كفاح ( روايات ليبية )

حلقة 15

البارت الخامس عشر
..
..
اناقصدي انت شن جابك هنا معقولة تكون مجرم وكنت معاي ف نفس الشركة
الشاب٤:اني اسمي امين وكنت نمشي لشركة ع خاطرك انتي باش نعرف معلومات عليك ونراقبك وكنت نخبط فيك باش نتقرب منك اكتر
انا:ياحقير ياواطي
امين:صكري فمك
انا:شفت حقارة بس زي حقارتكم انتو ماشفتش وخاصة انت ياكلب
امين تعصب وطلع
انا طول الوقت قعدت نفكر نبي نهرب بأي طريقة
قعدت نشوف يمين يسار القيت روشن كبير ومفتوح
انا:هذا مكان باش نهرب منه توا نبي شي نفك بيه ايديا
شفت وراي القيت حاجة حديد مسننه تقدر تقطع الحبل طيحت روحي ع اللوطا وقعدت بالشوية نحرك ف روحي نين خديتها طبعا رجليا مش مربوطات ايديا بس اني قمت روحي فوق والباب انفتح
الشاب١:شنو ماتبيش تفطري
انا:قتلكم من امس ماناكلش ف ماكلة من فلوس حرام
خليته يتعصب وطلع وقربع الباب وراه
واني قعدت نحاول نفك ايدي وفكيتها
جيت نجري تحت الروشن وجبت الكرسي باش نلحقه اركبت ف الروشن وانقزت وايدي انجرحت بس مادورتش قعدت نجري ف طريق مانعرفهاش المهم نهرب منهم وبس
..
خشو الشباب ومالقونيش
الشاب١:ياكلاب البنت هربت
طلعو كلهم وقعدو يدورو فيا
الشاب٢:انت امشي غادي وانت ف الجيهه هاديكا وانت تعالى معاي
انا المحتهم من بعيد وقعدت نجري
الشاب٢:ياولاد البنت اونيا غادي تعالو
وقعدو يجرو وراي نين وصلت ف مكان رابش وكان معبي بالسيارات وكان كبير هلبا البدت وراء سيارة
الشاب١:اطلعي وين ماأنتي خير مانلقوك وحتموتي طول
انا:ياربي يااربي وقعدت ندعي طول الوقت
..
...
عند احمد
اتصلت بيه الهام
احمد:نعم شن فيه
الهام:والله اختك طلعت اقوى منك وهربت منا بس نطمنك انه الشباب قاعدين يدورو عليها
احمد:واني نطمنك اكتر غدوة انتي وكلابك حتكوني ف الحبس وصكر عليها
احمد فرح وقعد يدعي انه مايقدروش يمسكوني
...
عند ماما
ماما:اميرة
اميرة:نعم ماما
ماما:ديري غدي لخوتك اني والله ماقادرة نوقف
اميرة:حاضر ياماما هي
ادهم:هني روحك غير بتفسدي لبصل والطماطم ره
اميرة:دمك هذا
ادهم:لا دم فتحي
اميرة:باهي معاش تاخد شي مش ليك
ادهم:اقلبي وجهك وديري الي قتلك عليه امي
بهاء:هني روحك تو نجيب اني غدي من برا
اميرة:ريحتني
..
..
عندي انا
الشاب١:وين عدت اني متأكد انها قاعدة هنا لذلك دورو كويس
انا حسيت واحد جاي جيهتي غيرت مكاني امشيت ولبدت تحت سيارة كبيرة
الشاب٣:مالقينا شي
الشاب١:تي كيف مالقيت شي توا تجيبوها ولا حنصفيكم انتو وياها
امين:خلاص البنت هربت وين بنلقوها
وامشو يدورو من بعيد امين شافني وخلى الشبباب يبعدو وجاني
امين:اطلعي من هنا راهو لو القوك مش حيرحموك
انا استغربت كيف ساعدني ومع هذا مابيتش نطلع خفت يكون فخ
انا:وانت شن مصلحتك تساعدني
امين:ماعنديش مصلحة لكن اهربي وديري زي ماقتلك
اني حسيت انه نيته صافيه اني بنطلع وسمعت صوت واحد قال
الشاب٢:اهي ياولاد ياامين تحت السيارة الي حداها
انا..
امين...
..
..
..يتبع
..