كفاح ( روايات ليبية )

حلقة 20 و الاخيرة

البارت عشرين والاخير
..
..
عبير:هادي امتنان امشت للمدير وحكتله ع اساس انك انتي طيحتيها وايدها انكسرت وجابتني اني وافنان شهود وف ولاد حتى هما معانا شهدو
انا:اي باهي كملي
عبير:اي وقتله المفروض تفصلها قاللها المدير مانقدرش نفصلها قالتلك نعطيك ع قد ماتبي والمدير وافق وهكي اتفقت هي وياه وعطاته فلوس ولزك
انا:ححي ع الوقاحه معقولة جعان لدرجة هادي
عبير:اي واني ضميري يأنب فيا وحبيت نعترفلك بكل شي ونتأسف منك
انا:بارك الله فيك ياعبير وشكرا هلبا ع وقفتك معاي
عبير:ولو هذا واجبي
انا:☺☺
..
صكرت من عبير وقعدت نفكر كيف قدرو ودارو هكي شوية وخش احمد
انا:احمد تعالى نبيك
احمد:شن فيه
انا:توا كلمتني عبير وقالتلي.......
وحكيتله كل شي
احمد:ياباطل هذا ضروري نشكو فيه
انا:حتني فكرت هكي
احمد:معاش ادوري شي خلي الموضوع شوري
طلع احمد واني حسيت روحي لو بنقعد فايقة حنتعب من التفكير لذلك قررت نرقد شوية
..
..
ف مكان تاني عند احمد
احمد:ايوا
الشاب:اهلين احمد كيف حالك
احمد:كويس الحمدالله اني نبي نفتح محضر ف واحد
الشاب:تفضل احكي شن عندك
وحكي احمد كل شي
الشاب:خلاص توا خلي كل شي علينا
...
عندنا ف الحوش
ادهم:اريج اريج نوضي
انا:ها ها شن تبي
ادهم:جعان نوضي ديريلي حاجة
انا:امشي نوض اميرة
اميرة:وربي ماني مدايرتلك حاجة 🌚
ادهم:تي باهي غير يروح بوي تو تشوفي انتي وياها نوريكم النوم كيف شكله
انا:واك طير فكني منك
..
فاتو يومين
احمد:امي وين اريج
ماما:شوفها ف الجنان
احمد:باهي هي
جاني احمد ف الجنان
احمد:اوو شن اديري
انا:شي نقرا ف الكتب متاعي☺
احمد:عندي ليك خبر يفرحك
انا:بجديات شن هو
احمد وعيونه يلمعو من الفرحة:حترجعي للكلية وبديري مشروعك
انا:تبصر😍
احمد:وحق ربي
انا ننقز ونخبط ونعيط :واخيرا يااربي حنحقق حلمي واخيرا😭😭
بهاء:خيركم شن فيه خيرها هبلت هادي ولاشن
احمد:ههههه اي شكلها
انا جيت لبهاء وحضنته وبعدها امشيت لاحمد بهاء:لا وربي رسمي طقو فيوزاتها
ادهم:ووك خلي نهرب االبنت جنت رسمي
احمد ميت ضحك عليهم😹😹😹😹😹😹
جيت بنحضن ادهم وهرب يجري😨
انا:تعالى مش مدايرتلك شي😹😹😹
ادهم:تي بري وربي معاد عندك عقل نهرب خيرلي قبل لاديريلي حاجة
اميرة وبابا :خيرها هادي
واحمد وقاعد ومستمر ف الضحك😹😹
انا:بابا حبيبي
اميرة:بابا اقرا عليها قرأن بالك تهدى
انا بضحكة وبصوت عالي:واخيرااا بنحقق حلمي
اميرة:احمد احجزلها ف قرقارش هادي
احمد:خلاص بطني من الضحك سادكم هي ماهبلتش بس فرحانه انها رجعت للكلية
بابا واميرة وبهاء:حقا😍
احمد:اي اي حقا
..
