ملاكي العنيد (مكتمله)

سيلفي الموت 💔

عبدالله: اممم........ اعترفي عملتي ايه.

كنزي: انا هقولك بس متتعصبش.

عبدالله: وهتعصب كمان اممم قولي.

كنزي: بصراحه الصبح لما نزلت انا وضحا سيف قال

لنا نروح معاه وهيورينا المزارع بتاعتهم ف....

عبدالله: فايه كملي.... وهو متعصب وعينو بطق شرار.

كنزي: فضحا مرضتش تيجي ورحنا احنا الاتنين بس

وبعد ما رحنا أتمشينا شويه وفضلنا شويه في الغيط 

ورجعنا.

عبدالله: اممم...... يعني كنتو لوحدكو...... وفمكان

مفيهوش مخلوق واحد ..... لاء وفضلتي معاه

كمان.

كنزي: انت متعصب ليه.

عبدالله: يعني اقولك متكلمهوش ومتبصلوش تقومي

تروحي وتفضلي معاه.

وساب الاكل وقام وعفاريت الدنيا كلها بتتنطط في

وشو.

♕♕♕♕♕♕

الام: يا اميره بت يا اميره.

اميره: ايوه ياما جايه.

الام: روحي قولي للبنات محدش يطلع علي السطح

علشان لسه الراجل مجاش يصلح السور لحسن حد

فيهم يجرالو حاجه وقولي لسيف ينبه عالرجاله بدل

ما تبقا واجعه مربربه.

اميره: حاضر ياما.

♕♕♕♕♕♕

ضحا: كنزي.

كنزي: ايه يا ضحا.

ضحا: هاتي الكاميرا وتعالي نتصور شويه.

كنزي: لاء مليش مذاج روحي انتي.

ضحا: قومي بقا يالا تعالي.

كنزي: حاضر خلاص جايه.

ضحا: واو شوفي المنظر من السطح حلو ازاي.

كنزي: بس السور ده مش مخلي المنظر ظاهر اوي

اظن هتبقا الصوره حلوه لو وقفت فوق السور وكده

كده السور ثابت .

ضحا: لالاء يا كنزي بدل ما تقعي ويجرالك حاجه.

كنزي: لاء متخافيش روحي بس هاتي حاجه اطلع

عليها.

ضحا: ماشي.

♕♕♕♕♕♕

سيف: ايه يا عبدالله رايح فين.

عبدالله: راجع علي البيت.

سيف: ومالك بتقولها بقرف كده ليه .

عبدالله: لاء ولا حاجه.