سيرين: أدهم انا خايفه شديد
ادهم: بتخافي وانا معاك؟!
سيرين: في حاجات انت زاتك ما حاتقدر تعمل فيها حاجه وده المخوفني
ادهم: انتي خايفه من شنو بالضبط؟؟
سيرين: خايفه من الجهول يا أدهم
خايفه في يوم القي روحي مفروضه علي حياة انا ما عايزاها
خايفه خايفه في يوم أصحي القي نفسي زوجه لي زول تاني
خايفه في يوم القي نفسي مجبورا اتعايش مع انسان عمري ما حبيتو ولا بعرفو
وفي نفس الوكت خايفه اتزوجك انت والقي الحولي كلهم رافضني ويعيشوني في جحيم لا يطاق
والقي نفسي خاتاك في موقف لا يحسد عليه
أدهم: يا سيري.......
قاطعتو
سيرين: ادهم انا ما ممكن في يوم اخيرك بيني وبين أهلك ولا بقدر افصلك منهم ولا بخت نفسي في مقارنه بيني و بينم أصلا
لأنو انا عارفه و متأكده انو انا الخسرانه في الحاله دي يا أدهم دي امك الحملت فيك تسعه شهور وربتك لحدي ما بقيت راجل دي امك العايزا تفرح بيك بس بالزوله الهي تكون راضيه بيها مش مفروضه عليها
يا ادهم الما عندو خير في اهلو ما عندو خير في زول تاني
انا يا ادهم موقفي ضعيف جدآ
عارف يعني شنو ضعيف
وبقت تبكي.....
ادهم اتوتر وهو زاتو دموعو غلبتو ونزلت
سيرين فتحت عينو علي حاجات هو ما شايفه او بمعني اصح بتقاضي عنها.
أدهم: حبيبتي والله انتي كده يتصعبي الأمور علينا أكتر عليك الله ما تبكي انا عارف الحاجات دي كلها يا سيرين وان شاء الله انا حاحاول بقدر الإمكان اصلح الأمور كلها بس انتي ما تشيلي هم حاجه
سيرين: ادهم عايزاك تعرف حاجه
ادهم: حاجه شنو؟؟
سيرين: انا معاك في اي قرار تاخدو خليك متاكد نهائي ما حاعارضك
لو اخترت انو ننفصل والله انا بتقبل الموضوع عادي ما حاكذب عليك حاعيش نفسيات كعبه بس أهون علي من اعيشك فيها بعد نتزوج
ادهم: وانتي فاكره انو لو انا انفصلنا أسي انا حاكون مبسوط؟ لا يا سيرين بالعكس انا حاعيش نفسيات اكعب منك والله يا سيرين انا كلمه وقلتها لي أمي و حاقوله ليك انتي كمان
انا لو ما اتزوجتك ما حاتزوج تاني لانو بعدك البنات كلهم عندي واحد يا انتي يا ما عايز
سيرين: لا يا ادهم ما تقول كده انت حاتتزوج ان شاء الله و حاتجيب اولاد و بنات و أوعدني لو اتزوجت غيري اول بت ليك تسميها سيرين
ادهم: انتي بتقولي شنو يا سيرين الكلام ده ما بحصل ان شاء الله اتفائلي خير وانا فعلا حاسمي بتي سيرين علي امها بإذن الله
سيرين: ان شاء الله يا أدهم ربنا يسهله
ادهم: إنشاء الله حبيبتي يلا ارتاحي شويه زبعداك ذاكري انا بكره ان شاء الله بجيك الجامعه طولت منك اشتقت ليك
سيرين:اوووكي حبيبي انا كمان إشتقت ليك خلاص بخلص محاضرتي 2 انت تعالي بعداك
أدهم: حااااضر حبيبتي من عيوني الإتنين يلا في امان الله
سيرين: ونعم بالله مع السلامه
سيرين و أدهم قفلو الخط بس كل واحد منهم بالو بقي مشغول وما عارفين كيف يحلو المشكله دي.
تاني يوم سيرين مشت الجامعه وحضرت محاضراته كان عندها في الجامعه صديقه واحده ليها اسمه رنا وكانو اليوم كلو مع بعض
سيرين بعد خلصت من محاضرته
رنا: اها يلا نمشي عشان الموصلات ما تبقي لينا زحمه
سيرين: لا انتي امشي انا منتظره ادهم
رنا: يا بختك مين زيك كان كده انا امشي سريع عشان احصل يلا باي
سيرين: اووكي تمام باي
سيرين اتصلت علي ادهم
سيرين: الوو ادهم انت وين؟
ادهم: جمممبك حبيبتي اطلعي
سيرين: طيب
وطلعت وركبت معاو العربيه وداها مطعم قعدو وطلبو عصير
ادهم: عارفه يا سيرين انا من مكالمة أمس ما نمت لحدي الان
سيرين: ولا انا
ادهم بي زعل: انا مش قلت ليك ما تساهري يا سيرين
سيرين: والله ما ساهرت بي ارادتي غصبا عني النوم أبا يجيني اعمل شنو
ادهم: ..........
ويتبع......
