အဲ့နေ့ကတည်းက
မာနတွေလက်လက်ထနေတဲ့
မျက်ဝန်းတစ်စုံထဲ ကိုယ်ပြုတ်ကျခဲ့တာ။
------
ဒီနေ့ကသောကြာနေ့...
ခါတိုင်း ဂိုဒေါင်တွေသွားစစ်ရင်လိုက်နေကျတစ်ယောက်က လွန်ခဲ့တဲ့နှစ်ရက်ကတည်းကခွင့်ယူထားတယ်။
သူခပ်ကြိတ်ကြိတ်ပြုံးလိုက်မိသည်။
------
တကယ်တော့ မဟုတ်ရပါဘူးကွာ။ကိုယ်ကြားထားတာ ဒီဆိုင်ကနာမည်ကြီးပြီး ဟင်းတွေကလည်း သိပ်စားလို့ကောင်းတယ်ဆိုလို့ မင်းကိုစားစေချင်ရုံလေးပါ။ချိုချိုသာသာမပြောတတ်တဲ့ ကိုယ့်ကြောင့်မင်းရဲ့မာနထိခိုက်သွားစေဖို့ ကိုမရည်ရွယ်ခဲ့ပါဘူး။
------
အဲ့နေ့က ကိုယ့်မျက်ဝန်းတွေထဲငေးကြည့်ရင်း အကျယ်ကြီးအော်ရယ်ခဲ့တဲ့ မင်းကြောင့် ကိုယ်ရှက်ရမ်းရမ်းခဲ့တာကိုတော့ မင်းသိအောင် ဝန်မခံချင်တော့ဘူး။
------
မမျှော်လင့်ထားတဲ့ ပြဿနာလေးဖြစ်ပြီးနောက်ပိုင်း ကိုယ့်အိမ်ကိုမင်းရောက်လာခဲ့တယ်။
အဲ့နေ့က ကိုယ်တီးခတ်နေခဲ့တာ
John Legend ရဲ့ All of Me
------
မင်းသိလား ချာတိတ်..
အဲ့နှစ်ရဲ့မွေးနေ့မှာ ရခဲ့သမျှလက်ဆောင်တွေအားလုံးကို ထုံးစံအတိုင်း အကုန်လှူပစ်ခဲ့ပေမယ့် နှင်းဆီပန်းလေးကမ်းနေတဲ့ချာတိတ်အရုပ်ကလေးကိုတော့ ကိုယ်အမြတ်တနိုးသိမ်းထားခဲ့တယ်ဆိုတာ။
------
တဖြည်းဖြည်းနဲ့ ကိုယ့်ဘက်ကိုယိုင်လဲစပြုလာတဲ့ မင်းရဲ့အပြုအမူတွေကြား ကိုစိုးရိမ်ရင်းနဲ့ပဲ ယစ်မူးခဲ့မိတယ်..ကောင်လေးရယ်။
အရည်လဲ့နေတတ်တဲ့မျက်ဝန်းလှလှတစ်စုံရယ်..
မနက်တိုင်းရောက်လာတတ်တဲ့ စာတိုလေးတွေရယ် မင်းနာမည်ရေးမထားပေမယ့် ကိုယ် print ထုတ်ပြီး အခုထိသိမ်းထားတုန်းပဲ။
------
မင်းကို ခဏခဏ အိမ်အလည်ခေါ်ချင်မိတယ်။မင်းရောက်လာတဲ့အချိန်တိုင်း ကိုယ့်
အိမ်ကအိမ်နဲ့ပိုတူပြီး နှင်းဆီဝါတွေက ပိုမွှေးတယ်။
YOU ARE READING
Plot Twist (COMPLETE)
Fanfiction' ကိုယ်ပိုင်ဆိုင်ရမှာက နောင်တတွေဆိုရင် မင်းပိုင်ဆိုင်ရမှာက တစ်သက်လုံးဖြေဆည်လို့ မရနိုင်တဲ့ ဝမ်းနည်းမှုတွေပဲ.....' Paring - Jimin x Jungkook Original Novel-' အိပ်မက်ထဲက ကာရံချို ' by ' အိုစွမ်းပြည့်'
