كفاح ( روايات ليبية )

حلقة 11

البارت الحادي عشر
👇🏻
انا:خلاص نوصلو للحوش اول ماننزلو نخبرهم وانت بتخبرهم معاي
ادهم:شرايك نعطيهم يكلموها هي وتخبرهم
انا:اي وحق ربي فكرة
ادهم:مصح خليقتك
انا:نعرف نعرف
اوصلنا للحوش
انا:هي درس سيارتك وتعاالى داخل باش تسمع كل كلامي
ادهم:تي تعالي جاي وين ماشية وانتي ماصدقتي
انا:مش قتلي عادي خبريهم
ادهم:تعرفيني نحب نبصر معاك اني خيرك اوجي عاد
انا:اهااا توا اوجي وراسك الا مانخش نخبرهم
وجريت طول للحوش وهو يجري وراي😂😂😂
ادهم:وقفي ياكلبة
انا:مانيش😂😂😂
ومشيت نجري لبابا وماما
انا:باباااا ماماااااا
بابا وماما:ها خيرك شن فيه
انا:هههههه اصبرو شوية ناخد نفس
ادهم:اريج🙂
انا:ماتسكتنيش
ماما:شن مدايرلك ترا قوليلي
انا:هذا ياماما ادهم
وقاطعني ادهم قال
ادهم:تي مادرتلها شي ره تبصر عليكم اصلا اني توا بنطلع ناخدلها حاجات
ماما:باهي شن درتلها انت ياعافن
ادهم:وصتني ع حاجات قتلها مش جايبهولك قتلي بنخبر فيك امي وبوي
انا:اححححححييي😱ياكذااااب
ادهم:لا هذا علاش
انا:باهي يأدم تو تشوف وحق ربي المره هادي فاتت بس مره تانية حنخبرهم
ادهم:اقلبي وجهك
انا:جيب الحاجات مش تنسى🙂
ادهم:تي كان توقفي ع راسك مش حنجيبلك حتى حاجة
انا:اوكي خلي نمشي نحكي لماما وبابا مالا
ادهم:خيرك تحبيش لبصارة انتي اهو بنطلع نجيبهولك
انا:ايواا شطور اصلا انتو تمشوش الا بالتهديد
ادهم:جايك الدور ماتخافيش
انا:ههههاي مسكين اني مش متاع لكلام هذا حب وبلابلابلا
ادهم:اي توا تقولي هكي غير يجي مطيوح السعد الا ماتحبيه
انا:ماطيحلاش سعده ايواا
ادهم:هئه طيري خلي نمشي نجيبلك حاجاتك
انا:رد بالك تعطل
خشيت بدلت وتوضيت وصليت الظهر وكلنت ابتسام
انا:اهلين سومه
ابتسام:اهلين اوجي وينك اليوم يافرخة ماجيتيش
انا:اليوم اول يوم ف الخدمه ياسطل
ابتسام:ايوا احني بدينا نخدمو وخطينا ف قرايتنا
انا:موتي بنقرا من قالك بنسيب بس الظروف هي الي جبرتني ع الخدمه كان هذا راهو ماخدمتش والهيت بقرايتي
ابتسام:ياروحي ربي يكون ف عونكم ويفرج عليكم❤
انا:ان شاءالله ياارب
ابتسام:المهم بنقولك غدوة عندنا امتحان
انا:اياه علينا وربي تعبانه مانقدر نقرا
ابتسام:لا عاد اقري اخر سنه هي خليها تمشي ع خير ناخدو الشهادة ويملحو
انا:باهي باهي هي طيري خلي نرقد شوية باش  انوض نقرا
وسكرت من ابتسام وخشيت ارقدت لساعه٥جت الساعه خمسة وجت اميرة تنوض فيا
اميرة:اريييييج نوضي وووه عليا مات
انا:ءءها شن فيه من مات
اميرة:وووك عليا ياناري مات ياربي صبرني
اريج:خير امك انتي تي من الي مات تكلمي الزفت
اميرة:ادهم مات من الضحك😹😹😹😹😹😹
انا نضت بعصبيه وطحت فيها ضرب وتريش
