ورجعو بعد يوم متعب وكانو متكسرين وراحو كلهم
في نوم عميق..... لكن هما مش عارفين ايه أللي
مستنيهم بكره........
♕♕♕♕♕♕♕
وجه الصبح ويوم جديد في كتاب الحب لأبطالنا و
طبعا كلهم صحيو الظهر او يمكن العصر......
الام: يا عبداااااالله.
صحي مفزوع يا عيني..... ايه في ايه البيت بيولع.
الام: بيولع ايه يالا قوم عندنا ضيوف.
عبدالله: والله ضيوف.... امي خدي الباب ده في ايدك
واطفي النور والنبي.
الام: قوم ياض خالك تحت هو وعيلتو قوم بدل ما
اجيب جردل مياه واكبو عليك.
عبدالله: ولا هيحوء فيا اسمعي مني وفري المياه.
الام: اه مهي لو السنيوريتا هنا كنت قمت جري.
عبدالله: اه..... اقصد لو بقا لو.
الام: طب قوم يا خويا عمتك والبنات تحت.
عبدالله: بجد....... وقام خد دوش ولبس ونزل.
وامو وقفت تضحك وتقول مجنون حب هبله.
♕♕♕♕♕♕♕
نزل عبدالله وسلم علي خالو وعلي الضيف الجديد.
الحوار بالصعيدي شويه.....
سعد: اهلا يا ولد عمتي والله زمان مشوفناكش.
عبدالله: الدراسه بقا وكده يا سعد.
سعد: مهولو انت وعمتي تاچو (تيجو) معانا بس والله
كبرت عن اخر مره شوفتك فيها.
عبدالله: اه طبعا اكيد مش هفضل صغير.
" سعد الدهشوري ....... ابن خال عبدالله...... طول
وعرض وجمال وعضلات ايه وحلاوه ايه ملبن من
الاخر...... عمره 25 سنه اتخرج وبيشتغل في شركه
ابوه للغزل والنسيج عندو شقه وعربيه وشركه يعني
عريس جاهز من مجميعو لكن ناقص العروسه
المنتظره ميهمهوش يعيش قصه حب ولا الكلام ده
هو عايز واحده عارف اصلها وفصلها وتربيتها تصون
بيتو وتكون ام لعيالو لكن لازم تكون مميزه عن بنات
حوا....... معندهوش اخوات خالص وحيد امو وابوه "
والرجاله كلهم قعدو مع بعض يتكلمو والستات
بتحضر الاكل...... فحمزه بيقول.... الشااااي يا ماما.
فكلهم مشغولين..... يا كنزي...... نعم يا عمتي.... معلش
YOU ARE READING
ملاكي العنيد (مكتمله)
Mystery / Thrillerأول روايه اكتبها باللهجه المصريه تجمع بين الكوميديا والرومانسه والعنااااااد 😅 اتمنو تعجبكم وتقولولي رأيكو .😄 اجزاء الروايه كتيره لكن الاجزاء قصيره. #بقلمي الملكة❤
