كفاح ( روايات ليبية )

حلقة 8

البارت الثامن
👇🏻
ماما:علاش ماحكيتيش كل شي من البداية
انا:ماهو
ماما:ماهو شن توا بتنزلي وبتقولي كل شي لبوك ولا اني حنقوله
انا:خلاص تمام حننزل ونقوله كل شي
انزلت وحكيت لبابا وخوتي
بابا:خيرك هذا وين اذكرتي تقولينا
احمد:تي كيف هذا كله يصير واحني مانعلمو بشي
انا:اني بنحكي بس حسيته الموضوع عادي مايستحقش كل هذا
ببابا عيط ف وجهي
بابا:تي شن الي عادي هذا كله وتسمي فيه عادي
انا:😞💔
اركبت لداري وخليتهم بروحهم الكل يعيط ويكشخ شن هذا الزفت بكيت وارقدت ومعاش نعلم بشي لساعة١٢ ف اليل
فقت جعانة ونزلت للمطبخ
ادهم:هوه انتي يابنت
انا:ها خيرك شن فيه
ادهم:لا شي قلت بالك تمشي وهي راقدة
انا:بالله
ادهم:وحق ربي وخيرك نايضة متعصبة انتي
انا:لا مافيا شي حول من قدامي ترا
ادهم:اوجي ياسمحة انتي يأحلى اخت ف الدنيا
انا:قول شن تبي بسرعة
ادهم:خليهالي الي تفهم ع الطاير
انا:به قول شن تبي😒
ادهم:ماقلتي لحد وله
انا:لا قلت وعطيت خبر حتى للجزيزة باش تنشره ويشوفه بوك
ادهم:لا عادي يعني اديريها انتي ره
انا:اي نعرف نديرها وندير مكبر
ادهم:تي باهي قوليلي قلتي لحد ولالا
انا:ماقلتش بس توا لو ماطلعتش جبتلي حاجة ناكلها حنقول
ادهم:والله بري الي بتقولليله قولي تحسابيني خايف
انا:متأكد من كلامك
ادهم:اي متأكد اني البنت نحبها ونبيها وماحد ليه دخل بيا
انا:ححي بهاء جيت تعالى بنقولك
بهاء:ع شن
انا:ع ادهم
ادهم:شن تبي نجيبلك بيتزا ولا شاورما
انا:ايواا خليك هكي نبيهم اتنين ونبي معاهم مشروب شاني🙂💙
بهاء:اي به شن بتقوليلي
انا:لاشي
بهاء:🙁😕
انا:خيرك ماقلت شي غلط ره
بهاء:لا ماقلتي شي خلي نمشي نرقد خير
انا:باهي تصبح
شوية وادهم جي
ادهم:هاك كولي صحتين تبي اي حاجة تانية عادي ره
انا:😂😂😂لا نبي سلامتك بس
قعمزت كليت وخشيت رقدت
ف الصبح نضت ال٦والقيت بابا نايض حتى هو
انا:صباح الخير
بابا:صباح النور
انا:نديرلك فطور
بابا:اي عادي خلي نفطر قبل لانمشي للشركة
انا:شنو شكله عندك شغل هلبا فايق بكري
بابا:اليوم عندي صفقة لو ربحتها نكون ربحت كل شي ولو خسرتها حنخسر كل شي
انا:لا ان شاءالله قدها انت 💙
بابا:ان شاءالله يابنتي☺💓
انا وتيت لفطور وفطرنا اني وبابا ووصلني للكلية وكسدت بروحي لانه الحيوانة هاديكا غايبة🙂
انا:اففف زعما شن صار مع بابا خلي نتصل بأدهم يجي يروح بيا
ادهم:ايواا ها
انا:تعالى روح بيا
ادهم:تمام شوية ونكون عندك
شوية ووصل ادهم وكانت السيارة نفسها تاع كل يوم تلاحق فينا خليت روحي عادية
ادهم:خيرك في حاجة
انا:لا مافي شي
ادهم:☺🙂
انا:شن جو حبيبة القلب😉
ادهم:😂😂تسلم عليك
انا:سلمها كنتنا يااربي😍😂
ادهم:سلمك ياارب
ووصلنا للحوش اول ماخشيت القيت العيلة كلها ملتمة وكل واحد فيهم وجه مايتفسرش بكل
انا:خيركم شن فيه
