لهفة قلب عاشق

الفصل السادس1

الفصل السادس1
لهفة قلب عاشق 2 ((لهفة عشق وعاشقين))

إلياس بصدمه: أنت بتقول ايه يا مروان أيه إللي جابها دى؟وبتهبب ايه هنا

= أنا هاقولك أنا بهبب أيه هنا يا إلياس بيه
إلياس بص للصوت بغضب شديد وماكانش حد غير زينه
زينه بابتسامة مستفزة: تؤ تؤ تؤ ماتقولش إن مفاجاتى ماعجبتكش
إلياس بص لمروان بعينيه بمعنى يسيبهم لوحدهم
مروان بص عليهم للمرة الأخيرة وخرج وقفل الباب وراه
إلياس بص لزينه بتركيز وماتكلمش وتابعها وهي بتتحرك ناحية المكتب وبتقعد باناقه شديده. برغم الجرح في وشها إلا أنه ماينكرش إن زينه من أجمل الستات إللي قابلهم والجرح ده ماقتلش غرورها بالعكس ده زاد أوى
حطت رجل على رجل وبصتله: خير يا إلياس بيه هتفضل واقف مصدوم كتير اتفضل أقعد محتاجين نتكلم
إلياس قاطعها بجمله صارمه: أيه إللي رجعك دلوقتى يا زينه
زينه ابتسمت ببرود وقالت: أنا ماينفعش أبعد أكتر من كده النار إللي جوايا قايده ومشعلله وكل مادا بتزيد أكتر وأكتر وأنا شايفاهم بيرجعوا لحياتهم وبيستقروا أنا مش هسيبهم مبسوطين لازم اخليهم يندموا
إلياس بحده: ده ماكانش اتفاقنا
زينه وقفت بعصبيه وضربت المكتب بايدها: إتفاق إتفاق إتفاق ملعون أبو الإتفاق
بصتله بكره: الإتفاق ده مش معايا يا إلياس أنا هخليهم يعيشوا في نار مش هيعرفوا يكفوها عمرهم كله هخليهم يندمو
إلياس بهدوء سابها وقعد علي مكتبه ومسك قلم يحركه في أيده لثوانى بتفكير:اممم تنتقمى ..تنتقمى من عيلة جوزتك لابنهم برغم كوارثك وبلاويكى أنتى وأمك...ولا تنتقمى من زوج اداكى اسمه وأنتى خنتيه ودمرتي حياته ولا تنتقمى من ناس عاملوكى واحده منهم بصلها بحده وتابع:تنتقمى من مين بالظبط يا زينه هاه فهمينى؟
زينه انحنت ناحيته وشها مقابل وشه: انتقم من دى وشاورت علي جرح في وشها
إلياس حط أيده علي خده لثوانى وبص للجرح بسخريه وتابع: تنتقمى عشان جرح يعنى مش عشان ابنك.....

= جاسم بيه
جاسم ألتفت لصوت الدكتورة المنقبه: افندم يا دكتورة وركز على الاسم المكتوب:منار
الدكتورة: أهلا وسهلا يا افندم الحقيقه كنت عاوزة من حضرتك طلب
جاسم: اتفضلي
الدكتورة: الحقيقه أنا دكتورة جديده فى المستشفى وبعمل أبحاث عن الغيبوبات الطويله وأسبابها وعرفت أن بنت حضرتك في غيبوبه بقالها كتير
جاسم قاطعها:فحضرتك عايزة بنتى تبقي الحاله بتاعتك وعايزة تعملي عليها البحث
الدكتورة : بالظبط كده يا فندم
جاسم بحده:آسف بنتى حالتها بتطور ومش فار تجارب عن إذنك...سابها ومشي والدكتورة بصتله باستغراب وعدم فهم: فار تجارب!!! ماله ده هو كل الأغنية ربنا وزع عليهم المال وسابهم من غير عقل سبحانك يارب أنت الوهاب الحمد لله علي نعمة العقل..

زينه ببكاء هستيرى:آسر هو السبب يا عمى هو إللي عمل فيا كده أنت لازم تجبلي حقي
آسر بصدمه قرب لوالده وقال: كذب يا بابا والله ما حصل حضرتك عارفنى أنا تربيتك مستحيل أعمل كده
زينه بانهيار: أنا ضعت يا عمى ضعت
آسر بصلها بضياع:أنتى أيه أنتى مش إنسانه
نورهان: أنت تخرس خالص ليك عين تتكلم
سيف: بسسس ولا كلمه
سيف بص لابنه إللي كان تايه وضعيف ماكانش آسر الشقى والمتفوق
سيف بصوت حاسم: جاسر
جاسر قرب من والده بعد ما كان متابع الموقف من بعيد....فجأة الصوت اتشوش وماقدرتش تكمل أيه إللي حصل فضلت تحرك في راسها يمكن الصوت يرجع بس ماسمعتش غير صوت مألوف وقريب من قلبها بيقول: ماريا ماريا حبيبتى أنتى بتتحركى
الصوت علي ونادى=دكتور ماريا اتحركت
وماحستش بحاجه بعدها رجعت تانى للضلمه
الدكتور: هايل ده تطور هايل يا جاسم بيه
جاسم: هي غابت تانى
الدكتور: ده مؤشر كويس وأحنا بنجهز لنقل إقامتها لقصر الجارحي زى ما اتفقنا
جاسم بإيماءة: تمام تمام بس يا ريت محدش يعرف حاجه
الدكتور: ماتقلقش يا فندم
مشي الدكتور وساب جاسم واقف: ياترى شفتى أيه يا ماريا وكنتى بتنادى علي جاسر ليه!

