapag-isip ng paraan upang makaalis kami rito.

"Turn around Lili so that I can see who you are calling." I said. Kailangan na naming macontact ang mga boys sa lalong madaling panahon dahil kung hindi, hindi namin alam kung ano ang mangyayari dito.

Mabilis na hinanap namin ang pangalan nang kung sino man ang kilala namin. At nakita ko ang pangalan ni Dyran.

"Ayan na." Sabi ko. Mabilis naman pinindot ni Lili ang call button.

Napalundag kami sa gulat nang may narinig kaming kaluskos galing sa labas. Dali-dali akong tumayo at kinuha ang mga mask tape na nakalagay sa mga bibig namin kanina at mabilis kong nilagay sa mga bibig noong dalawa.