اميرة:تي شن الغولة هادي
انا:وحق ربي جاياتك خلعه اخلى من هادي وتو تشوفي يااميرة كان مانخليش تندمي خودي مني الي تبيه
انزلت لماما القيتها ادير ف قهوة ليها هي وبابا
ماما:صح النوم
انا:سلمك
ماما:تشربي قهوة معانا نحسبك فيها ولالا
انا:اكيد خلي نصحصح شوية باش نقرا كويس
ماما:من عيوني
انا:سلمهملي يااربي😍
وتينا القهوة اني وماما مشيت للجنان القيت كيكة ع الطاولة
انا:من مدايرها الكيكة
اميرة:اني ومش حنخليك تاكلي منها
انا:متت😹😹😹😹😹تعرفي اديريها انتي بكل
اميرة:وخيره شن تحسابي روحك انتي بس تعرفي اديري كيكة
انا:باهي ترا اعطينا ندوقوها
اميرة:قتلك انتي مافيش منها لو اطيري للسماء وتنزلي
انا:ططططططييحسعدك ريت هالحاجة لكبيرة الي مدايرتيها الي يشوفك يقول مدايرة بازين
اميرة:الكيكه احلى من البازين
انا:باهي
ماما:لا انتو اتنين وليتو احرف من توم وجيري
اميرة:تعرفي ياماما تو خلعتها خلعه تهبل😹😹😹😹😹😹😹
انا:اضحكي زيدي تو تشوفي شن نديرلك
هدرزنا وضحكنا وببعدها امشيت نقرا ونفكر
انا:كيف بندير توا قرايتي وخدمه والله هلبا عليا ياارب ساعدني وكون معاي ف كل خطوة❤
خليني نكمل قرايتي ونكلم المدير ونتفق معاه ع الشغل
ف مكان تاني عند احمد مقعمز يفكر ف موضوع البنت الي طلعله فجأة
احمد:اخخخ ياراسي من وين طلعتلي البنت هادي بس
شوية وصلاته رسالة من الهام مكتوب فيها
شنو كيف حال اريج اليوم مغيبة ع الكلية
احمد تعصب وارمي فونه ع الحيط وبعدها طلع ويسوق بعصبيه وقرر يتصل بيها
احمد:تعرفي يابنت الناس ماتفوتيش عيلتي مش حتشوفي شي يعجبك
الهام:هه يامامي خفت انت من تحساب روحك عقاب حشرة جاي يهدد فيا هذا ماناقص
احمد:تي غير مانحصل عليك تو تشوفي من الحشرة يارخيصة
الهام:احترم نفسك
احمد:ماينفعش معاك الاحترام انتي🙂
وصكر منها وروح للحوش واول ماخش دور ع اريج
احمد:اميرة
اميرة:نعم
احمد:وين اريج
اميرة:فوق ف دارها تقرا
اركب احمد لاريج وطول جي حضنها
انا مستغربة خيره وكيف صار احمد ويحضن فيا شوية ووغر من عليا
انا:احمد فيك حاجة
احمد:اريج احكيلي سبب الحادث متاعك يومها
انا:حكيتهولكم
احمد:لا نبي الحق اني مش القصة هاديكا كلها كذب
انا:ءءء من قالك انت انها كذب
احمد:ماتكتريش معاي الدوة وقوليلي كل شي راهو ع اعصابي قاعد
حكيتله كل شي
احمد:وليش ماحكيتيش من الاول
انا:ماقدرتش نقولكم خفت تصير مشكلة بسببي
احمد:باهي توا قاعدينن يلاحقو فيك
انا:لا اليوم هادو معاش شفتهم
احمد:اها كويس المهم بنقولك
انا:شنو
احمد:ردي بالك ع روحك واني حنقعد نرفعك ونروح بيك
انا:تمام
طلع احمد واني نفكر شن الي غير احمد هكي
انا:ان شاءالله خير وخلاص

.
.
.
🤗