فات الوقت واني الفرحة مش سايعنتني
اميرة:شن فكرتي بديري موضوع لمشروعك
انا:امم بنديره ع الرشوة شن رايك
اميرة:حلو
انا:اي الخاجة الباهيه الوحيدة الي حصلت من المدير وامتنان
اميرة:ههههههه واااك😅😹😹😹😹
انا:اليوم بنطلع ناخد بدلة التخرج وبناخد الحاجات الي ناقصيني وبنوصي ع حاجات للحفلة
اميرة:بنطلع معاك ره
اميرة:اكيد انتي وماما نبيكم معاي
...
تسريع الاحدات طلعت وخديت ووصيت الحاحات الي نبيهم وجي اليوم الي نستنا فيه
..
صباح جديد ويوم جديد واحلى يوم
انا:ماما اني متوترة تخايلي ماننجحش
ماما:صكري فمك وتوكلي ع ربي
انا:باهي تعالو ماتتاخروش عليا
ماما:ساعه تانية ونكون عندكم
..
طلعت اني واحمد لانه هو حيوصلني وحيقعد معاي
احمد:بلاش توتر يافرخة نعرفك قدها
انا:بنموت من الخوف
احمد:لالا فوتي الخوف فكري ف حلمك بس
انا:حاضر
..
اوصلنا للكلية واول ماخشيت من الباب قلبي يدق بسرعه وخايفة ونحس ف روحي بنطيح شوية والمحت ابتسام
انا:سومه😍
ابتسام:اوجي ياعمري طالعه تهبلي
انا:خايفة خايفة😭
ابتسام:والله اني احرف منك
انا:وواك قصدك بعد نص ساعه بنخشو نعرضو عليهم مشروعنا يااربي خلاص قلبي بيوقف
ابتسام:معاش تزيدي توتريني
..
فاتت النص ساعه او فاتت ساعه وجي دوري اناقش مشروعي
انا نمشي بكل خطوة وكنت خايفة بس لما شفت الناس الي نحبها كلها معاي نسيت شي اسمه خوف ناقشت وناقشو الدفعه الي معاي كلها وجي وقت اغلان النتيجة
..
انا:ياربي يااربي
الاستاذ:تو بنعلنو النتائج
انا:ياربي يارب كون معاي ووفقني
اني اندمجت ف الرواية وعشت الدور حسيت روحي حتني توترت وخفت😹😹😹يلا خلونا ف الرواية
الاستاذ:اريج....
انا😦😦
الاستاذ:ممتاز والترتيب الاول ع دفعتها
انا:الحمدالله ياربي
واني نبكي ونضحك وامشيت طول لماما وبابا حضنتهم
انا:شكرا ليكم كلكم عيلتي الي وقفت معاي وبفضل ربي وبفضلكم اني هنا
ماتتخايلوش الشعور الي حاساته اني توا شعور لايوصف...
وكانت هادي النهاية
..
..
..
العبرة ف الرواية انه مهما كان طموحك حارب ع شأنه ومهما كبرو مشاكلك وهمومك حارب باش توصل الي تبيه وماتخليش لا زواج ولاحب ولا حتى اهلك يحرموك من طموحك الي يبي شي ضروري يتعب عليه خلي معنوياتك مرتفعه وخلي ثقتك ف نفسك كل يوم عن يوم تزيد اقري وحققي حلمك وبعدها فكري ف الزواج وغيره والي يقولك صعب مش حتقدريه اعفسي عليه ومعاش ادوريه لانه مافي شي ماتقدريش عليه
..
وهادي اني الكاتبة اروى شعبان😹وكانت اول تجربة ليا وان شاءالله تكون عجبتكم وعارفة انها قصيرة بس والله هذا حد الجهد وهادي كبداية يعني وان شاءالله الي جاي احسن وطبعا شكرا لكل من دعمني وكل من انتقدني وشكر خاص وكبير لصفحة mbc libyaوخاصة للادمونة نعرفش اسمها😹😹 المهم شكر كبير ليها لانها دعمتني وشجعتني وشكرا لباقي الادمنز التانين وشكر خاص للمصم وتعبتكم معاي ...
..
😍❤