ادهم كان تعبان نام و لمن صحي لي مجمووعه من السودانين مالين الشقه قام طلع غيارو واستحمه وطلع لقي الناس مشو سال صاحب ابوهو اسمو مدثر
ادهم: الناس ديل منو يا عم مدثر
مدثر: ديل سودانين الساكنين قريب قريب بجو يتلمو هنا يلعبو كوشتينه ويمشو من قبييل كانو قاعدين بس انت كنت نايم
ادهم: ايوااا تمام الشنطه بتاعت الضهر بتاعتي الصغيرا ديك وينه؟
مدثر: والله ما عارف انت كنت خاتيها وين
ادهم: انا ختيته في الطربيزه ودخلت وبالتعب والارهاق ما حسيت بي نفسي نمته اسي ما شايفه
مدثر: كدي فتشه كويس
ادهم فتش الشنطه دي سما ارض ما لقاها واتوتر شديد
مدثر: انت متأكد انك جيت بيها من هناك
ادهم: ايوا متاكد انا كنت خاتي فيها جوالي وجوازي وحاجاتي المهمه كلها
مدثر: والله دي مشكله كبيره ما حاتقدر ترجع السودان لو ما لقيت جوازك ده
ادهم: كيف يعني ما ارجع لازم ارجع انا عندي حاجات مهمه هناك ما عملتها اجلتها قلت بعد ارجع وده غير الحاجات المحتاج ليها ابوي للشغل
مدثر: كدي اسي اتصل علي ابوك و طمنم انك وصلت كويس
......................
مره اسبوع علي سفرت ادهم وما كان في اتصال منو لي سيرين واخبارو انقطعت منها
سماهر: اها ادهم ما ضرب لسه
سيرين: ما ضرب يا ماما انا قلقانه عليو ياربي الحاصل عليو شنو
سماهر: ولا شئ حايكون لقي ليو بت روسيه حلووه كده ولفت ليو راسو بس
سيرين: يا ماما ده ما وكت هظارك انا قلقانه عليو وما عارفه اتصرف كيف
سماهر: ما عندك موضوع لو كان مهمي كان اتصل عليك وطمنك اسبوع كامل ما جاب خبرك
سيرين: لا يا ماما ادهم ماف شي بمنعو مني الا الشديد القوي
سماهر: سمح نشوف اخركم شنو
..........
ابني قاعده وقلبها واجعه علي ولده قعدت مع حست و اتكلمت معاو
حسن: ماف كلام زي ده ادهم ما حايرجع الا بت عاصم دي تعرس
لبني: لكن يا حسن ما ممكن حياتو هنا تكون مرهونه بي عرس بت عاصم
حسن: انتي عارفه انو عاصم وافق وكان حايعقد ليو
لبني: سجمي كيف يعني وافق وادهم كان حايعقد من غيرنا يعني
حسن: البت لاحسه ليو مخو شديد وانا ما بسمح لي بت عاصم تجي تخش البيت ده
لبني سكتت ساي وما قدرت تتكلم
......
ومره اسبوعين تاني وادهم انقطع من الناس و ما قادر يتصل لانو ارقامو كلها في الجوال بتاعو وبقي ما عارف يتصرف كيف
اصحاب ابوهو جابو ليو تلفون و شريحه روسيه وما فيها غير رقم امو ورقم ابوهو بس حسن وعدو انو يتصرف وطبعا ده بس عشان يسكتو وكل مره يطلع ليو بي عزر
مرت الايام و الشهور وادهم ما منو خبر وسيرين استاءت ده غير امها و ابوها الاربعه و عشرين ساعه ينقو ليها
ويتبع.....
