Plot Twist (COMPLETE)

The Final(Unicode)

အသက်ရှုသံခပ်ပြင်းပြင်းတွေထဲ စကားလုံးတိုင်းကို အားယူကာပြောနေရသော ဟျောန်းရဲ့သွင်ပြင်ကိုကြည့်ရင်း သူ့မျက်ဝန်းမှမျက်ရည်တွေက တားမရဆီးမရအောင်ကျလာရသည်။ရင့်ထဲမှာစို့နင့်လျက်သားဖြင့်..

ဒါဘယ်လို ဘဝမျိုးတွေများလဲဗျာ...

'ဟေျာန်း မောနေပြီ။မပြောပါနဲ့တော့နော်။ကျွန်တော်နားလည်ပါတယ် '

သူ့ပါးပြင်ပေါ်ရှိဟျောန်းရဲ့ လက်ကလေးကိုအုပ်ကိုင်ရင်း သူပြောတော့ ဟျောန်းက ခေါင်းကိုအသာခါယမ်းသည်။

'ဟင့်အင်း..ကိုယ်ပြောရမှဖြစ်မယ်။အရင်တုန်းလို ပြောသင့်တဲ့စကားတွေကို မပြောခဲ့ရလို အခုလိုနောင်တရရတာမျိုး နောင်ဘဝအထိမဖြစ်ချင်​တော့ဘူးကွာ..'

ပါးစပ်ကပြုံးလျက်ပြောနေရင်းမှပင် ဟျောန်းမျက်ဝန်းမှမျက်ရည်တွေက စီးကျလာကြသည်။

'အဖြစ်အပျက်တွေအများကြီးဖြစ်ခဲ့တယ်။အစကနေ ဒီလိုအဆုံးသတ်အထိ အချိန်တွေအများကြီး ကုန်လွန်ခဲ့ပြီ။အရာအားလုံးလည်း ပြောင်းလဲသွားပြီ။ဒါပေမယ့် အစကနေ အဆုံးထိမပြောင်းလဲတာကတော့...
ကိုယ်မင်းကိုအများကြီးချစ်ခဲ့တာပဲ။ချစ်တယ်..ကိုယ်မင်းကိုအများကြီးချစ်ခဲ့တာပါ။ပြောမပြတတ်အောင်ကို ချစ်ခဲ့ပါတယ်။ '

'ဟေျာန်း..'

သူ ဟျောန်းရဲ့မျက်နှာလေးကို ဆွဲယူကာ နှဖူးချင်းထိစပ်သည်အထိ ဆွဲကပ်ထားမိသည်။ဟျောန်းရဲ့ ဝင်သက်ထွက်သက်နွေးနွေးက သူ့မျက်နှာပေါ်ရိုက်ခတ်လျက်သားဖြင့် သူအသံထွက်သည်အထိ ငိုချလိုက်မိသည်။

'တောင်းပန်ပါတယ်..သတ္တိမရှိခဲ့လို့ ​တောင်းပန်ပါတယ် ဂျုံးဂု ရယ်။မပွင့်လင်းခဲ့လို့လည်း တောင်းပန်ပါတယ် '

'မဟုတ်ဘူး ဟျောန်းရယ်..မတောင်းပန်ပါနဲ့။ကျွန်တော်နဲ့မထိုက်တန်ပါဘူး။မတောင်းပန်ပါနဲ့။ '

သူတို့နှစ်ယောက်ရဲ့ နှဖူးတွေထိကပ်လျက်သား..
သူတို့ရဲ့ နှာဖျားလေးတွေ ထိစပ်လျက်သားဖြင့်..
သူတို့ရဲ့မျက်ရည်တွေကူးလူးကုန်ကြသည်။

'ကိုယ်နောက်ဆုံးအနေနဲ့ တောင်းဆိုပါတယ်။ညီမလေး ဖြစ်ချင်တဲ့ ဆန္ဒတွေကိုလိုက်လျောပေးလိုက်ပါ။ '