كفاح ( روايات ليبية )

حلقة 19 ما قبل الاخيرة

البارت التاسع عشر
..
..
فات الوقت وهما معاي مافارقونيش
..
يوم جديد وصباح جديد وكان يوم جمعه والكل معطل
..
..
انا فقت بكري ووتيت لفطور وبديت نصفق ونادي
انا:يلا نوضو سادكم نوم
خبطت ع الباب وقعدت ندربك ونغنيلهم نوضو سادكم نوم طلعلي بابا توقعته يهزبني
انا:صباح الخير بابا
بابا بضحكة:صباح الورد ياوردتي
انا:حليلي😍وين ماما
بابا:امك ف سابع حلمه🤦‍♀️😂
انا:هههه خلاص تعالى افطر خلي نمشي نوض الباقي
..
انا اركبت وخشبت لدار احمد فتحت الروشن
احمد:صبح يافتاح
انا:نوض سادك نوم
احمد:راقد ع قلبك اني
انا:لا ع مصاريني نوض بلاش دوة فاضية
احمد:اقلبي وجهك
انا:ننننن دبر شن تفطر مالا
انا طلعت وامشيت لادهم وبهاء
انابصوت عالي:اااااااادههههم
ادهم وبهاء فاقو مخلوعين
بهاء:ياعن@!#$%
انا:استغفرالله صبح ياولد
ادهم:باهي صبح ليش تجي تنوضي فينا
انا:هكي مانبيكمش ترقدو
بهاء:تعرفي نعد ل٣ونشوفك هنا وربي الا ماتشوفي
انا:يامامي خفت نوض ومش متحركه نين تنوضو
بهاء:متأكده
انا:يب
شوية وناض بهاء واني ماتشوفوش الا غبرتي
بهاء:وينك مش قلتي مش خايفة خيرك هربتي
انا:مش هاربة منك بس بننزل نفطر بس
بهاء:تعرفي مزال تقربي الباب هذا رجلك نقصها
انا:ياي خش ارقد معاش جاية شورك
بهاء:كزيس طيري
انا امشيت وخليته
انزلت وف نص الدروج اذكرت انه مانوضتش اميرة وارجعتلها

..
انابصوت عالي برضو:اااااااميييييرة
اميرة:بسم الله خيرك شن
انا ع اساس نبكي وجو:مات ووكعليا مات
اميرة:من هو
انا:والله ماتوقعته يمشي ويخليني
اميرة:تي من هو ياخرا
انا:قلبي🌚
اميرة خدت لمخده وبدت تضرب فيا بيها
اميرة:ياكلبة ياواطية
انا:ههههه تتذكري لما درتيهالي🌚
اميرة:اي محضرتلك واحد تاني اصلا
انا:باهي نوضي اغسلي وجهك وتعالي نفطرو جميع
اميرة:امبه انزلي تو نلحقك
انا انزلت والقيتهم كلهم ملتمين ع السفرة الا اميرة واني بس😹
..
ماما:صباح الخير
انا:صباحو عسل ياأحلى من العسل
ادهم:لا انتي وراك حاجة صدقيني
بهاء:بالك محضرتلنا ايام نكد شكلها
انا:خرف انت وياه لامحضرة نكد لاشي يعني ممنوع الواحد يكون جوا رايق
بابا:لا هذا ااي نبوه نبوك ديما مروقة وتضحكي
انا:ياعيوني انت يابابا ربي مايحرمني منك
اميرة:صباح الخير ليكم كلكم
احمد:خزي زي الولد
اميرة:صبح ياربي نولي نرقد
بهاء:ومن شادك ياحنه ولي ارقدي🌚
ادهم:خيرك يابرو معصب خليك رايق زي اريج
انا:هههههههههه بارد دريهمش ميرو قعمزي افطري
افطرنا وهدرزنا اكتر من فطرنا قديش لينا ع اللمه الحلوة
رغم كل شي معاهم قدرت ننسى ونتقبل الواقع
...
..
ف العشية
ماما وبابا طلعو والباقي قعدنا ف الحوش
انا:نبي نطلع للمنتهزه الجو حلو اليوم
ادهم:اليوم بتلقي زحمه
انا:عادي المهم نغيرو جو
احمد:خلاص وتي روحك تو نرفعك
انا:بجديات تتكلم
احمد:عندك خمسة دقايق كان هذا بنمشي ونخليك
انا:دقيقة ونكون حداك
وتيت روحي وطلعت اني واميرة
انا:اني بنركب القدام ره
اميرة:غير اعبي وراسك الا اني بنركب
انا:باهي الي تسبق هي الي تركب
اميرة:تم هي
وجريت اني وياها وقعدنا نتعاركو
انا:اني سبقتك
اميرة وراسك الا اني
انا:اني يعني اني
اميرة:اني اوصلت قبلك
احمد:شرايك انتي وياها مافيش ولا وحدة تركب القدام يلا الزوز اركبو لوراء
انا:كله منك ياخرا
اميرة:اركبي وصكري فمك
تسريع الاحداث
امشينا المنتزه وغيرنا جو وكلينا وهذا اهم شي بس ماعطلناش لانه احمد جاه شغل فجأة
روحنا واوصلنا للحوش ومافيش حد قعدت اني واميرة بروحي
انا:اوووف ملل
اميرة:هلبا
انا:خلي نفتح النت ونشوف الاخبار
اني فتحت وشفت طلبات المراسلة القيت وحدة باعتتلي ردي نبيك ضورري والاشعارات وكل شي شوية نتصفح الفت انتباهي ايميل بنت خشيت وفتشته شفت الاصدقاء القيتها ضايفه امتنان وصحباتها
انا:ححي انضني نفسها
خشيت لايميلها وفتشته وطلعت صاحبة امتنان قررت انرد عليها
انا:اهلين تفضلي شن تبي
عبير:واخيرا رديتي يابنت
انا:باهي تفضلي شن تبي
عبير:بنقولك ع قصة امتنان
انا:خيرها شن بتلزني حتى من حوشنا توا
عبير:اعطيني رقمك بنكلمك صوت
انا:قولي الي بتقوليه هنا
عبير:صدقيني نيتي صافيه ونبي نحكيلك الصدق
انا:باهي واعطيتها رقمي
عبير:اوكي توا بنتصل بيك نهاية رقمي٩٦وليبيانا
انا:باهي
اتصلت بيا وهردونا شن جوك والخ....
عبير:يااريج انتي بنت كويسة وممتازة وحرام اخر سنة اضيع عليك
انا:اختصري بلا لف ودوران
عبير:المهم هذا يومها امتنان قالتنا.............
وحكتلها كل شي
انا:معقولة شن هالبنت هادي وانتو علاش اوقفتو معاها
عبير:والله مانعرف بس وربي نادمه اني ونبيك تسامحيني
انا:يسامحك رربي
عبير:نبيك حتى انتي تسامحينيي والله اني نادمه اني شاركتها غلطها
انا:يصير خير هي سلام
عبير:لا ماتصكريش بنقولك ع شي مهم تاني
انا:شن بتقولي تفضلي هي
عبير:....
انا....
..
..
..
انتهى البارت