كفاح ( روايات ليبية )

حلقة 7

البارت السابع
👇🏻
قعمزت فطرت اني وابتسام وهدرزنا وارجعنا لنفخ من جديد
انا:افففف خاطريش ف المحاضرة
ابتسام:حتى الاولى ضاعت علينا بسببك
انا:والله من قالك هدرزي معاي ياماما😒
ابتسام:الله غالب مانحسابش ف جرتك حييطلعنا الدكتور
انا:ف الجديد ديري حسابك مالا
ابتسام:حليلي ع الزعلان والمتعصب😚😂
انا:باهي ياسر بلا برادة يل🙂
ابتسام:ههههه اوجي نبي نجكيلك حاجة
انا:احكي شن فيه
ابتسام:اني ارتبطت
انا:شنو😲امته صار
ابتسام:تذكري يومها لما قلتيلي انتي اشبح خيرك قتلك لا مافي شي وزعلتي مني وروحتي
انا:اي نذكر
ابتسام:انا من يومها نبي نحكيلك بس قلت خلي لبعد ايام تو نحكيلك
انا وتعصبت وقتلها
انا:منورة والله واعتبرتيني صاحبتك واختك شكرا وزيدي دسي عليا باهي
ابتسام:اريج غير استني نحكيلك
انا:فكيني منك توا لما نروق تو نكلمك
وخشيت للمحاضرة ومش مركزة فيها وبعد طلعت حاولت ابتسام تكلمني وتجاهلتها اتصلت ببهاء يجي يروح بيا
انا:ايوا بهاء
بهاء:ها شن تبي
انا:تعالى روح بيا كنك فاضي
بهاء:باهي نص ساعة ونكون حداك
انا:تمام نستنا فيك
انا:اااففففف عليك كساد خلي نفتح اغاني خير
...
...
...
شوية وبهاء جي مابيتش نطلعله نين كملت الاغنية الي نسمع فيها🌚💦
بهاء:وينك لتوا من امبكري نستنا
انا:لا شي غير كنت نتعارك اني وذبان وجهي🌚💔
بهاء:هذا الي فالحة فيه انتي
انا:اسكت خير مانكمل عليك حتى انت
بهاء:واو خفت🙂
انا:ترا سوق وفكني منك ومن دوتك الزايدة
بهاء:والله شوفيرك اني تتأمري عليا
انا نزلت وخليتله السيارة وقربعت الباب اني ماشية وهو يلحق فيا
بهاء:ياهبلة تعالي
انا:اقلب وجهك نعرف الطريق تو نروح بروحي
بهاء:اركبي خيرلك
انا:خوفتني🙂
بهاء:متأكدة ماتبيش تركبي
انا:اي زي مانشوف فيك توا
بهاء:اقعدي مالا ف هالنو وولي عبدة
انا:عادي
بهاء:تي اركبي الزفت تو يشوفونا الناس يقولو يعاكس فيها
انا:خليهم يقولو
بهاء:تمام مصيرك عندك بوك
انا:باهي روح يل
ورح هو وسبقني للحوش اول ماوصلت القيته يستنا فيا قدام الباب خشيت وهو خش وراي طول
بهاء:كم واحد كحلتي فيه عيونك
انا:هلبا لايحصى ولايعد
بهاء:كنك بنت بوك ف الجديد اتصلي بيا وقوليلي تعالى روح بيا
انا:اهو بنمسح رقمك ها وشوف وحتى انت مزال تتصل بيا حتشوف
بهاء:ميت عليك تحسابيني
انا:هئه تو نشوفو
امشيت وخليته بروحه يهدرز🙂
انا:مااااااامااا
ماما:ها خيرك شن فيه
انا:جعانة
ماما:جوع الحاج
انا:الحاج والا الدجاج هي ياماما والله جعانة موت
ماما:به شوية ونحط لغدي
انا:به بين ماصليت هي
ماما:هي وتقبل الله❤
اركبت بدلت وتوضيت وصليت❤
اميرة:اريج
انا:نعم
اميرة:يابنت احكيلي قصة الحادث متاعك
انا:ءءهااا علاش
اميرة:انتي احكيلي بس نبي نعرفها
انا:عادي يعني اني نقطع ف الطريق وجت سيارة خبطتني
اميرة:هئه كذب احكي وبلا جو خيرلك
انا:باهي
وحكيتلها كل شي صار معاي
اميرة:ياغبية كيف ماتحكيش لاهلك ضروري خوتك يعرفو ره
انا:لا يااأميرة هني روحك
اميرة:تي شن هني روحك انتي عقلك هذا وين بس تي هادو واضح انه مبعوتين ره
انا:لالا اكيدة شباب طايشين
اميرة:طمني روحك مالا
شوية وخشت ماما
انا:ماما🤐
.
.
.
#انتهى البارت