كفاح ( روايات ليبية )

حلقة 18

البارت الثامن عشر
..
..
فات يومين واني لاطلعت من داري ولاشفت حد ع قد ماحاولو معاي مابيتش نفتح لحد ولا رضيت ناكل ولا شي مشيتها بشرب لميه وبس
..
ف العشية جت ابتسام
ابتسام:اهلين كيف حالك ياخالتي
ماما:بالله كيف بيكون حالي يابنتي
ابتسام:وينها اريج
اميرة:ف دارها ماتبي تفتح لحد حتى حاجاتي الي نبيهم من الدار تحطلي فيهم قدام الباب ووقت مايكون حد موجود
ابتسام:ق
صدك قاعدة من دون ماكله
اميرة:اي مابتش تاكل شي بكل
ابتسام:خلي اني نركبلها بالك ترضى تفتحلي
ماما:ياريت يابنتي بالله عليك جربي معاها
..
شوية نسمع ف حد يخبط ع الباب
ابتسام:افتحي اني ابتسام
انا:ابتسام امشي اني مش حنفتح لحد خليني بروحي
ابتسام:اريج لو تحبيني ومدايرتيني زي اختك افتحيلي
انا:مانبي حد كلكم زي بعض
ابتسام ماأيستش وقعدت تحاول معاي
واني حسيت روحي اني مستحقتها ونبي وجودها معاي
ققرت نفتحلها الباب
ابتسام:ارييج ياعمري خيرك مدايرة ف روحك هكي
انا طول حضنتها وقعدت نبكي وهي تهدي فيا بعدها قعمزنا وقعدت نفضفلها
ابتسام:خلاص معاش تبكي خلاص والله حنتخرجو اني وياك مع بعض
انا:خلاص حفلة التخرج بعد اسبوعين واني طردوني
ابتسام:لا حترجعي
انا:قتلك خلاص يعني خلاص كله بسبب الحقيرة هاديكا
ابتسام:حتى هي حتنطرد
انا:ليش يصير معاي هكي ليش نطلع من مشكله نخش ف التانية علاش خيرني اني وربي ماعمري اذيت حد ولاضريت حد طول عمري واني ف حالي وعمري ماتمنيت لحد الشر ليش مكتوبلي اني نعيش طول عمري نبكي ومانفرحش ليش ديما الناس الي تكرهني تأذيني وتوقف ف وجهي اني شن درتلهم بس
ابتسام:خلاص معاش تبكي يافرخة والله مانتحمل اني نشوفك ضعيفة واني مش قادرة ندير شي نبيك اريج لقوية الي مايمهمها شي الي ضحكتها ماتفارق وجها
انا:صحكتي سرقوها مني خلاص معاش حترجعلي
ابتسام:حترجع وحتشوفي
انا ارتحت لما بكيت وشكيت لابتسام
تسريع الاحداث
روحت ابتسام وتاني يوم قررت اني نطلع وناكل ونرجع نضحك من جديد
..
اميرة:ءءريج واخيرا طلعتي ماااامااا
ماما:ها خيرك شن فيه
اميرة:شوفي
انا:تبوني نولي قصدكم
اميرة وماما:لالا تعالي سلم بنتي كولي مولية بتموتي
انا:لا ياماما ماعنديش نية ف شي
اميرة:مش كيف ماتبي
شوية وخش بابا
بابا:اريج بنتي واخيرا طلعتي
انا كمية الفرحة الي حسيت بيها لما طلعت واهلي كلهم فرحو حسيت براحة مش طبيعية
..
..
تغديت معاهم وكان كل شي بالسيف ناكله ماما من جيهه وبابا من جيهه واميرة معاهم
انا:خلاص شبعت
اميررة:لاشبعتي لاشي كولي
..
..
..جت الساعه٣وخوتي كلهم رجعو🤦‍♀️
ادهم:ءءحححي اريج خيرك موليه هكي تخوفي
انا:لانه نخوف
ادهم:وووك منظرك يحشم
انا:فكني منك بلا بصارة حامضه
ادهم:تو نحلوها
اما:ياتافه وارميت عليه لمخدة
ادهم:اهيي اريج الي نعرفها
انا:هههههه وحتقعد اريج الي تعرفها هكي
اميرة:ربي يدوملك ضحكتك وماتفارقك يافرخة
انا:ويدومكم لييا ومايحرمني منكم
بهاء:اشيه العيلة ملتمه
ادهم:لا ناقصنا احمد
اميرة:تي احمد من امته يجي ويقعمز معانا زي الناس
ادهم:كان يسمعك يوريك
اميرة:ع اساس خايفة منه اني تو
احمد كان واقف ويسمع فيهم
احمد:من هو الي مش خايفة منه
اميرة:ءءءءهاا بهاء بهاء
بهاء:صار ماتخافيش مني
اميرة:لا انبصر قصدي ع ادهم
ادهم:ياكذابة عليك انت ياأحمد ره
احمد:ههههه اصلا عارف كنت واقف ونسمع فيكم😹😹
اميرة:ءهها😦
احمد:خيرك خايفة مش حنضربك ره🙄
اميرة:واو شن الي غيرك قبل كنت عصبي
ادهم:سبحان من غير الاحوال
انا:هههههه سادكم وانتو ماتسكتوش
احمد:اووو اوجي واخيرا طلعتي من الحبس😹😹
انا:اي واخيرا😹
بهاء:ع سيرة الحبس شن صار ف الكلاب هادوكا
احمد:ماصار شي غير انهم محبوسين
ادهم:وين بوي وامي
اميرة:بتمعشقو ف دارهم
احمد:تحشمي ع وجهك وبلا دوة فاضية
اميرة:ها سكتت
ادهم:قليلة الادب
اميرة:وكتيرة النحو
ادهم:اوو جديدة وعجبتني تستاهلي لايك عليها
انا:يامهبله انت وياها😹😹😹😹😹😹😹
..
..
محلاها العيلة ومحلى لمتهم ربي مايحرمني منهم بجد ضحكوني وغيرولي جوي ونسيت كل همومي
..
..
انتهى البارت