زين بص لليان بكره:بص يا عمى أنا عندى حل
سيف:حل أيه ؟
زين بابتسامة ماكرة: زى ما ماما قمر قالت نصلح الغلطه والعرفي يبقي رسمى
فارس بص لجاسر برفعة حاجب
جاسر بصله بعدم فهم
آدم ابتسم بمكر وغمز لزين بخبث
آدم: بالظبط كده يا عمى أحنا نصلح الغلطه وخلاص الجواز حصل وأحنا مايهمناش غير سعادة ليان ولا ايه يا فارس أنت وجاسر
فارس بعدم فهم: هاه
جاسر حك راسه بخفه قرب لفارس وهمس: أول مرة في حياتي أحس أنى غبي كده أنت فاهم حاجه
فارس بغباء: يعنى أنت مش فاهم أنا هفهم ده زين انضم لكتيبة سيف وآدم الواد هيركب الوش الخشب بعد ما كان فرفوش
جاسر بص لزين وبعدين بص لفارس تانى وهمس: لا لا زين اهبل مش بتاع كده ده تلاقيه قعد يوم كامل يحفظ في السيناريو إللي بيحصل ده بص أحنا هنتعب نفسنا ليه بص واتفرج
آدم قرب من ليان وقال بجديه: هاه يا لينو ديل أور نو ديل؟
ليان بابتسامة مصدومه: يعنى أنتو وافقتو
زين همس لسيف: شوف مبسوطه إزاى والله اولع فيها عشان أرتاح وبعدين هنشرح كتير مابتفهمش من أول مرة دى غبيه
سيف: ششششش يا غبي اسكت
آدم: هنهزر يعنى اخلصي
ليان: شور موافقه
آدم بجديه: يبقي تكلميه وتحددى ميعاد عشان كتب الكتاب أوك!
ليان بابتسامة واسعه: حالااااا
ومشيت بسرعه تتصل بسليم
آدم رفع حاجبيه بشر وبص لزين: أنت فاهم هتعمل ايه ولا هتتغابي
قبل ما زين يرد فارس وجاسر سبقوه وقالو: هيتغابي
سيف ابتسم بحزن وشرد لبعيد...

جميله اتصلت باريام
أريام: مش عارفه يا جميله مانتى عارفه إنى ماكنتش معاهم وكنت بعيد..يابت ابعدى أبعد يا سيف
جميله: في أيه يا بنتى
أريام بصت على يمينها وشمالها وعيالها إللي لازقين فيها بيسمعوا المكالمة
أريام: أبدا يا ستى الرويتر بتاعي بيسجلو المكالمه
ح
جميله: ههههههه بوسيهملي وحياتك
سيف مسك الموبايل من أمه: امواه خدى يا جميله وحستينى
جميله: ههههههه أنت أكتر يا سيفو
سيف ابتسم: هيييح أموت أنا
أريام ضربته على قفاهم: اتلم يا واد لالمك
بيسان: عيب يا سيف أيه ده حد يعمل كده سورى يا طنط جميله
جميله: وحشتيني يا بيسو
بيسان: أنتى كمان
أريام: جميله حبيبتى هكلمك بعدين وهحاول اعرفلك ماتقلقيش
جميله: خلاص هستناكى باااااي
بيسان: أما يا مامى آسر ده أيه إنما حتة موز
أريام فتحت عينيها على وسعها بصدمه: موز!!! مين علمك الكلام ده
بيسان ببراءة: زيزو
عز كان داخل من الباب سمعهم قفل الباب وخرج: طب أطير أنا بقا
أريام بصتله بغيظ: يادى النيله علي دى تربيه العيال باظت

سليم قفل وبص لاسيل بصدمه
اسئله: هاه طمنى قالتلك أيه ليان
سليم بصدمه: الخطه باظت ووافقوا علي جوازنا.....

#لهفة_قلب_عاشق
#لهفة_عشق_و_عاشقين
#آدم_وآريام
#سعاد_عباده