البارت العاشر
.
.
يوم جديد وصباح جديد وروتين جديد 😂💔
انا:واخيرا بنبدا نخدم 🌚
صباح الخير ماما صباح الخير بابا
ماما:خيرك مستعجلة
انا:وقت اليوم عندي مقابلة للشغل ضروري
ماما:حقا ماقلتيش شن بتشتغلي انتي
انا:سكرتيرة ياماما
ماما:به ربي يوفقك 💓
بابا:ردي بالك ع روحك وربي يوفقك💓
انا:ادعولي تنسونيش هي باي
وطلعت ومثوثرة شافني احمد وناداني
احمد:اريج تعالي نوصلك
انا:لا اكيدة نتخايل معقولة احمد بيوصلني
احمد:نكلم فيك يافرخة
انا:قصدك تكلم فيا اني ولا ف حد تاني
احمد:لالا نكلم ف الجنون الي وراك
انا:ع فكرة دمك ثقيل ره ماتحاولش انك تخففه بكل🌚💔
احمد:به اركبي وصكري فمك
انا:امبه
اركبت وقعدنا ساكتين اني قعدت نفكر من وين جاته احمد الحق مستغربة عمره ماوصلني 🌚فسألته
انا:من وين جاتك توصلني
احمد:شي هكي وخلاص وانتي تندمي الواحد يدير معاك الخير بكل😒
انا:به ها سكتت
اوصلت انا لمكان الشغل وكنت متوترة هلبا واني ماشية الكل يشوفلي باعتبار اني اول مره نخشله المكان فشي طبيعي يشوفولي يعني بس مش لدرجة هادي نحس فيهم يبو يقتلوني☹️😂واني ماشية ونتلفت اليمن واليسار ونخبط ف واحد
انا:ها خيرك ماتشوفش انت
هو:انتي العميه مش اني
انا:مافي اعمى غيرك
هو:به عادي مافيها شي لو طلعتي روحك الغالطة وتأسفتي
انا:لما نبقى الغالطة تو نتأسف ومشيت وخليته
بعدين رجعتله وقتله
انا: مش اي واحد نتأسفله اني يلا باي🌚
وامشيت وخليته بروحه يخرف وخشيت للمكتب تاع المدير
انا:السلام عليكم
المدير:وعليكم السلام
انا:انا الي كلمتكم بخصوص الشغل
المدير:اها تفضلي قعمزي
انا:شكرا
المدير:اي طبعا خلي نحكيلك ع الشغل وانتي شن حتتشتغلي
انا:اوكي
حكينا ف الشغل وتفاهمنا وامشت الامور مية مية ووليت موظفة ف شركة تاع عقارات
انا:السلام عليكم
الموظفات:وعليكم السلام
انا:كيف حالكم
الموظفات تمام الحمدالله
انا:اني نكون الموظفة الجديدة معاكم هنا
طبعا نحكيلكمش ع تعابير وجوهم يقرفون والله🌚
خلي نعطيكم اساميهم وحدة اسمها عائشة والتانية هيام والثالثة رتاج والرابعة اني تعرفو اسمي ولانقوللكم عليه🌚🙄
رتاج:اهلين
عائشة:نورتينا
هيام:ان شاءالله يعجبك الشغل هنا
رتاج:حتى لو ماعجبهاش بتتحمل ماحد ضربها ع ايدها وقااللها تعالي اشتغلي بالغصب
انا:ماحد طلب رايك حبيبتي🙂
رتاج:حتى اني مانستنا ف حد يقولي اعطينا رايك نقوله امته مانبي
انا:اي ع نفسك خليه وقوليه اما عن غيرك مش لازم
عائشة:شنو بتبدو فيها من توا عراك
انا:شكله الموظفة الرابعة الي تجي معاكم اطفش فيها من للسانها
رتاج:ههه جايك الدور ياماما ماوخافيش يومين بس وحنطفشك زيهم😚
انا:يامامي خفت تو نشوفو من يطفش التاني اوكي حبيبتي😉
انا قعمزت قدام المكتب متاعي وقعدت نشتغل ومره مره نشوفلها نلقاها تشوفلي بنظرات حقد نبتسملها ونقلب ف وجهي عليها
وهي تغلي من داخل اخخخ محلاه هالشعور لما تكوني قاهرتهم🤤😂
جت الساعة٢وهذا اخر الدوام وبنروح نرتاح☹️
المدير:اريج
انا:نعم
المدير:ههه اني اسمي مصعب تقدري عادي تقوليلي مصعب
انا:عاشت الاسامي☺
مصعب:اي شن رايك ف الشغل عندنا ارتاحتي ولالا
انا:اي غير عندكم وجوه ممله وتقرف
مصعب:من تقصدي بالزبط
انا:ناس وخلاص
مصعب:لا واضح عليك متاع تلقيح انتي🙂
انا:لا اني الي يحترمني ومايديرلي شي مايوصله شي بس الي بيجرب بس او يحاول مش حيشوف مني خير
مصعب:له له له خيرك عصبية انتي هكي
انا:هي بنروح اني وقت☺
وووخ عليك نفخ نفتك من نفخ الكلية يجيني حتى المدير نفاخ🙄
اتصلت بأدهم وجي روح بيا
ادهم:ها شن جو اول يوم معاك
انا:يهبل
ادهم:اي واضح من وجهك اصلا
انا:تعرف حصلت مع من نتعارك غادي
ادهم:عاد حتى ف الشغل مش مهنيه روحك انتي
انا:دخلكش فيا اني
ادهم:خليك هكي مالا تو يلزوك
انا:ويلزو شن تحساب واقفه عليهم
ادهم:خلاص اني تو نكلم المدير متاعك ونقوله يلزك
انا:وووك فككك منه خير
ادهم😂😂😂😂علاش
انا:نفاخ للمليون شن هذا
ادهم:تستاهلي😂😂😂
انا:نستاهل كل خير🌚
ادهم:تستاهلي واحد ايتلفك من عندنا بس
انا:شنو شنو ترا عاود
ادهم:الي سمعتيه
انا:تخلينيش نلعبلك ف السيارة وادير حادث ره
ادهم:ماهو انتي معاي بديريه ياغبو
انا:لا نخليك توصل جنب وادي ونوجه السيارة من جيهته وننزل ونخليك
ادهم:خزي يهون عليك خوك تقتليه وتقعدي انتي عايشة
انا:يس كل شي يهون
ادهم:انانية
انا:زيك مش طالعة لحد غريب
ادهم:تي شن خاصك كان جيتي زي بس
انا:ننننننن خرف
ادهم:عيلة وحق ربي
انا:تصكر فمك ولانخبر ماما وبابا ع حبيبة القلب
ادهم:خبري عادي شن تحسابيني خايف
انا:قد كلامك انت
ادهم:اي قده
.
..
..
.
..
..
..
#انتهى البارت
YOU ARE READING
كفاح ( روايات ليبية )
Romanceمن اقوي الروايات الليبية رواية للكاتبة #اروي_شعبان تدور الاحدات حول بنت حلمها ان تكون محامية و كافحت رغم الضروف القاسية التي مرت بها و بعد ان تحقق حلمها يقف في طريقها عائق سيغير حياتها و يقلبها راس علي عقب ... قراءة طيبة 🔥
