سيرين طلعت مع اولاد خيلانه بس ما كانت مبسوطه من جواها و طوااالي سرحااانه
طلعو حديقه جمييله وفيها العاب نورهان و اسمهان مبسوطيين ومن لعبه لي لعبه ومعاهم حسام بس سيرين قعدت ليها في كرسي كده وبقت تتفرج فيهم نادوها تلعب معاهم بس ما رضت وفضلت تقعد تتفرج بس
هشام جاء قعد جمبها
هشام: بت عمتي العسل مالا سرحانه و هيمانه كده
سيرين:هههه لا والله ما سرحانه شايله هم النتيجه قربت
هشام: طيب عيني في عينك كده
سيرين: جاده معاك
هشام: طيب يا سيرين بي غض النظر عن التبريرات بتاعتك الغير مقنعه دي كلها عيشي حياتك وشوفي قدامك والعايزك ما بفوتك اضربي الهم بالفرح وعيشي ما ممكن تعيشي علي الماضي كده
سيرين: لا ممما كد...
قاطعه
هشام: تااني عليزه تبرري قومي ارح نمشي نركب اللعبه ديك ممتعه شديد
ومسكه من يدها ومشي
في الجانب التاني.......
لبني بقت تنق لي حسن انها اشتاقت لي ادهم و عايزه تشوفو
حسن: يا مره مية مره قلت ليك بسفرك ليو بس ما اسي وانتي زاتو عشان تمشي هناك مفروض ادهم يكون اجر ليو شقه عشان يستقبلك فيها
لبني: طيب ومنتظرين شنو خلي من اسي يشوف لي شقه جمبهم هناك
حسن: اصبري انا كلمت اصحابي يشوفو ليو شغل هناك وبعداك بقدر يأجر هسي ما بدوهو شقه وهو زول ما شغال
لبني: سمح انا بكلمو براااي
..........
بالليل هيثم براااحه اتسحب في غرفة مدثر ولقاو من التعب في سابع نومه
فتح شنطة اليد و شال سلسلة المفاتيح بتاعتو وطلع نادا ادهم وطلعو فوق في السطوح وفتحو الشنطه ولقو فيها حاجات كتييره هدوم و اوراق وبقو يفتشو جواها بس هيثم لمح ليو كيس اسود ملفوف علي جنب كده شالو وفتحو لقي.......
...........
عاصم قاعد مع اخوانو في بيتو
عماد: شفت مش قلت ليك حسن ما حايسيب ليك ولدو بالساهل كده يا عاصم ما سمعت كلامي اهو اسي ختاك في موقف لا تحسد عليه
عادل: ياخ نحن عارفين سلفا انو حسن ما راضي يا عماد
انت مالك بتلوك في الكلام وتعيد فيو
عاصم: عليكم الله اقفلو الموضوع ده عشان دمي ما يفور
عادل: احسن شي انو تقفلو الموضوع ده
........
ادهم وهيثم فتحو الكيس ولقو شنطة ادهم زي ما هي بي جوازو وتلفونو والحاجات الباقيه فيها كلها
