ملاكي العنيد (مكتمله)

اسرار قاتله 🤐

وبعدها بحوالي ساعه كان الفرح الحمدلله خلص و

العريس خد عروستو وهربو علي بيتهم وبعدها كنزي

كانت هترجع بالعربيه اللي جت بيها (للعلم حمزه هو

اللي بعتلها العربيه علشان تجيبها لحد القاعه وده

اول سر🤫) راح علي وقالها ان حمزه قالو انها ترجع

معاه في عربيه تانيه.

كنزي: تمام.

ولما ركبت فضل علي واقف شويه.

كنزي: انت مستني حد يا علي.

علي: اه ثانيه واحده بس.

وفجأه لقتو فتح الباب من الجهه التانيه وقعد

وبيقولو ياله يا علي خلاص كلهم خرجو وبعدها

بيلتفت للمصدومه جنبو وراح بعد شويه وقال اسف

مخدتش بالي.

وهي ولا حتي كلفت نفسها ترد وبتفتح باب العربيه

علشان تنزل فقال علي: حمزه قالي روحها معاك و

بيبصلها راحت قفلت الباب ومشيو وهي فاتحه

الشباك مستمتعه بالهوا اللي بيحبط في وشها وكان

الوقت متاخر والشوارع كلها ضلمه وبعدها قفلت

الشباك وميلت راسها علي ورا ومغمضه عيونها حتي

مش عايزه تبص في وشو وبعدها بدأ يدندن ويغني

بكل رومانسيه وكل كلمه بيقولها كلها حب واشتياق

وكمل باقي الاغنيه اللي مكملهاش في الفرح.

"اوعديني...... لو في يوم الخوف ملكني تطمنيني لو

... ذكائي في مره خاني تفهميني لما اقسي في يوم

تحني..... واما اغلط غصب عني قبل ما اغلط غلطه

تانيه تلحقيني....... اوعديني...... لو يبعني الكون

بحالو تشتريني تبقي اقرب مني ليا تكمليني.... تبقي

اختي تبقي امي تجري فيا جوه دمي لما اكون تعبان

تضميني تداويني...... انتي قلبي وانتي روحي وانتي

عيني..... حد عايز اعيش معاه لاخر سنيني...... انتي

بالنسبالي مش حب في حياتي انتي كل حياتي فعلا

افهميني"

وبعدها مسك ايديها علشان يبوسها كاعتذار لكنها

سحبت ايديها ومبصتش حتي عليه وبعدها رجع

راسو لورا وغمض عيونو وكمل غنا وبعدها بثواني

لقاها حطت راسها علي كتفو ابتسم وجاي بيرفع

راسو شاف علي بيشاورلو في المرايا انها نامت