ادهم فتح الباب لقي ماف زول في الغرفه عاين كده و طوالي طلع سأل الممرضات قالو ما شافوها وبقي لافي في المستشفي في النهايه مشي لي د.نيرفان وكلمه
د.نيرفان: كيف يعني ماف انا قبيل مريت عليهم وكانو قاعدين
ادهم وهو متوتر: والله ما عارف انا ما لقيته في غرفته
د.نيرفان مشت غرفة سيرين وعاينت لقت حاجاتم قاعده بس هم مافيشين
د.نيرفان: غريبه حاجاتم قاعده
ادهم وهو متعصب : اسي الحل شنو؟! يعني حايكونو مشو وين
د.نيرفان: يا ادهم اهدا دقيقه نسأل الرسيبشن برا لانو اكيد لو طلعت حاتجي ماره بي جمبهم
وسرييع نزلو تحت وسألو موظف الاستقبال و قاليهم انو ماف زول طلع برا
ادهم اتصل بي خالتو سماهر و خالتو سماهر ردت
ادهم: يا خالتي انتو وين مشيتو
سماهر: في شنو يا ادهم مالك
ادهم: انا جيتكم في الغرفه ما لقيتك لا انتي ولا سيرين
سماهر: كيف يعني سيرين ماف انا خليته قلت ليها مدام ادهم جاي انا امشي البيت اغير واجيب ليك غيار و اجي
ادهم: طيب حاتكون مشت وين يعني
سماهر: وووب بتي وينه 😭
ادهم: انتي اسي وين
سماهر: دااابي وصلت البيت
ادهم: طيب اعملي حاجاتك وانا بفتشه لو لقيته بديك خبر
سماهر: طيب طمني سريع هليك الله
ادهم: حاضر
وقفل الخط وبقي بفتش في المستشفي هو د.نيرفان ومعاهم كم دكتور كده
د.نيرفان كانت متوتره لفقدان سيرين وبقت تفتش يمين وشمال لاقاها دكتور زميله اسمو كريم
كريم: د.نيرفان خير مالك؟
نيرفان: عندنا بيشن مفقود ما لاقينو
كريم: يا زوووله كيف الكلام ده؟!
نيرفان: والله زي ما بقول ليك كده
كريم: راقد في الغرفه الكم
نيرفان: 14 اعتقد
كريم: كدي ارح
نيرفان وهم ماشين علي الغرفه: ماف قلت ليك اسي نحن كنا في الغرفه
كريم: مالو نتاكد تاني
وصلو الغرفه ولمن دخلو لقو سيرين رااااقده
د.نيرفان: سيرين انتي كنتي وين المستشفي كلها مقلوبه عليك
سيرين اتخلعت: منو؟! انا؟
نيرفان: اي انتي كنتي وين؟
سيرين جوني الممرضات و ساقوني عشان يعملو لي إكس ريي و عملتو و جيت راجعه