ادهم:تكلمو الزفت
ماما:بوك خسر الصفقة
انا حسيتها كأنها غرصت موس ف قلبي
ادهم:كيف وعلاش خسرها
انا:عادي يابابا مش اخرة الدنيا الصفقة هادي
بابا:يابنتي اني خلاص خسرت كل شي حتى الشركة خسرتها ره
انا:لا ماخسرتهاش ومش حتخسرها
بابا:لا خسرتها كل لفلوس الي ف المصرف انسحبو مني ماقعدليش حتى ريع
انا:وكان هذا احني حنرجعوها بفلوسنا ماتحطمش روحك وتقول لا خلاص انت لازم ترجع توقف من جديد وكلنا حنكونو معاك يد وحدة وحنرجعوها
بابا:ان شاءالله ان شاءالله
انا:من غدوة حندور ع خدمة
ماما:وقرايتك يابنتي
انا:ملحقة عليها بس مستحيل نشوف بابا ضعيف ومانقدر نديرله شي اني حنوقف معاه
ماما:ربي يعطيك ماتتمني يابنتي☺❤
انا:اجمعيين ياارب🧡
جبت اللاب متاعي وقعدت ندور ف شغل ع النت والحمدالله حصلت وطلبو مني اني نجي بكرا ونتفقو ع كل شي
اانا:الحمدالله يااربي
نزلت للعيلة وبشرتهم بس بابا كان مش راضي ع الخدمة
انا:بابا نعرف انك مش راضي بس اني مش حنخلي الي يكرهك يتسمت فيك
بابا:خليهم يتشمتو المهم مانخليكش تسيبي قرايتك
انا:مش مسيبتها حنقرا ونخدم اتنين
باببا:مش حتلحقي يابنتي وحتعبي روحك واهو خوتك موجودين وحيساعدوني
انا:لا حنلحق وخوتي حتني بنساعدهم
بابا:ياودي معاش عندي مانقولك يابنتي غير ربي يعاونك ويوفقك بس❤
انا:هذا الي نبيه انه انت وماما تكونو راضيين عليا ومعاش نبي شي تاني😍
بابا وماما:راضيين عليك دنيا واخرة
انا حضنتهم اتنين :ربي مايحرمني منكم ولانعيش يوم من دونكم☹️❤
اميرة:اشيه وخيرني اني بنت البطة السودة مافي حد مدورني😏
انا:ههههه لالا تعالي انتي ليك كل شي
اميرة:حليلي ني🤤❤
ادهم واحمد وبهاء:باهي واحني
انا واميرة:😂😂😂انت ماليكم شي اقلبو وجوهكم
احمد:اححمم احني الي لينا كل شي
اميرة:لينا ولا عدنان
احمد:ماتحاوليش تخففي دمك حيقعد ثقيل مهما درتي 🙂
اميرة:تو نزيدة امية باش يخف
انا:اياه علينا منكم انتو الزوز ترا خلو الجو قنين وفكونا من برادتكم
احمد:به اني اصلا بنطلع اقعدو فيها
ماما:وين ماشي
احمد:للعيادة عندي هلبا شغل
ماما:ربي يعاونك ويزيدك من عندك ياارب ويحفظك من كل شر ياارب
احمد:اميين ياارب ❤هي ماتبو شي
انا:كان قتلك نبو تجيبلنا
احمد:بذات انتي اكيد لا
انا:باهي شكرا
احمد:عفوا
طلع وولع سيارته ومشي وهو ماشي ف الطريق صادفاته البنت هاديكا زبطوها ولانسيتوها🙄😂
احمد:لا اكيدة اني نتخايل علاش ف كل مكان بديت نشوف فيها الزفت وقف سيارته شوية وجي بينزل
جت دقت وحدة ع المرش نزل احمد المرش وحول نظاراته
احمد:نعم تفضلي
البنت:اسمي الهام
احمد:باهي عاشت الاسامي شن دخلي ف اسمك اني خيرك شن تبي بس
شوية وحولت الخمار
احمد مصدوم:ءءءنتي نفسها
الهام:اي اني نفسها
احمد:شن تبي
الهام:افتحلي الباب وانت ماشي تو نحكيلك شن نبي
.
.
.
.
...
...
#انتهى البارت