د.نيرفان غمزت لي أدهم وقالت ليو: خلاص يا ادهم خليها هي ما حاتتجاوب معاك
أدهم: خلاص يا سيرين يعني ما حاتتكلمي معاي😔
خلاص انا حاطلع من حياتك لانو انا السبب في الحاصل ليك ده وتاني ما حاتشوفي وشي
وقام مشا علي الباب بس فجأه سيرين كوركت ليو
سيرين: لا يا أدهم ما تسيبني انا ما بقدر اعيش بدونك
ادهم لمن سمع صوته جرا عليها و حضنه وبقو يبكو
سيرين: لي عايز تسيبني و تتخلي عني انا بحبك ما بقدر اعيش بدونك ليي عايز تبقي انت والزمن علي
ادهم: وانا كمان يا روحي اسيب الدنيا كلها ولا اسيبك انتي بس انا عملت كده عشان انتي تنطقي وتتكلمي عايزك ترجعي لي سيرين حبيبتي الأنا بعرفه وكيف اتخلي عنك في زول بتخلي عن روحو في زول بقدر يعيش جسد من غير روح انتي روحي ونفسي البتنفسو
سيرين: انت قلت لي حاتطلع من حياتي😭
ادهم: لا والله بس عشان كنت عايزك تتجاوبي معلي واطمني يا ستي انا وانتي ما بفرقنا الا الموت ولو حكمت خاخطفك و امشي بيك مكان بعيييييد
.............
Hiba jamal
تتكلم
ادهم وسيرين هنا عايشين اجمل لحظات و هم مع بعض ما عارفين الزمن حايحكم عليهم بشنو
هل الظروف حاتخدمم ولا حاتكون عائق في حياتم هل الماضي الهم ما ليهم زنب فيو حايكون ملاحقم ووراهم ولا حايخليهم يعيشو حياتم في امن وامان ...... ياما لاقتنا قصص في حياتنا اشبه بي قصة ادهم و سيرين ياما لاقتنا في حياتنا ازمات قد تكون دمرت حياتنا بس الشاطر هو البحسبه صاح وبعرف كيف يطلع نفسو من الدوامه دي ومن المشاكل دي
تعالو نتفق انو ماف حياة من غير مشاكل تعالو نتفق انو ماف حياة ورديه لازم نواجه صعوبات ولازم نتقاضي عن حاجات عشان المركب تمشي لو اتمسكنا بي كل كبيرا و صغيرا حانلقي حياتنا عباره عن مشاكل ما ليها حصر
لازم ما نربط الماضي بي حياتنا والا ما حانشوف الحاضر ولا المستقبل حانعيش مع الماضي وحانكون بين الأطلال و تتوقف حياتنا ونلقي حاجات كتييييره فاتتنا والزمن ما بقيف حايمشي واي زول حينزل محطتو بس قبل ما ينزل لازم يكون عاش حياتو صاح لانو الزمن ما برجع لي ورا.
.............
نرجع للروايه
خالتو سماهر و ريفال و د. نيرفان كانو كمان دموعم بتنزل لانو اتأثرو بالموقف شديد وفي حاجه مهمه
انو خالتو سماهر اتأكدت من حب ادهم القوي اتجاه بتها وعرفت انو سيرين سعادته مع ادهم
ريفال وهي بتمسح دموعه: شنو يا ادهومي اديني فرسه معاك عشان اسلم علي بت عمي
ادهم: جددا
بس سيرين كانت متشبثه فيو وما عايزه تفكو 😂 زي الكنو لو فكتو حايضيع منها تاني
سماهر: يا بت سيرين خلاص فكيو وسلمي علي بت عمك
سيرين فكت ادهم وسلمت علي ريفال بالحضن وكانت اول مره يسلمو علي بعض لانو ما حصل اتلاقو الا من بعيد لبعيد بس
ريفال: مرت اخوي وبت عمي وست الشئ واي شئ انا مبسوطه انك حاتنضمي لي عائلتنا
سماهر: 😏😏😏
د. نيرفان: والله يا جماعه انا ما حصل لاقاني حب زي حبكم ده ربنا يخليكم لي بعض ويحفظكم
ادهم: امييين يا رب وشكرا ليك والله انتي ما قصرتي معانا
د.نيرفان: لا شكر علي واجب يلا انا اخليكم واجيكم بعد استلم النتيجه من المعمل
.......................
عاصم مشي البيت بعد يوم طويل ومتعب ولسه كلام الشيخ ما طلع من بالو
رقد في السرير عشان ينوم بس هيهات وبقي يتقلب في السرير يمين وشمال ما قادر ينوم
ادهم مشي جاب سانودشات وعصير عشان ياكلو وبقو ياكلو ويتونسو
سماهر: اسي يا ولدي انت لو اتزوجت سيرين حاتقعده مع امك😏
أدهم: لا يا خالتي سماهر اطمني
العايزنو انتو انا بعملو ليكم بس ان شاء الله ربنا يسهله والامور ما تتعقد علينا
ريفال: انا اصلا ما بايد قعاد النسابه الزول بعد يتزوج حقو ينفصل ويعيش حياتو براو
سماهر: سبحان الله البشوفك يقول نهائي ما بت لبني😏 حلاااتك انتي
بقو كلهم يضحكو
ويتبع.........
