(Unicode)
အမ်ဒီ ပတ် နှင့်ပိုမိုရင်းနှီးရန် ရရှိခဲ့သော အခွင့်အရေးသည် အမ်ဒီ့ရဲ့မွေးနေ့တွင်ဖြစ်သည်။
ထိုမွေးနေ့ညတွင် ကုမ္ပဏီမှဝန်ထမ်းအားလုံးကိုဖိတ်ပြီး အမ်ဒီ့ခြံထဲမှာ ပါတီအသေးစားလေး ကျင်းပပေးမည်ဟု ကြေငြာတော့ အားလုံး ဝမ်းမြောက်ဝမ်းသာဖြစ်ခဲ့ကြသေးသည်။
အကြောင်းမှာ နှစ်စဉ်ကျင်းပမြဲဖြစ်တဲ့ အမ်ဒီ့မွေးနေ့တွင် ဝမ်တစ်သိန်းမှစ၍ ဝမ်သိန်းငါးဆယ်အထိ မဲဖောက်ပေးသောကြောင့်ပင်။အခုလည်း မွေးနေ့ကဘယ်နေ့မှန်းမသိသေး။ငါကတော့ သိန်းငါးဆယ်ပေါက်အောင် နှိုက်မယ်ဆိုတာချည်းပင်။
ထိုနေ့က နေ့တစ်ဝက်လောက်နှင့် အမ်ဒီက အလုပ်ဆင်းသွားသည်။သူတို့ဝန်ထမ်းတွေကိုလည်း တစ်နာရီစော၍ အလုပ်ဆင်းပေးမည်ဟုပြောထားသည်။
'ဂျုံးဂု...အမ်ဒီ့အတွက် လက်ဆောင်ဝယ်ပြီးပြီလား '
အစ်မရှင်းဟယ်က စက္ကူလှလှလေးဖြင့် သေချာစွာထုတ်ပိုးထားသော လက်ဆောင်ထုတ်လေးကို မျက်စိရှေ့တပြပြလုပ်ရင်း မေးလာတော့ သူခေါင်းနပန်းကြီးသွားရသည်။
'ဟာ....ကျွန်တော် မဝယ်ရသေးဘူး '
'ဟုတ်လား...အလုပ်ဆင်းရင် ဝင်ဝယ်လိုက်လေ။သူများတွေတောင် အကုန်ဝယ်ပြီးကြပြီ။'
အစ်မရှင်းဟယ်ပြောမှ အခန်းထဲဝေ့ကြည့်မိတော့ လူတိုင်းရဲ့ စားပွဲပေါ်မှာ လက်ဆောင်ထုပ်လေးတွေ ကိုယ်စီတင်ထားကြသည်။ တစ်ကယ်ကို သူတစ်ယောက်ပဲ လက်ဆောင်မစီစဉ်ရသေးတာဖြစ်သည်။ဒီတစ်ပတ်ပိတ်ရက်မတိုင်ခင် အပြီးသတ်ရမည့် အလုပ်တွေအပေါ် အာရုံအစိုက်လွန်နေမှုကြောင့် သူဟိုမေ့ဒီမေ့ဖြစ်နေတာ နှစ်ရက် သုံးရက်လောက်ပင်ရှိပြီ။
အလုပ်ဆင်းတော့ သူ Super Market တစ်ခုထဲ ဝင်လာလိုက်သည်။အမှန်တော့ အမ်ဒီ့ကို ဘာလက်ဆောင်ပေးရမယ်မှန်း သူမသိ။ရေမွှေးတို့ နက်ကတိုင်တို့ကျတော့လည်း သူမြင်ဖူး သိဖူးသလောက်ဆိုရင် အမ်ဒီသုံးတာတွေက သူ့အတွက်ဈေးကြီးလွန်းနေသည်။ပစ္စည်းတွေကြား ယောင်လည်လည်ဖြစ်နေကာမှ ကုမ္ပဏီမှာ သူများတွေဘာဝယ်ကြလည်း မစပ်စုခဲ့ရတာကို နောင်တရချင်လာသည်။
KAMU SEDANG MEMBACA
Plot Twist (COMPLETE)
Fiksi Penggemar' ကိုယ်ပိုင်ဆိုင်ရမှာက နောင်တတွေဆိုရင် မင်းပိုင်ဆိုင်ရမှာက တစ်သက်လုံးဖြေဆည်လို့ မရနိုင်တဲ့ ဝမ်းနည်းမှုတွေပဲ.....' Paring - Jimin x Jungkook Original Novel-' အိပ်မက်ထဲက ကာရံချို ' by ' အိုစွမ်းပြည့်'