------
ဟျောန်း...တဲ့လား။
ကိုယ့်ရင်ခုန်သံတွေကို မင်းကအတောင်ပံတပ်ပေးနေတော့ပဲ။
ခေါ်ပေါ့.မင်းစိတ်ကြိုက်..
မင်းသဘောကျ..
------
မင်းက ငါးသလောက်ပေါင်းသိပ်ကြိုက်တယ်။ကိုယ်မှတ်ထားတယ်။ကိုယ် သေချာပေါက်ကိုမှတ်ထားတယ်။
ဒါပေမယ့် အဲ့နေ့ကမင်းသေချာစားမသွားခဲ့ဘူး။
မချက်တတ်ချက်တတ်နဲ့ချက်ထားလို့ အရိုးစူးရာဗရဗွနဲ့ ကိုယ့်လက်တွေကိုလည်း မင်းမြင်အောင်ကိုယ်ထုတ်မပြခဲ့ဘူး။
------
'ချစ်တယ်' တဲ့လား။
ကိုယ် အကြားချင်ဆုံးနဲ့ မကြားဝံ့ဆုံးစကားက မင်းဆီက ချစ်တယ် ဆိုတဲ့စကားပဲ။
ကိုယ်မှားခဲ့ပြီ။
အဆုံးမသတ်နိုင်မှန်းသိသိနဲ့ အစပျိုးခဲ့မိတာ ကိုယ်သိပ်ကိုမှားခဲ့ပြီ။
------
မှားနေမှန်းသိပေမယ့် မင်းပေးတဲ့နွေးထွေးမှုတွေကြား ကိုယ်ယစ်မူးသွားခဲ့မိတယ်။
တောင်းပန်ပါတယ်။ သတ္တိ မရှိခဲ့လို့။
------
အမုန်းတွေ...အမုန်းတွေ
မင်းပေးတဲ့အမုန်းတွေမို့ပဲလား။
ကိုးဆယ်ဆပိုပြီး နာကျင်လိုက်ရတာ။
------
မင်းပေးခဲ့တဲ့ အရုပ်ကလေးကို နှစ်နဲ့ချီအောင်
သိမ်းထားခဲ့ပါတယ်။
လှပခဲ့တဲ့အတိတ်တွေကို ပြန်ရရှိနိုင်မလားဆိုတဲ့ မျှော်လင့်ချက် ယဲ့ယဲ့နဲ့။
ဒါပေမယ့် မင်းထပ်ပြီးဖျက်ဆီးပစ်ခဲ့တယ်။
------
နောက်ဆုံးတော့လည်း ဒီလိုအချိန်ကိုရောက်လာပြီပဲ။
ကိုယ်ချစ်တဲ့ ကိုယ့်ညီမလေးနဲ့ ကိုယ်ချစ်တဲ့ မင်းအတွက်
ကိုယ်ပေးဆပ်နိုင်သမျှဟာ.....
------
ကိုယ့်အတွက်တော့ မင်းကိုယ့်ကိုချစ်ခဲ့တယ်ဆိုတဲ့အသိတစ်ခုနဲ့တင် ကျေနပ်ပါတယ်။
******
'မင်းလာပြီပေါ့'
ခပ်တိုးတိုးအသံတစ်ခုနှင့်အတူ ဟျောန်း ကလှမ်းနှုတ်ဆက်သည်။
YOU ARE READING
Plot Twist (COMPLETE)
Fanfiction' ကိုယ်ပိုင်ဆိုင်ရမှာက နောင်တတွေဆိုရင် မင်းပိုင်ဆိုင်ရမှာက တစ်သက်လုံးဖြေဆည်လို့ မရနိုင်တဲ့ ဝမ်းနည်းမှုတွေပဲ.....' Paring - Jimin x Jungkook Original Novel-' အိပ်မက်ထဲက ကာရံချို ' by ' အိုစွမ်းပြည့်'
The Final(Unicode)
Start from the beginning
